Esaïe 2.14
Biblia Hebraica Stuttgartensia

Gloire future de Jérusalem

¹ הַדָּבָר֙ אֲשֶׁ֣ר חָזָ֔ה יְשַֽׁעְיָ֖הוּ בֶּן־אָמֹ֑וץ עַל־יְהוּדָ֖ה וִירוּשָׁלִָֽם׃
Esaïe 1.1 Michée 6.9 Esaïe 13.1 Habakuk 1.1 Michée 1.1
² וְהָיָ֣ה׀ בְּאַחֲרִ֣ית הַיָּמִ֗ים נָכֹ֨ון יִֽהְיֶ֜ה הַ֤ר בֵּית־יְהוָה֙ בְּרֹ֣אשׁ הֶהָרִ֔ים וְנִשָּׂ֖א מִגְּבָעֹ֑ות וְנָהֲר֥וּ אֵלָ֖יו כָּל־הַגֹּויִֽם׃
Michée 4.1-4.3 Esaïe 56.7 Esaïe 27.13 Hébreux 1.2 Zacharie 8.3
³ וְֽהָלְכ֞וּ עַמִּ֣ים רַבִּ֗ים וְאָמְרוּ֙ לְכ֣וּ׀ וְנַעֲלֶ֣ה אֶל־הַר־יְהוָ֗ה אֶל־בֵּית֙ אֱלֹהֵ֣י יַעֲקֹ֔ב וְיֹרֵ֨נוּ֙ מִדְּרָכָ֔יו וְנֵלְכָ֖ה בְּאֹרְחֹתָ֑יו כִּ֤י מִצִּיֹּון֙ תֵּצֵ֣א תֹורָ֔ה וּדְבַר־יְהוָ֖ה מִירוּשָׁלִָֽם׃
Luc 24.47 Zacharie 8.20-8.23 Esaïe 51.4-51.5 Jean 7.17 Psaumes 110.2
⁴ וְשָׁפַט֙ בֵּ֣ין הַגֹּויִ֔ם וְהֹוכִ֖יחַ לְעַמִּ֣ים רַבִּ֑ים וְכִתְּת֨וּ חַרְבֹותָ֜ם לְאִתִּ֗ים וַחֲנִיתֹֽותֵיהֶם֙ לְמַזְמֵרֹ֔ות לֹא־יִשָּׂ֨א גֹ֤וי אֶל־גֹּוי֙ חֶ֔רֶב וְלֹא־יִלְמְד֥וּ עֹ֖וד מִלְחָמָֽה׃ פ
Joël 3.10 Osée 2.18 Zacharie 9.10 Esaïe 9.7 Esaïe 11.6-11.9
⁵ בֵּ֖ית יַעֲקֹ֑ב לְכ֥וּ וְנֵלְכָ֖ה בְּאֹ֥ור יְהוָֽה׃
Ephésiens 5.8 1 Jean 1.7 Esaïe 50.10-50.11 Esaïe 60.19-60.20 Luc 1.79

