Psaumes 132.8
Biblia Hebraica Stuttgartensia

¹ שִׁ֗יר הַֽמַּ֫עֲלֹ֥ות זְכֹור־יְהוָ֥ה לְדָוִ֑ד אֵ֝ת כָּל־עֻנֹּותֹֽו׃Psaumes 120.1 Psaumes 121.1 Lamentations 5.1 Psaumes 131.1 Psaumes 128.1
² אֲשֶׁ֣ר נִ֭שְׁבַּע לַיהוָ֑ה נָ֝דַ֗ר לַאֲבִ֥יר יַעֲקֹֽב׃Genèse 49.24 Psaumes 66.13-66.14 2 Samuel 7.1 Psaumes 46.11 Psaumes 119.106
³ אִם־אָ֭בֹא בְּאֹ֣הֶל בֵּיתִ֑י אִם־אֶ֝עֱלֶ֗ה עַל־עֶ֥רֶשׂ יְצוּעָֽי׃Ecclésiaste 9.10 Matthieu 6.33 Aggée 1.4
⁴ אִם־אֶתֵּ֣ן שְׁנַ֣ת לְעֵינָ֑י לְֽעַפְעַפַּ֥י תְּנוּמָֽה׃Proverbes 6.4 Ruth 3.18 Genèse 24.33
⁵ עַד־אֶמְצָ֣א מָ֭קֹום לַיהוָ֑ה מִ֝שְׁכָּנֹ֗ות לַאֲבִ֥יר יַעֲקֹֽב׃1 Chroniques 22.7 Ephésiens 2.22 Esaïe 66.1 1 Chroniques 15.12 1 Chroniques 15.3
⁶ הִנֵּֽה־שְׁמַֽעֲנ֥וּהָ בְאֶפְרָ֑תָה מְ֝צָאנ֗וּהָ בִּשְׂדֵי־יָֽעַר׃1 Samuel 17.12 1 Samuel 7.1 Michée 5.2 Ruth 1.2 Genèse 35.19
⁷ נָבֹ֥ואָה לְמִשְׁכְּנֹותָ֑יו נִ֝שְׁתַּחֲוֶ֗ה לַהֲדֹ֥ם רַגְלָֽיו׃Psaumes 99.5 Psaumes 5.7 Lamentations 2.1 Psaumes 118.19 Psaumes 99.9
⁸ קוּמָ֣ה יְ֭הוָה לִמְנוּחָתֶ֑ךָ אַ֝תָּ֗ה וַאֲרֹ֥ון עֻזֶּֽךָ׃2 Chroniques 6.41-6.42 Psaumes 68.1 Nombres 10.35-10.36 Psaumes 78.61
⁹ כֹּהֲנֶ֥יךָ יִלְבְּשׁוּ־צֶ֑דֶק וַחֲסִידֶ֥יךָ יְרַנֵּֽנוּ׃Job 29.14 Esaïe 61.10 Psaumes 132.16 Psaumes 149.5 Psaumes 93.1
¹⁰ בַּ֭עֲבוּר דָּוִ֣ד עַבְדֶּ֑ךָ אַל־תָּ֝שֵׁ֗ב פְּנֵ֣י מְשִׁיחֶֽךָ׃2 Chroniques 6.42 Osée 3.5 2 Rois 19.34 1 Rois 11.34 Psaumes 89.38-89.39
¹¹ נִשְׁבַּֽע־יְהוָ֨ה׀ לְדָוִ֡ד אֱמֶת֮ לֹֽא־יָשׁ֪וּב מִ֫מֶּ֥נָּה מִפְּרִ֥י בִטְנְךָ֑ אָ֝שִׁ֗ית לְכִסֵּא־לָֽךְ׃2 Samuel 7.12 Psaumes 110.4 Psaumes 89.3-89.4 2 Chroniques 6.16 Actes 2.30
¹² אִֽם־יִשְׁמְר֬וּ בָנֶ֨יךָ׀ בְּרִיתִי֮ וְעֵדֹתִ֥י זֹ֗ו אֲלַ֫מְּדֵ֥ם גַּם־בְּנֵיהֶ֥ם עֲדֵי־עַ֑ד יֵ֝שְׁב֗וּ לְכִסֵּא־לָֽךְ׃Esaïe 9.7 Psaumes 89.30-89.35 Esaïe 59.21 Actes 2.30 Psaumes 115.14
¹³ כִּֽי־בָחַ֣ר יְהוָ֣ה בְּצִיֹּ֑ון אִ֝וָּ֗הּ לְמֹושָׁ֥ב לֹֽו׃Psaumes 68.16 Esaïe 14.32 Psaumes 76.1-76.2 Psaumes 78.68-78.69 Hébreux 12.22
¹⁴ זֹאת־מְנוּחָתִ֥י עֲדֵי־עַ֑ד פֹּֽה־אֵ֝שֵׁ֗ב כִּ֣י אִוִּתִֽיהָ׃Psaumes 132.8 Esaïe 66.1 Psaumes 68.16 1 Rois 8.27 Sophonie 3.17
¹⁵ צֵ֭ידָהּ בָּרֵ֣ךְ אֲבָרֵ֑ךְ אֶ֝בְיֹונֶ֗יהָ אַשְׂבִּ֥יעַֽ לָֽחֶם׃Psaumes 147.14 Psaumes 107.9 Psaumes 37.19 Luc 1.53 Esaïe 33.16
¹⁶ וְֽ֭כֹהֲנֶיהָ אַלְבִּ֣ישׁ יֶ֑שַׁע וַ֝חֲסִידֶ֗יהָ רַנֵּ֥ן יְרַנֵּֽנוּ׃2 Chroniques 6.41 Psaumes 132.9 Jean 16.24 Zacharie 9.15-9.17 Zacharie 9.9
¹⁷ שָׁ֤ם אַצְמִ֣יחַ קֶ֣רֶן לְדָוִ֑ד עָרַ֥כְתִּי נֵ֝֗ר לִמְשִׁיחִֽי׃Ezéchiel 29.21 Luc 1.69 2 Chroniques 21.7 1 Rois 11.36 1 Rois 15.4
¹⁸ אֹ֭ויְבָיו אַלְבִּ֣ישׁ בֹּ֑שֶׁת וְ֝עָלָ֗יו יָצִ֥יץ נִזְרֹֽו׃Job 8.22 Psaumes 109.29 Psaumes 35.26 Psaumes 21.8-21.9 Apocalypse 17.14