Psaumes 144.9
Biblia Hebraica Stuttgartensia

Prière pour la libération du peuple

¹ לְדָוִ֨ד׀ בָּ֘ר֤וּךְ יְהוָ֨ה׀ צוּרִ֗י הַֽמְלַמֵּ֣ד יָדַ֣י לַקְרָ֑ב אֶ֝צְבְּעֹותַ֗י לַמִּלְחָמָֽה׃
Psaumes 18.34 Psaumes 18.2 Deutéronome 32.30-32.31 Psaumes 44.3-44.4 Ephésiens 6.10-6.11
² חַסְדִּ֥י וּמְצוּדָתִי֮ מִשְׂגַּבִּ֪י וּֽמְפַלְטִ֫י לִ֥י מָ֭גִנִּי וּבֹ֣ו חָסִ֑יתִי הָרֹודֵ֖ד עַמִּ֣י תַחְתָּֽי׃
Psaumes 18.2 Psaumes 91.2 Psaumes 59.9 2 Samuel 22.2-22.3 Psaumes 18.47
³ יְֽהוָ֗ה מָה־אָ֭דָם וַתֵּדָעֵ֑הוּ בֶּן־אֱ֝נֹ֗ושׁ וַֽתְּחַשְּׁבֵֽהוּ׃
Psaumes 8.4 Hébreux 2.6 Job 7.17 Job 15.14 Psaumes 146.3-146.4
⁴ אָ֭דָם לַהֶ֣בֶל דָּמָ֑ה יָ֝מָ֗יו כְּצֵ֣ל עֹובֵֽר׃
Psaumes 102.11 Psaumes 109.23 Job 8.9 Ecclésiaste 8.13 Psaumes 62.9
⁵ יְ֭הוָה הַט־שָׁמֶ֣יךָ וְתֵרֵ֑ד גַּ֖ע בֶּהָרִ֣ים וְֽיֶעֱשָֽׁנוּ׃
Psaumes 18.9 Psaumes 104.32 Habakuk 3.3-3.6 Hébreux 12.18 Exode 19.18
⁶ בְּרֹ֣וק בָּ֭רָק וּתְפִיצֵ֑ם שְׁלַ֥ח חִ֝צֶּ֗יךָ וּתְהֻמֵּֽם׃
Deutéronome 32.23 Psaumes 77.17-77.18 Deutéronome 32.42 Psaumes 18.13-18.14 Psaumes 45.5
⁷ שְׁלַ֥ח יָדֶ֗יךָ מִמָּ֫רֹ֥ום פְּצֵ֣נִי וְ֭הַצִּילֵנִי מִמַּ֣יִם רַבִּ֑ים מִ֝יַּ֗ד בְּנֵ֣י נֵכָֽר׃
Psaumes 18.16 Psaumes 69.1-69.2 Apocalypse 17.15 2 Samuel 22.17 Psaumes 54.3
⁸ אֲשֶׁ֣ר פִּ֭יהֶם דִּבֶּר־שָׁ֑וְא וִֽ֝ימִינָ֗ם יְמִ֣ין שָֽׁקֶר׃
Psaumes 12.2 Psaumes 41.6 Esaïe 44.20 Psaumes 62.4 Genèse 14.22
⁹ אֱֽלֹהִ֗ים שִׁ֣יר חָ֭דָשׁ אָשִׁ֣ירָה לָּ֑ךְ בְּנֵ֥בֶל עָ֝שֹׂ֗ור אֲזַמְּרָה־לָּֽךְ׃
Psaumes 33.2-33.3 Psaumes 40.3 Psaumes 108.2-108.3 Psaumes 149.1 Psaumes 150.3-150.5
¹⁰ הַנֹּותֵ֥ן תְּשׁוּעָ֗ה לַמְּלָ֫כִ֥ים הַ֭פֹּוצֶה אֶת־דָּוִ֥ד עַבְדֹּ֗ו מֵחֶ֥רֶב רָעָֽה׃
Psaumes 18.50 Psaumes 140.7 Psaumes 33.16-33.18 Esaïe 45.1-45.6 2 Samuel 21.16-21.17
¹¹ פְּצֵ֥נִי וְהַצִּילֵנִי֮ מִיַּ֪ד בְּֽנֵי־נֵ֫כָ֥ר אֲשֶׁ֣ר פִּ֭יהֶם דִּבֶּר־שָׁ֑וְא וִֽ֝ימִינָ֗ם יְמִ֣ין שָֽׁקֶר׃
Esaïe 44.20 2 Samuel 16.5-16.14 2 Samuel 10.6-10.19 Psaumes 12.2 Psaumes 144.7-144.8
¹² אֲשֶׁ֤ר בָּנֵ֨ינוּ׀ כִּנְטִעִים֮ מְגֻדָּלִ֪ים בִּֽנְעוּרֵ֫יהֶ֥ם בְּנֹותֵ֥ינוּ כְזָוִיֹּ֑ת מְ֝חֻטָּבֹ֗ות תַּבְנִ֥ית הֵיכָֽל׃
Psaumes 128.3 Esaïe 44.3-44.5 Psaumes 127.4-127.5 Job 42.15 Cantique 8.8-8.9
¹³ מְזָוֵ֣ינוּ מְלֵאִים֮ מְפִיקִ֥ים מִזַּ֗ן אֶ֫ל־זַ֥ן צֹאונֵ֣נוּ מַ֭אֲלִיפֹות מְרֻבָּבֹ֗ות בְּחוּצֹותֵֽינוּ׃
Malachie 3.10 Lévitique 26.5 Genèse 30.29-30.31 Lévitique 26.10 Psaumes 107.37-107.38
¹⁴ אַלּוּפֵ֗ינוּ מְֽסֻבָּ֫לִ֥ים אֵֽין־פֶּ֭רֶץ וְאֵ֣ין יֹוצֵ֑את וְאֵ֥ין צְ֝וָחָ֗ה בִּרְחֹבֹתֵֽינוּ׃
Jérémie 13.17-13.19 Lamentations 1.4-1.6 Zacharie 8.3-8.5 Deutéronome 28.7 Jérémie 14.18
¹⁵ אַשְׁרֵ֣י הָ֭עָם שֶׁכָּ֣כָה לֹּ֑ו אַֽשְׁרֵ֥י הָ֝עָ֗ם שֶׁיֲהוָ֥ה אֱלֹהָֽיו׃
Psaumes 33.12 Deutéronome 33.29 Psaumes 146.5 Ephésiens 1.3 Psaumes 89.15