A tentazione di Ghjesù
1 Tandu à Ghjesù u si purtò u Spiritu di Diu in lu disertu, da ch’ellu fussi messu a u provu da u diavule.
Hébreux 2.18 Marc 1.12-1.15 Luc 4.1-4.13 Ezéchiel 43.5 Jean 14.30
2 È fece u dighjunu quaranta ghjorni è quaranta notte, è po li vense a fame.
Exode 34.28 1 Rois 19.8 Deutéronome 9.18 Jean 4.6 Deutéronome 9.9
3 U tentatore s’avvicinò è li disse : « sì figliolu sè di Diu, cumanda ch’elle torninu pane ste petre ! »
1 Thessaloniciens 3.5 Luc 22.31-22.32 Job 1.9-1.12 Nombres 11.4-11.6 Genèse 3.1-3.5
4 Ma ellu rispose : « ghjè scritta cusì :
l’omu ùn camparà micca solu cù u pane,
ma cù ogni parolla chì esce
da a bocca di Diu’. »
Deutéronome 8.3 Luc 4.4 Romains 15.4 Jean 6.31-6.59 Jean 6.63
5 Tandu u diavule u si porta in la Cità Santa, l’arripone annantu in cima di u Tempiu
Matthieu 27.53 Néhémie 11.1 Luc 4.9 Esaïe 48.2 Esaïe 52.1
6 è li dice : « sì figliolu sè di Diu, lampa ti sottu, chì ghjè scritta :
darà l’ordini à i so anghjuli
è ti purtaranu in palma di manu,
chì tù ùn abbia da intrampulà in qualchì petra’. »
Psaumes 91.11-91.12 Hébreux 1.14 2 Corinthiens 11.14 Job 1.10 Job 5.23
7 Li dice Ghjesù : « ed hè scritta :
Ùn metterai micca à u provu u Signore, u to Diu’. »
Deutéronome 6.16 1 Corinthiens 10.9 Psaumes 78.18 Psaumes 78.41 Hébreux 3.9
8 È po u Diavule u porta nantu à una muntagna alta assai ; li face vede tutti i regni di u mondu cù a so gloria
1 Jean 2.15-2.16 Matthieu 16.26 Apocalypse 11.15 Luc 4.5-4.7 1 Pierre 1.24
9 è li dice : « tuttu què u ti daraghju, basta à rinchjinà mi ti davanti. »
Daniel 5.18-5.19 2 Corinthiens 4.4 Daniel 2.37-2.38 Jean 16.11 Psaumes 113.7-113.8
10 Tandu Ghjesù li dice : « esci mi da quì, o Satanassu ! Chì ghjè scritta cusì :
rinchjina ti davanti à u Signore u to Diu,
è fà e to divuzione à ellu solu’. »
Deutéronome 10.20 Deutéronome 6.13-6.14 Zacharie 3.1-3.2 Job 2.1 Josué 24.14
11 Tandu u diavule u si lascia, ed eccu ch’elli s’avvicinanu l’anghjuli è u servenu.
Matthieu 26.53 Luc 22.43 Hébreux 1.14 Apocalypse 5.11-5.12 Matthieu 4.6
Ghjesù cumencia à predicà in Galilea
12 Quandu Ghjesù sente chì Ghjuvanni era statu incarceratu, si ne và in Galilea.
Marc 1.14 Luc 4.14 Luc 3.20 Matthieu 14.3 Luc 4.31
13 È po, lasciatu à Nazarè, vene à stà di casa in Cafarnau, vicinu à u mare, à i cunfini di Zabulone è di Neftali, Marc 1.21 Jean 4.46 Matthieu 11.23 Josué 19.10-19.16 Jean 2.12
14 da ch’ella venga cumpiita a parolla detta da u prufeta Isaia :
Matthieu 1.22 Jean 19.36-19.37 Matthieu 8.17 Jean 15.25 Esaïe 9.1-9.2
15 terra di Zabulone, terra di Neftali,
strada di u Mare, paese da Ghjurdanu
in dà, Galilea di i populi,Esaïe 9.1 Josué 21.32 2 Rois 15.29 1 Rois 9.11 Josué 20.7
16 u populu chì stava in le bughjure hà vistu
un lume maiò ;
da quelli chì stavanu in i lochi foschi di a morte
un lume s’hè alzatu.’
Esaïe 9.2 Luc 2.32 Amos 5.8 Job 3.5 Esaïe 60.1-60.3
17 Da tandu Ghjesù messe à predicà è à dì : « mutate andatura chì hè ghjuntu u regnu di i celi. »
Actes 2.38 Matthieu 3.2 Marc 1.14-1.15 Luc 24.47 Actes 17.30
Chjama di i primi discepuli
18 Un ghjornu ch’ellu marchjava longu à u mare di Galilea, vede dui fratelli, Simone, chjamatu Petru, è Andria u fratellu, chì lampavanu e rete in mare. Eranu piscadori.
Jean 1.40-1.42 Matthieu 10.2 Matthieu 15.29 Luc 6.14 Matthieu 1.16-1.18
19 Li dice : « venite cù mè, vi faraghju piscadori d’omi. »
Marc 1.17-1.18 Jean 12.26 Matthieu 16.24 Luc 9.59 Luc 5.27
20 Subitu, quelli lascionu e so rete è u suvitonu.
Marc 10.28-10.31 1 Rois 19.21 Matthieu 10.37 Psaumes 119.60 Luc 18.28-18.30
21 Più indà, Ghjesù vide altri è dui fratelli : Ghjacumu di Zebedeu, è Ghjuvanni u fratellu, nant’à a barca cù u babbu Zebedeu, chì assestavanu e rete.
Matthieu 10.2 Actes 12.2 Marc 1.19-1.20 Matthieu 26.37 Marc 3.17
22 I chjama è elli lascianu subitu a barca è u babbu è u suvitanu.
Matthieu 10.37 Luc 14.26 Deutéronome 33.9-33.10 Luc 9.59-9.60 Luc 14.33
Ghjesù predicheghja è guarisce
23 Ghjesù girava tutta a Galilea, insignava in le sinagoghe, predicava u vangelu di u Regnu di Diu è risanava ogni malatia è ogni infirmità indè a ghjente.
Matthieu 9.35 Marc 1.21 Matthieu 13.54 Marc 1.39 Actes 10.38
24 A so nomina si sparghjia in la Siria sana, cusì li purtavanu tutti i malati : i indiavulati, quelli chì avianu u malcadutu, i paralitichi è i tarnalati ; è ellu i risanava.
Matthieu 17.15 Matthieu 8.6 Luc 2.2 Matthieu 15.22 Actes 15.23
25 E u suvitavanu e folle maiò, vinute da a Galilea, da a regione di Decapola, da Ghjerusaleme, da a Ghjudea è da Ghjurdanu in dà.
Luc 6.17 Marc 5.20 Marc 7.31 Marc 3.7-3.8 Luc 6.19