Psaumes 105
Biblia Hebraica Stuttgartensia

La fidélité de Dieu envers Israël

1 הֹוד֣וּ לַ֭יהוָה קִרְא֣וּ בִּשְׁמֹ֑ו הֹודִ֥יעוּ בָ֝עַמִּ֗ים עֲלִילֹותָֽיו׃
Esaïe 12.4 Psaumes 145.11-145.12 Joël 2.32 Psaumes 106.1 1 Chroniques 16.34
2 שִֽׁירוּ־לֹ֖ו זַמְּרוּ־לֹ֑ו שִׂ֝֗יחוּ בְּכָל־נִפְלְאֹותָֽיו׃
Psaumes 77.12 Psaumes 119.27 Psaumes 98.5 Ephésiens 5.19 Luc 24.14-24.53
3 הִֽ֭תְהַלְלוּ בְּשֵׁ֣ם קָדְשֹׁ֑ו יִ֝שְׂמַ֗ח לֵ֤ב׀ מְבַקְשֵׁ֬י יְהוָֽה׃
Luc 11.9-11.10 Galates 6.14 Esaïe 45.19 Esaïe 55.6-55.7 1 Corinthiens 1.29
4 דִּרְשׁ֣וּ יְהוָ֣ה וְעֻזֹּ֑ו בַּקְּשׁ֖וּ פָנָ֣יו תָּמִֽיד׃
Psaumes 27.8 Psaumes 78.61 2 Chroniques 6.41 Amos 5.4-5.6 Sophonie 2.2-2.3
5 זִכְר֗וּ נִפְלְאֹותָ֥יו אֲשֶׁר־עָשָׂ֑ה מֹ֝פְתָ֗יו וּמִשְׁפְּטֵי־פִֽיו׃
Psaumes 77.11 Esaïe 43.18-43.19 Psaumes 119.13 Deutéronome 8.2 Deutéronome 32.7
6 זֶ֭רַע אַבְרָהָ֣ם עַבְדֹּ֑ו בְּנֵ֖י יַעֲקֹ֣ב בְּחִירָֽיו׃
Exode 3.6 Psaumes 106.5 Psaumes 135.4 Jean 15.16 1 Pierre 2.9
7 ה֭וּא יְהוָ֣ה אֱלֹהֵ֑ינוּ בְּכָל־הָ֝אָ֗רֶץ מִשְׁפָּטָֽיו׃
Esaïe 26.9 Psaumes 100.3 Psaumes 48.10-48.11 Exode 20.2 Deutéronome 26.17-26.18
8 זָכַ֣ר לְעֹולָ֣ם בְּרִיתֹ֑ו דָּבָ֥ר צִ֝וָּ֗ה לְאֶ֣לֶף דֹּֽור׃
Psaumes 111.5 Deutéronome 7.9 Psaumes 105.42 Psaumes 106.45 Néhémie 1.5
9 אֲשֶׁ֣ר כָּ֭רַת אֶת־אַבְרָהָ֑ם וּשְׁב֖וּעָתֹ֣ו לְיִשְׂחָֽק׃
Genèse 17.2 Genèse 26.3 Genèse 22.16-22.18 Genèse 12.7 Néhémie 9.8
10 וַיַּֽעֲמִידֶ֣הָ לְיַעֲקֹ֣ב לְחֹ֑ק לְ֝יִשְׂרָאֵ֗ל בְּרִ֣ית עֹולָֽם׃
2 Samuel 23.5 Genèse 28.13-28.15 Genèse 17.7-17.8 Hébreux 13.20
11 לֵאמֹ֗ר לְךָ֗ אֶתֵּ֥ן אֶת־אֶֽרֶץ־כְּנָ֑עַן חֶ֝֗בֶל נַחֲלַתְכֶֽם׃
Genèse 13.15 Genèse 15.18 Psaumes 78.55 Genèse 12.7 Genèse 26.3-26.4
12 בִּֽ֭הְיֹותָם מְתֵ֣י מִסְפָּ֑ר כִּ֝מְעַ֗ט וְגָרִ֥ים בָּֽהּ׃
Genèse 34.30 Hébreux 11.9 Deutéronome 7.7 Genèse 23.4 Deutéronome 26.5
13 וַֽ֭יִּתְהַלְּכוּ מִגֹּ֣וי אֶל־גֹּ֑וי מִ֝מַּמְלָכָ֗ה אֶל־עַ֥ם אַחֵֽר׃
14 לֹֽא־הִנִּ֣יחַ אָדָ֣ם לְעָשְׁקָ֑ם וַיֹּ֖וכַח עֲלֵיהֶ֣ם מְלָכִֽים׃
Genèse 35.5 Genèse 31.24-31.29 Exode 7.16-7.17 Genèse 20.1-20.7 Genèse 12.14-12.17