Jugement des idolâtres et des orgueilleux

⁶ כִּ֣י נָטַ֗שְׁתָּה עַמְּךָ֙ בֵּ֣ית יַעֲקֹ֔ב כִּ֤י מָלְאוּ֙ מִקֶּ֔דֶם וְעֹֽנְנִ֖ים כַּפְּלִשְׁתִּ֑ים וּבְיַלְדֵ֥י נָכְרִ֖ים יַשְׂפִּֽיקוּ׃
2 Rois 1.2 Romains 11.20 1 Chroniques 10.13 Nombres 23.7 Lamentations 5.20
⁷ וַתִּמָּלֵ֤א אַרְצֹו֙ כֶּ֣סֶף וְזָהָ֔ב וְאֵ֥ין קֵ֖צֶה לְאֹצְרֹתָ֑יו וַתִּמָּלֵ֤א אַרְצֹו֙ סוּסִ֔ים וְאֵ֥ין קֵ֖צֶה לְמַרְכְּבֹתָֽיו׃
Esaïe 30.16 Esaïe 31.1 Deutéronome 17.16-17.17 Michée 5.10 Jacques 5.1-5.3
⁸ וַתִּמָּלֵ֥א אַרְצֹ֖ו אֱלִילִ֑ים לְמַעֲשֵׂ֤ה יָדָיו֙ יִֽשְׁתַּחֲו֔וּ לַאֲשֶׁ֥ר עָשׂ֖וּ אֶצְבְּעֹתָֽיו׃
Jérémie 2.28 Psaumes 115.4-115.8 Esaïe 37.19 2 Chroniques 33.3-33.7 Esaïe 10.10-10.11
⁹ וַיִּשַּׁ֥ח אָדָ֖ם וַיִּשְׁפַּל־אִ֑ישׁ וְאַל־תִּשָּׂ֖א לָהֶֽם׃
Esaïe 5.15 Psaumes 49.2 Esaïe 57.9 Colossiens 2.23 Néhémie 4.5
¹⁰ בֹּ֣וא בַצּ֔וּר וְהִטָּמֵ֖ן בֶּֽעָפָ֑ר מִפְּנֵי֙ פַּ֣חַד יְהוָ֔ה וּמֵהֲדַ֖ר גְּאֹנֹֽו׃
Apocalypse 6.15-6.16 Luc 12.5 Luc 23.30 Psaumes 90.11 Osée 10.8
¹¹ עֵינֵ֞י גַּבְה֤וּת אָדָם֙ שָׁפֵ֔ל וְשַׁ֖ח ר֣וּם אֲנָשִׁ֑ים וְנִשְׂגַּ֧ב יְהוָ֛ה לְבַדֹּ֖ו בַּיֹּ֥ום הַהֽוּא׃ ס
Psaumes 18.27 Esaïe 5.15-5.16 Esaïe 24.21 Esaïe 12.4 Esaïe 13.11
¹² כִּ֣י יֹ֞ום לַיהוָ֧ה צְבָאֹ֛ות עַ֥ל כָּל־גֵּאֶ֖ה וָרָ֑ם וְעַ֖ל כָּל־נִשָּׂ֥א וְשָׁפֵֽל׃
Malachie 4.1 Jérémie 46.10 Luc 14.11 1 Thessaloniciens 5.2 Esaïe 24.4
¹³ וְעַל֙ כָּל־אַרְזֵ֣י הַלְּבָנֹ֔ון הָרָמִ֖ים וְהַנִּשָּׂאִ֑ים וְעַ֖ל כָּל־אַלֹּונֵ֥י הַבָּשָֽׁן׃
Esaïe 14.8 Zacharie 11.1-11.2 Esaïe 10.33-10.34 Amos 2.5 Esaïe 37.24
¹⁴ וְעַ֖ל כָּל־הֶהָרִ֣ים הָרָמִ֑ים וְעַ֖ל כָּל־הַגְּבָעֹ֥ות הַנִּשָּׂאֹֽות׃
Esaïe 30.25 Esaïe 40.4 Psaumes 110.5-110.6 2 Corinthiens 10.5 Psaumes 68.16
¹⁵ וְעַ֖ל כָּל־מִגְדָּ֣ל גָּבֹ֑הַ וְעַ֖ל כָּל־חֹומָ֥ה בְצוּרָֽה׃
Esaïe 25.12
¹⁶ וְעַ֖ל כָּל־אֳנִיֹּ֣ות תַּרְשִׁ֑ישׁ וְעַ֖ל כָּל־שְׂכִיֹּ֥ות הַחֶמְדָּֽה׃
1 Rois 10.22 Esaïe 23.1 Psaumes 47.7 Nombres 33.52 Apocalypse 18.17-18.19
¹⁷ וְשַׁח֙ גַּבְה֣וּת הָאָדָ֔ם וְשָׁפֵ֖ל ר֣וּם אֲנָשִׁ֑ים וְנִשְׂגַּ֧ב יְהוָ֛ה לְבַדֹּ֖ו בַּיֹּ֥ום הַהֽוּא׃
Esaïe 2.11 Esaïe 13.11 Ezéchiel 28.2-28.7 Jérémie 48.29-48.30
¹⁸ וְהָאֱלִילִ֖ים כָּלִ֥יל יַחֲלֹֽף׃
Zacharie 13.2 Esaïe 27.9 Sophonie 1.3 Ezéchiel 37.23 Ezéchiel 36.25
¹⁹ וּבָ֨אוּ֙ בִּמְעָרֹ֣ות צֻרִ֔ים וּבִמְחִלֹּ֖ות עָפָ֑ר מִפְּנֵ֞י פַּ֤חַד יְהוָה֙ וּמֵהֲדַ֣ר גְּאֹונֹ֔ו בְּקוּמֹ֖ו לַעֲרֹ֥ץ הָאָֽרֶץ׃
Esaïe 2.10 Hébreux 12.26 Esaïe 2.21 Luc 23.30 Aggée 2.6
²⁰ בַּיֹּ֤ום הַהוּא֙ יַשְׁלִ֣יךְ הָאָדָ֔ם אֵ֚ת אֱלִילֵ֣י כַסְפֹּ֔ו וְאֵ֖ת אֱלִילֵ֣י זְהָבֹ֑ו אֲשֶׁ֤ר עָֽשׂוּ־לֹו֙ לְהִֽשְׁתַּחֲוֹ֔ת לַחְפֹּ֥ר פֵּרֹ֖ות וְלָעֲטַלֵּפִֽים׃
Esaïe 31.7 Esaïe 30.22 Lévitique 11.19 Esaïe 46.6 Osée 14.8
²¹ לָבֹוא֙ בְּנִקְרֹ֣ות הַצֻּרִ֔ים וּבִסְעִפֵ֖י הַסְּלָעִ֑ים מִפְּנֵ֞י פַּ֤חַד יְהוָה֙ וּמֵהֲדַ֣ר גְּאֹונֹ֔ו בְּקוּמֹ֖ו לַעֲרֹ֥ץ הָאָֽרֶץ׃
Esaïe 2.19 Exode 33.22 Esaïe 2.10 Cantique 2.14 Job 30.6
²² חִדְל֤וּ לָכֶם֙ מִן־הָ֣אָדָ֔ם אֲשֶׁ֥ר נְשָׁמָ֖ה בְּאַפֹּ֑ו כִּֽי־בַמֶּ֥ה נֶחְשָׁ֖ב הֽוּא׃ פ
Psaumes 146.3 Jérémie 17.5 Psaumes 144.3-144.4 Jacques 4.14 Psaumes 8.4