Ghjuvan Battista pridicheghja
1 L’annu quindicesimu di u guvernu di Tiberiu-Cesaru, Punziu-Pilatu era guvernatore di a Ghjudea, Erode tetrarca di a Galilea, u fratellu Filippu tetrarca di l’Iturea è di u tarritoriu di a Traconita è Lusania tetrarca di u tarritoriu d’Abila,
Matthieu 27.2 Actes 4.27 Luc 9.7 Luc 2.1 Luc 3.19
2 è i capisacerdoti eranu Anna è Caiffa : tandu a parolla di Diu fù mandata à Ghjuvanni, filiolu di Zaccaria, in lu disertu ;
Actes 4.6 Jean 18.24 Jonas 1.1 Luc 1.80 Sophonie 1.1
3 Ghjuvanni andò in tuttu u circondu di u Ghjurdanu chjamendu à u battezzimu di pintimentu da ch’elli sianu pardunati i piccati,
Luc 1.77 Actes 13.24 Actes 19.4 Jean 3.26 Marc 1.4-1.5
4 cum’ella hè scritta in lu libru di e parolle d’Isaia, u prufeta :
hè a voce d’un omu chì grida in lu disertu,
appruntate a strada di u Signore,
fate li l’andati diritti ; Jean 1.23 Esaïe 40.3-40.5 Luc 1.76-1.79 Malachie 4.6 Marc 1.3
5 Sarà ripiuta ogni bassa,
sarà spianata ogni muntagna è ogni pughjola,
I passaghji storti vinaranu diritti,
è e strade sfussate saranu apparinate ; Esaïe 42.16 Esaïe 49.11 Esaïe 40.4 Esaïe 45.2 Ezéchiel 17.24
6 è ogni carne vidarà a salvazione di Diu.
Esaïe 52.10 Esaïe 40.5 Psaumes 98.2-98.3 Luc 2.30-2.32 Luc 2.10-2.11
7 È dicia à e manse di a ghjente chì vinianu da ch’ellu e battezzi : « o razzinu di vipare, quale vi hà ammunitu di fughje a collara chì hà da vene ?
Matthieu 23.33 1 Thessaloniciens 1.10 Matthieu 12.34 1 Jean 3.8 Genèse 3.15
8 Fate frutti chì sianu quelli di u pintimentu, è ùn cuminciate à dì in voi stessi : ‘cum’è babbu avemu à Abraamu’. Chì a vi dicu, ancu da isse petre, Diu pò fà nasce figlioli pà Abraamu !
Actes 26.20 Esaïe 1.16-1.18 Jean 8.33 Ezéchiel 18.27-18.31 Romains 4.16
9 Chì, à dighjà, a piola hè messa à a radica di l’alberi : l’arburu chì ùn face u fruttu bellu và mozzu è lampatu in lu focu. »
Luc 13.9 Matthieu 7.19 Jean 15.6 Matthieu 3.10 Luc 13.7
10 È e folle u intarrugavanu, dicendu : « è chì ci tocca à fà ? »
Actes 2.37 Actes 16.30 Luc 3.14 Actes 9.6 Luc 3.12
11 Li rispose è disse : « à chì hà duie camisge, ch’ellu ne dia una à quellu chì ùn ne hà, è à chì hà da manghjà ch’ellu fia listessa. »
Daniel 4.27 1 Jean 3.17 Luc 18.22 1 Timothée 6.18 Actes 10.4
12 Affacconu ancu i paccittori chì vulianu esse battezzi, è li dissenu : « o Maestru, chì ci tocca à fà ? »
Luc 7.29 Matthieu 21.31-21.32 Luc 15.1-15.2 Luc 18.13
13 Li disse : « ùn pigliate nulla in soprappiù di ciò chì v’hè statu fissatu. »
Luc 19.8 Michée 6.8 1 Corinthiens 6.10 Tite 2.11-2.12 Esaïe 55.6-55.7
14 Ci funu ancu i suldati chì li dumandonu : « è à noi, chì ci tocca à fà ? » Li disse : « ùn maltrattate à nimu è ùn accusate à nimu di ciò ch’ellu ùn hà fattu, ma cuntintate vi di a vostra paca. »
Exode 23.1 Philippiens 4.11 Lévitique 19.11 Hébreux 13.5-13.6 Exode 20.16
15 Cum’è u populu era in aspittera è chì ognunu si dumandava, da sè à sè, sì Ghjuvanni ùn era micca u Cristu,
Jean 1.19-1.28 Jean 10.24 Jean 3.28-3.29
16 à tutti li rispose, è disse : « eiu vi battezzu cù l’acqua, ma vene quellu chì hè più altu cà mè, è chì eiu ùn sò mancu da scioglieli a currighjina di i scarpi, ellu vi battizzarà cù u Spiritu santu è u focu ;
Jean 1.26 Actes 1.5 Jean 1.33 Matthieu 3.11 1 Corinthiens 12.13
17 avarà u spulellu in manu è pulisciarà u so granu è ammansarà u granu in granaghju, ma a paglia a brusgiarà ind’un focu chì mai si spenghje. »
