Psaumes 144
Biblia Hebraica Stuttgartensia

Prière pour la libération du peuple

1 לְדָוִ֨ד׀ בָּ֘ר֤וּךְ יְהוָ֨ה׀ צוּרִ֗י הַֽמְלַמֵּ֣ד יָדַ֣י לַקְרָ֑ב אֶ֝צְבְּעֹותַ֗י לַמִּלְחָמָֽה׃
Psaumes 18.34 Psaumes 18.2 Ephésiens 6.10-6.11 2 Samuel 22.35 2 Corinthiens 10.4
2 חַסְדִּ֥י וּמְצוּדָתִי֮ מִשְׂגַּבִּ֪י וּֽמְפַלְטִ֫י לִ֥י מָ֭גִנִּי וּבֹ֣ו חָסִ֑יתִי הָרֹודֵ֖ד עַמִּ֣י תַחְתָּֽי׃
Psaumes 18.2 Psaumes 91.2 Psaumes 59.9 2 Samuel 22.2-22.3 Psaumes 18.47
3 יְֽהוָ֗ה מָה־אָ֭דָם וַתֵּדָעֵ֑הוּ בֶּן־אֱ֝נֹ֗ושׁ וַֽתְּחַשְּׁבֵֽהוּ׃
Psaumes 8.4 Hébreux 2.6 Job 7.17 Job 15.14 Psaumes 146.3-146.4
4 אָ֭דָם לַהֶ֣בֶל דָּמָ֑ה יָ֝מָ֗יו כְּצֵ֣ל עֹובֵֽר׃
Psaumes 102.11 Psaumes 109.23 Job 8.9 Job 4.19 Psaumes 39.11
5 יְ֭הוָה הַט־שָׁמֶ֣יךָ וְתֵרֵ֑ד גַּ֖ע בֶּהָרִ֣ים וְֽיֶעֱשָֽׁנוּ׃
Psaumes 104.32 Psaumes 18.9 Esaïe 64.1-64.2 Nahum 1.3-1.6 Habakuk 3.3-3.6
6 בְּרֹ֣וק בָּ֭רָק וּתְפִיצֵ֑ם שְׁלַ֥ח חִ֝צֶּ֗יךָ וּתְהֻמֵּֽם׃
Deutéronome 32.23 2 Samuel 22.12-22.15 Psaumes 21.12 Psaumes 77.17-77.18 Deutéronome 32.42
7 שְׁלַ֥ח יָדֶ֗יךָ מִמָּ֫רֹ֥ום פְּצֵ֣נִי וְ֭הַצִּילֵנִי מִמַּ֣יִם רַבִּ֑ים מִ֝יַּ֗ד בְּנֵ֣י נֵכָֽר׃
Psaumes 18.16 Psaumes 69.1-69.2 Psaumes 54.3 Psaumes 18.44 Psaumes 93.3-93.4
8 אֲשֶׁ֣ר פִּ֭יהֶם דִּבֶּר־שָׁ֑וְא וִֽ֝ימִינָ֗ם יְמִ֣ין שָֽׁקֶר׃
Psaumes 12.2 Psaumes 41.6 Esaïe 44.20 Esaïe 59.5-59.7 Deutéronome 32.40
9 אֱֽלֹהִ֗ים שִׁ֣יר חָ֭דָשׁ אָשִׁ֣ירָה לָּ֑ךְ בְּנֵ֥בֶל עָ֝שֹׂ֗ור אֲזַמְּרָה־לָּֽךְ׃
Psaumes 33.2-33.3 Psaumes 40.3 Psaumes 81.1-81.3 Psaumes 98.1 1 Chroniques 25.1-25.6
10 הַנֹּותֵ֥ן תְּשׁוּעָ֗ה לַמְּלָ֫כִ֥ים הַ֭פֹּוצֶה אֶת־דָּוִ֥ד עַבְדֹּ֗ו מֵחֶ֥רֶב רָעָֽה׃
Psaumes 18.50 Psaumes 140.7 Psaumes 33.16-33.18 2 Samuel 5.19-5.25 2 Samuel 8.6-8.14
11 פְּצֵ֥נִי וְהַצִּילֵנִי֮ מִיַּ֪ד בְּֽנֵי־נֵ֫כָ֥ר אֲשֶׁ֣ר פִּ֭יהֶם דִּבֶּר־שָׁ֑וְא וִֽ֝ימִינָ֗ם יְמִ֣ין שָֽׁקֶר׃
Psaumes 12.2 Psaumes 144.7-144.8 2 Samuel 17.1-17.14 Esaïe 44.20 2 Samuel 16.5-16.14
12 אֲשֶׁ֤ר בָּנֵ֨ינוּ׀ כִּנְטִעִים֮ מְגֻדָּלִ֪ים בִּֽנְעוּרֵ֫יהֶ֥ם בְּנֹותֵ֥ינוּ כְזָוִיֹּ֑ת מְ֝חֻטָּבֹ֗ות תַּבְנִ֥ית הֵיכָֽל׃
Psaumes 128.3 Proverbes 31.10-31.27 Esaïe 3.16-3.24 Lamentations 4.2 Esaïe 44.3-44.5
13 מְזָוֵ֣ינוּ מְלֵאִים֮ מְפִיקִ֥ים מִזַּ֗ן אֶ֫ל־זַ֥ן צֹאונֵ֣נוּ מַ֭אֲלִיפֹות מְרֻבָּבֹ֗ות בְּחוּצֹותֵֽינוּ׃
Deutéronome 7.13-7.14 Deutéronome 8.3 Luc 12.16-12.20 Malachie 3.10 Lévitique 26.5
14 אַלּוּפֵ֗ינוּ מְֽסֻבָּ֫לִ֥ים אֵֽין־פֶּ֭רֶץ וְאֵ֣ין יֹוצֵ֑את וְאֵ֥ין צְ֝וָחָ֗ה בִּרְחֹבֹתֵֽינוּ׃
Juges 6.3 1 Samuel 31.7 1 Samuel 13.17-13.23 Esaïe 24.11 Jérémie 14.2
15 אַשְׁרֵ֣י הָ֭עָם שֶׁכָּ֣כָה לֹּ֑ו אַֽשְׁרֵ֥י הָ֝עָ֗ם שֶׁיֲהוָ֥ה אֱלֹהָֽיו׃
Psaumes 33.12 Psaumes 146.5 Deutéronome 33.29 Psaumes 65.4 Ephésiens 1.3