15 אַֽל־תִּגְּע֥וּ בִמְשִׁיחָ֑י וְ֝לִנְבִיאַי אַל־תָּרֵֽעוּ׃
Genèse 26.11 Genèse 20.7 1 Jean 2.27 Genèse 49.8-49.33 Genèse 27.39-27.40
16 וַיִּקְרָ֣א רָ֭עָב עַל־הָאָ֑רֶץ כָּֽל־מַטֵּה־לֶ֥חֶם שָׁבָֽר׃
Ezéchiel 4.16 Esaïe 3.1 Lévitique 26.26 Genèse 41.54 Psaumes 104.15
17 שָׁלַ֣ח לִפְנֵיהֶ֣ם אִ֑ישׁ לְ֝עֶ֗בֶד נִמְכַּ֥ר יֹוסֵֽף׃
Actes 7.9 Genèse 37.36 Genèse 50.20 Genèse 39.1 Genèse 37.27-37.28
18 עִנּ֣וּ בַכֶּ֣בֶל רַגְלֹ֑ו בַּ֝רְזֶ֗ל בָּ֣אָה נַפְשֹֽׁו׃
Genèse 39.20 Genèse 40.15 Actes 16.24 Psaumes 107.10
19 עַד־עֵ֥ת בֹּֽא־דְבָרֹ֑ו אִמְרַ֖ת יְהוָ֣ה צְרָפָֽתְהוּ׃
Actes 7.10 Proverbes 21.1 Genèse 40.20-40.21 Daniel 2.30 Genèse 41.11-41.16
20 שָׁ֣לַח מֶ֭לֶךְ וַיַתִּירֵ֑הוּ מֹשֵׁ֥ל עַ֝מִּ֗ים וַֽיְפַתְּחֵֽהוּ׃
Genèse 41.14
21 שָׂמֹ֣ו אָדֹ֣ון לְבֵיתֹ֑ו וּ֝מֹשֵׁ֗ל בְּכָל־קִנְיָנֹֽו׃
Genèse 41.40-41.44 Genèse 41.55 Genèse 45.26 Genèse 45.8
22 לֶאְסֹ֣ר שָׂרָ֣יו בְּנַפְשֹׁ֑ו וּזְקֵנָ֥יו יְחַכֵּֽם׃
Genèse 41.33 Esaïe 19.11 Genèse 41.38 Genèse 41.44
23 וַיָּבֹ֣א יִשְׂרָאֵ֣ל מִצְרָ֑יִם וְ֝יַעֲקֹ֗ב גָּ֣ר בְּאֶֽרֶץ־חָֽם׃
Actes 13.17 Psaumes 106.22 Psaumes 78.51 Genèse 46.2-46.7 Genèse 45.9-45.11
24 וַיֶּ֣פֶר אֶת־עַמֹּ֣ו מְאֹ֑ד וַ֝יַּֽעֲצִמֵהוּ מִצָּרָֽיו׃
Deutéronome 26.5 Genèse 46.3 Hébreux 11.12 Genèse 13.16 Exode 1.7-1.9
25 הָפַ֣ךְ לִ֭בָּם לִשְׂנֹ֣א עַמֹּ֑ו לְ֝הִתְנַכֵּ֗ל בַּעֲבָדָֽיו׃
Actes 7.19 Exode 9.16 Deutéronome 2.30 Exode 10.1 Genèse 15.13
26 שָׁ֭לַח מֹשֶׁ֣ה עַבְדֹּ֑ו אַ֝הֲרֹ֗ן אֲשֶׁ֣ר בָּֽחַר־בֹּֽו׃
Exode 3.10 Exode 29.5-29.46 Exode 28.12 Exode 28.1-28.2 Nombres 16.40
27 שָֽׂמוּ־בָ֭ם דִּבְרֵ֣י אֹתֹותָ֑יו וּ֝מֹפְתִ֗ים בְּאֶ֣רֶץ חָֽם׃
Psaumes 78.43-78.51 Psaumes 106.22 Psaumes 105.23 Jérémie 32.20-32.21 Psaumes 135.8-135.9
28 שָׁ֣לַֽח חֹ֭שֶׁךְ וַיַּחְשִׁ֑ךְ וְלֹֽא־מָ֝ר֗וּ אֶת־דְּבָרֹֽו׃
Psaumes 99.7 2 Pierre 2.4 Ezéchiel 2.4-2.8 Joël 2.31 Luc 23.44-23.45
29 הָפַ֣ךְ אֶת־מֵימֵיהֶ֣ם לְדָ֑ם וַ֝יָּ֗מֶת אֶת־דְּגָתָֽם׃
Exode 7.20-7.21 Psaumes 78.44 Apocalypse 16.3 Ezéchiel 29.4-29.5 Esaïe 50.2
30 שָׁרַ֣ץ אַרְצָ֣ם צְפַרְדְּעִ֑ים בְּ֝חַדְרֵ֗י מַלְכֵיהֶֽם׃
