Ezéchiel 19.8
Biblia Hebraica Stuttgartensia

Complainte sur les princes d’Israël

¹ וְאַתָּה֙ שָׂ֣א קִינָ֔ה אֶל־נְשִׂיאֵ֖י יִשְׂרָאֵֽל׃
Ezéchiel 26.17 Ezéchiel 27.2 2 Rois 24.6 Ezéchiel 2.10 2 Rois 23.34
² וְאָמַרְתָּ֗ מָ֤ה אִמְּךָ֙ לְבִיָּ֔א בֵּ֥ין אֲרָיֹ֖ות רָבָ֑צָה בְּתֹ֥וךְ כְּפִרִ֖ים רִבְּתָ֥ה גוּרֶֽיהָ׃
Zacharie 11.3 Sophonie 3.1-3.4 Job 4.11 Esaïe 5.29 Psaumes 58.6
³ וַתַּ֛עַל אֶחָ֥ד מִגֻּרֶ֖יהָ כְּפִ֣יר הָיָ֑ה וַיִּלְמַ֥ד לִטְרָף־טֶ֖רֶף אָדָ֥ם אָכָֽל׃
Ezéchiel 19.6 Ezéchiel 22.25 2 Rois 23.31-23.32 2 Chroniques 36.1-36.2
⁴ וַיִּשְׁמְע֥וּ אֵלָ֛יו גֹּויִ֖ם בְּשַׁחְתָּ֣ם נִתְפָּ֑שׂ וַיְבִאֻ֥הוּ בַֽחַחִ֖ים אֶל־אֶ֥רֶץ מִצְרָֽיִם׃
2 Chroniques 36.4 2 Rois 23.33-23.34 Jérémie 22.11-22.12 2 Chroniques 36.6 2 Rois 23.31
⁵ וַתֵּ֨רֶא֙ כִּ֣י נֹֽוחֲלָ֔ה אָבְדָ֖ה תִּקְוָתָ֑הּ וַתִּקַּ֛ח אֶחָ֥ד מִגֻּרֶ֖יהָ כְּפִ֥יר שָׂמָֽתְהוּ׃
Ezéchiel 19.3 2 Rois 23.34-23.37
⁶ וַיִּתְהַלֵּ֥ךְ בְּתֹוךְ־אֲרָיֹ֖ות כְּפִ֣יר הָיָ֑ה וַיִּלְמַ֥ד לִטְרָף־טֶ֖רֶף אָדָ֥ם אָכָֽל׃
Jérémie 26.1-26.24 Jérémie 22.13-22.17 Jérémie 36.1-36.32 2 Chroniques 36.9 2 Rois 24.9
⁷ וַיֵּ֨דַע֙ אַלְמְנֹותָ֔יו וְעָרֵיהֶ֖ם הֶחֱרִ֑יב וַתֵּ֤שַׁם אֶ֨רֶץ֙ וּמְלֹאָ֔הּ מִקֹּ֖ול שַׁאֲגָתֹֽו׃
Ezéchiel 30.12 Ezéchiel 22.25 Proverbes 28.15-28.16 Proverbes 19.12 Amos 6.8
⁸ וַיִּתְּנ֨וּ עָלָ֥יו גֹּויִ֛ם סָבִ֖יב מִמְּדִינֹ֑ות וַֽיִּפְרְשׂ֥וּ עָלָ֛יו רִשְׁתָּ֖ם בְּשַׁחְתָּ֥ם נִתְפָּֽשׂ׃
Ezéchiel 19.4 Ezéchiel 12.13 2 Rois 24.1-24.6 Ezéchiel 17.20 2 Rois 24.11
⁹ וַֽיִּתְּנֻ֤הוּ בַסּוּגַר֙ בַּֽחַחִ֔ים וַיְבִאֻ֖הוּ אֶל־מֶ֣לֶךְ בָּבֶ֑ל יְבִאֻ֨הוּ֙ בַּמְּצֹדֹ֔ות לְמַ֗עַן לֹא־יִשָּׁמַ֥ע קֹולֹ֛ו עֹ֖וד אֶל־הָרֵ֥י יִשְׂרָאֵֽל׃ פ
2 Chroniques 36.6 Ezéchiel 6.2 Jérémie 36.30-36.31 Ezéchiel 36.1 2 Rois 24.15
¹⁰ אִמְּךָ֥ כַגֶּ֛פֶן בְּדָמְךָ֖ עַל־מַ֣יִם שְׁתוּלָ֑ה פֹּֽרִיָּה֙ וַֽעֲנֵפָ֔ה הָיְתָ֖ה מִמַּ֥יִם רַבִּֽים׃
Psaumes 80.8-80.11 Deutéronome 8.7 Osée 2.5 Deutéronome 8.9 Matthieu 21.33-21.41
¹¹ וַיִּֽהְיוּ־לָ֞הּ מַטֹּ֣ות עֹ֗ז אֶל־שִׁבְטֵי֙ מֹֽשְׁלִ֔ים וַתִּגְבַּ֥הּ קֹֽומָתֹ֖ו עַל־בֵּ֣ין עֲבֹתִ֑ים וַיֵּרָ֣א בְגָבְהֹ֔ו בְּרֹ֖ב דָּלִיֹּתָֽיו׃
Ezéchiel 31.3 Daniel 4.11 Psaumes 80.15 Nombres 24.7-24.9 Genèse 49.10
¹² וַתֻּתַּ֤שׁ בְּחֵמָה֙ לָאָ֣רֶץ הֻשְׁלָ֔כָה וְר֥וּחַ הַקָּדִ֖ים הֹובִ֣ישׁ פִּרְיָ֑הּ הִתְפָּרְק֧וּ וְיָבֵ֛שׁוּ מַטֵּ֥ה עֻזָּ֖הּ אֵ֥שׁ אֲכָלָֽתְהוּ׃
Osée 13.15 Ezéchiel 17.10 Esaïe 27.11 Ezéchiel 19.11 Jérémie 31.28
¹³ וְעַתָּ֖ה שְׁתוּלָ֣ה בַמִּדְבָּ֑ר בְּאֶ֖רֶץ צִיָּ֥ה וְצָמָֽא׃
Osée 2.3 Ezéchiel 19.10 Psaumes 63.1 Jérémie 52.27-52.31 2 Rois 24.12-24.16
¹⁴ וַתֵּצֵ֨א אֵ֜שׁ מִמַּטֵּ֤ה בַדֶּ֨יהָ֙ פִּרְיָ֣הּ אָכָ֔לָה וְלֹא־הָ֥יָה בָ֛הּ מַטֵּה־עֹ֖ז שֵׁ֣בֶט לִמְשֹׁ֑ול קִ֥ינָה הִ֖יא וַתְּהִ֥י לְקִינָֽה׃ פ
Ezéchiel 19.11 Ezéchiel 19.1 2 Rois 24.20 Osée 3.4 Juges 9.15