Matthieu 13.30 Esaïe 30.24 Psaumes 1.4 Marc 9.43-9.49 Jérémie 15.7
18 Chjamendu cusì è in parechje altre manere, Ghjuvanni purtava a nutizia bona à u populu.
Jean 1.29 Jean 1.15 Actes 2.40 Jean 1.34 Jean 3.29-3.36
19 Ma Erode, u tetrarca, chì Ghjuvanni l’avia datu da dì par via d’Erudiada a moglia di u fratellu, è par via di tutte e so altre malfatte,
Luc 3.1 Marc 6.17-6.18 Matthieu 11.2 Proverbes 9.7-9.8 Proverbes 15.12
20 ne fece una antra : ficcò à Ghjuvanni in prighjò.
2 Rois 21.16 1 Thessaloniciens 2.15-2.16 2 Rois 24.4 Matthieu 21.35-21.41 Jérémie 2.30
Battezimu di Ghjesù
21 Mentre chì tutti si facianu battizzà, fù battezzu ancu Ghjesù è, in lu mentre ch’ellu pricava, u celu s’aprì
Jean 1.32-1.34 Matthieu 3.13-3.17 Luc 9.18 Jean 12.27-12.28 Marc 1.9-1.11
22 è u Spiritu Santu li si calò addossu cù a forma curpurale d’una culomba, è vense una voce da u celu : « tù sè u me figliolu, u me caleghju, è in tè mi ralecru. »
2 Pierre 1.17-1.18 Jean 1.32 Matthieu 17.5 Psaumes 2.7 Luc 9.34-9.35
L’antichi di Ghjesù
23 Quand’ellu principiò, Ghjesù avarà avutu in li trenta anni, issendu, cum’ omu cridia, figliolu di Ghjaseppiu, figliolu d’Alia,
Matthieu 13.55 Nombres 4.3 Matthieu 1.16 Marc 6.3 Actes 1.1
24 figliolu di Mattat, figliolu di Levì, figliolu di Melchi, figliolu di Iannai, figliolu di Ghjaseppiu,
25 figliolu di Mattattia, figliolu d’Amosu, figliolu di Naumu, figliolu d’Esli, figliolu di Naggai,
26 figliolu di Maat, figliolu di Mattattia, figliolu di Semein, figliolu di Iosè, figliolu di Ioda,
27 figliolu di Ioanan, figliolu di Resa, figliolu di Zorobabel, figliolu di Salatiel, figliolu di Neri,
Matthieu 1.12
28 figliolu di Melchi, figliolu d’Addi, figliolu di Kosam, figliolu d’Elmadam, figliolu d’Er,
29 figliolu di Ghjesù, figliolu d’Elieser, figliolu di Iorim, figliolu di Mattat, figliolu di Levì,
30 figliolu di Simeone, figliolu di Ghjuda, figliolu di Ghjaseppiu, figliolu di Ionam, figliolu d’Eliachimu,
31 figliolu di Melea, figliolu di Menna, figliolu di Mattata, figliolu di Nattanu, figliolu di Davide,
1 Chroniques 3.5 2 Samuel 5.14 1 Chroniques 14.4 Zacharie 12.12
32 figliolu di Iessai, figliolu di Iobed, figliolu di Booz, figliolu di Salà, figliolu di Naassone,
Matthieu 1.3-1.6 1 Chroniques 2.10-2.15 Ruth 4.18-4.22 1 Samuel 17.58 1 Rois 12.16
33 figliolu d’Aminadab, figliolu d’Admin, figliolu d’Arni, figliolu di Esrom, figliolu di Fares, figliolu di Ghjuda,
Ruth 4.19-4.20 1 Chroniques 2.4-2.5 Matthieu 1.2-1.4 Genèse 46.12 1 Chroniques 2.9-2.10
34 figliolu di Ghjacobbe, figlionu d’Isaccu, figliolu d’Abraamu, figliolu di Tara, figliolu di Nachor,
Genèse 21.3 Genèse 25.26 Genèse 11.24-11.32 1 Chroniques 1.24-1.28 1 Chroniques 1.34
35 figliolu di Seruch, figliolu di Ragau, figliolu di Falec, figliolu di Eber, figliolu di Salà,
Genèse 11.12-11.21 Genèse 10.24-10.25
36 figliolu di Cainamu, figliolu d’Arfacsad, figliolu di Sem, figliolu di Noè, figliolu di Lamec,
Genèse 7.23 Genèse 8.1 Genèse 9.1 Genèse 9.26-9.27 1 Pierre 3.20
37 figliolu di Matusalemu, figliolu d’Enoccu, figliolu di Iaret, figliolu di Maleleel, figliolu di Chenam,
Genèse 5.6-5.28 1 Chroniques 1.1-1.3
38 figliolu d’Elnos, figliolu di Set, figliolu d’Adamu, figliolu di Diu.
Genèse 4.25-5.3 Actes 17.26-17.29 Genèse 2.7 1 Corinthiens 15.45 Genèse 1.26-1.27