Psaumes 78.45 Apocalypse 16.13-16.14 Exode 8.3-8.14
31 אָ֭מַר וַיָּבֹ֣א עָרֹ֑ב כִּ֝נִּ֗ים בְּכָל־גְּבוּלָֽם׃
Exode 8.21-8.24 Exode 8.16-8.18 Psaumes 78.45 Esaïe 7.18
32 נָתַ֣ן גִּשְׁמֵיהֶ֣ם בָּרָ֑ד אֵ֖שׁ לֶהָבֹ֣ות בְּאַרְצָֽם׃
Apocalypse 16.21 Exode 9.18-9.28 Psaumes 78.47-78.48 Apocalypse 11.19 Apocalypse 8.7
33 וַיַּ֣ךְ גַּ֭פְנָם וּתְאֵנָתָ֑ם וַ֝יְשַׁבֵּ֗ר עֵ֣ץ גְּבוּלָֽם׃
Psaumes 78.47 Apocalypse 9.4
34 אָ֭מַר וַיָּבֹ֣א אַרְבֶּ֑ה וְ֝יֶ֗לֶק וְאֵ֣ין מִסְפָּֽר׃
Exode 10.12-10.15 Joël 1.4-1.7 Apocalypse 9.3-9.10 Psaumes 78.46 Joël 2.25
35 וַיֹּ֣אכַל כָּל־עֵ֣שֶׂב בְּאַרְצָ֑ם וַ֝יֹּ֗אכַל פְּרִ֣י אַדְמָתָֽם׃
36 וַיַּ֣ךְ כָּל־בְּכֹ֣ור בְּאַרְצָ֑ם רֵ֝אשִׁ֗ית לְכָל־אֹונָֽם׃
Psaumes 78.51 Genèse 49.3 Psaumes 135.8 Psaumes 136.10 Hébreux 11.28
37 וַֽ֭יֹּוצִיאֵם בְּכֶ֣סֶף וְזָהָ֑ב וְאֵ֖ין בִּשְׁבָטָ֣יו כֹּושֵֽׁל׃
Exode 12.35-12.36 Actes 13.17 Genèse 15.14 Exode 3.22
38 שָׂמַ֣ח מִצְרַ֣יִם בְּצֵאתָ֑ם כִּֽי־נָפַ֖ל פַּחְדָּ֣ם עֲלֵיהֶֽם׃
Exode 12.33 Exode 15.16 Josué 2.9 Genèse 35.5 Exode 10.7
39 פָּרַ֣שׂ עָנָ֣ן לְמָסָ֑ךְ וְ֝אֵ֗שׁ לְהָאִ֥יר לָֽיְלָה׃
Néhémie 9.12 Psaumes 78.14 Esaïe 4.5 Exode 14.24 Néhémie 9.19
40 שָׁאַ֣ל וַיָּבֵ֣א שְׂלָ֑ו וְלֶ֥חֶם שָׁ֝מַ֗יִם יַשְׂבִּיעֵֽם׃
Psaumes 78.18 Exode 16.12-16.35 Deutéronome 8.3 Jean 6.48-6.58 Psaumes 78.23-78.28
41 פָּ֣תַח צ֭וּר וַיָּז֣וּבוּ מָ֑יִם הָ֝לְכ֗וּ בַּצִּיֹּ֥ות נָהָֽר׃
Exode 17.6 Nombres 20.11 1 Corinthiens 10.4 Psaumes 78.15-78.16 Esaïe 48.21
42 כִּֽי־זָ֭כַר אֶת־דְּבַ֣ר קָדְשֹׁ֑ו אֶֽת־אַבְרָהָ֥ם עַבְדֹּֽו׃
Exode 2.24 Luc 1.72-1.73 Genèse 15.13-15.14 Genèse 12.7 Michée 7.20
43 וַיֹּוצִ֣א עַמֹּ֣ו בְשָׂשֹׂ֑ון בְּ֝רִנָּ֗ה אֶת־בְּחִירָֽיו׃
Psaumes 78.52-78.53 Deutéronome 4.37-4.38 Exode 15.1-15.21 Actes 7.36 Esaïe 55.12
44 וַיִּתֵּ֣ן לָ֭הֶם אַרְצֹ֣ות גֹּויִ֑ם וַעֲמַ֖ל לְאֻמִּ֣ים יִירָֽשׁוּ׃
Psaumes 78.55 Josué 24.13 Josué 11.23 Deutéronome 6.10-6.11 Josué 5.11
45 בַּעֲב֤וּר׀ יִשְׁמְר֣וּ חֻ֭קָּיו וְתֹורֹתָ֥יו יִנְצֹ֗רוּ הַֽלְלוּ־יָֽהּ׃
Deutéronome 4.40 Ephésiens 2.8-2.10 Tite 2.14 Deutéronome 5.33-6.2 Deutéronome 4.1