Psaumes 105.15
Biblia Hebraica Stuttgartensia

La fidélité de Dieu envers Israël

¹ הֹוד֣וּ לַ֭יהוָה קִרְא֣וּ בִּשְׁמֹ֑ו הֹודִ֥יעוּ בָ֝עַמִּ֗ים עֲלִילֹותָֽיו׃
Esaïe 12.4 Daniel 4.1-4.3 Psaumes 145.11-145.12 Joël 2.32 Psaumes 106.1
² שִֽׁירוּ־לֹ֖ו זַמְּרוּ־לֹ֑ו שִׂ֝֗יחוּ בְּכָל־נִפְלְאֹותָֽיו׃
Psaumes 119.27 Psaumes 77.12 Psaumes 98.5 Ephésiens 5.19 Luc 24.14-24.53
³ הִֽ֭תְהַלְלוּ בְּשֵׁ֣ם קָדְשֹׁ֑ו יִ֝שְׂמַ֗ח לֵ֤ב׀ מְבַקְשֵׁ֬י יְהוָֽה׃
Luc 11.9-11.10 Galates 6.14 Esaïe 45.19 Esaïe 55.6-55.7 1 Corinthiens 1.29
⁴ דִּרְשׁ֣וּ יְהוָ֣ה וְעֻזֹּ֑ו בַּקְּשׁ֖וּ פָנָ֣יו תָּמִֽיד׃
Psaumes 27.8 Psaumes 78.61 Sophonie 2.2-2.3 2 Chroniques 6.41 Amos 5.4-5.6
⁵ זִכְר֗וּ נִפְלְאֹותָ֥יו אֲשֶׁר־עָשָׂ֑ה מֹ֝פְתָ֗יו וּמִשְׁפְּטֵי־פִֽיו׃
Psaumes 77.11 Esaïe 43.18-43.19 Psaumes 119.13 Deutéronome 8.2 Deutéronome 32.7
⁶ זֶ֭רַע אַבְרָהָ֣ם עַבְדֹּ֑ו בְּנֵ֖י יַעֲקֹ֣ב בְּחִירָֽיו׃
Romains 9.4-9.29 Exode 3.6 Psaumes 106.5 Psaumes 135.4 Jean 15.16
⁷ ה֭וּא יְהוָ֣ה אֱלֹהֵ֑ינוּ בְּכָל־הָ֝אָ֗רֶץ מִשְׁפָּטָֽיו׃
Esaïe 26.9 Psaumes 95.7 Psaumes 100.3 Psaumes 48.10-48.11 Exode 20.2
⁸ זָכַ֣ר לְעֹולָ֣ם בְּרִיתֹ֑ו דָּבָ֥ר צִ֝וָּ֗ה לְאֶ֣לֶף דֹּֽור׃
Psaumes 111.5 Deutéronome 7.9 Psaumes 105.42 Psaumes 106.45 1 Chroniques 16.15
⁹ אֲשֶׁ֣ר כָּ֭רַת אֶת־אַבְרָהָ֑ם וּשְׁב֖וּעָתֹ֣ו לְיִשְׂחָֽק׃
Genèse 17.2 Genèse 26.3 Genèse 22.16-22.18 Actes 7.8 Genèse 12.7
¹⁰ וַיַּֽעֲמִידֶ֣הָ לְיַעֲקֹ֣ב לְחֹ֑ק לְ֝יִשְׂרָאֵ֗ל בְּרִ֣ית עֹולָֽם׃
Genèse 17.7-17.8 2 Samuel 23.5 Genèse 28.13-28.15 Hébreux 13.20
¹¹ לֵאמֹ֗ר לְךָ֗ אֶתֵּ֥ן אֶת־אֶֽרֶץ־כְּנָ֑עַן חֶ֝֗בֶל נַחֲלַתְכֶֽם׃
Genèse 13.15 Genèse 15.18 Psaumes 78.55 Genèse 28.13 Genèse 12.7
¹² בִּֽ֭הְיֹותָם מְתֵ֣י מִסְפָּ֑ר כִּ֝מְעַ֗ט וְגָרִ֥ים בָּֽהּ׃
Genèse 34.30 Hébreux 11.9 Deutéronome 7.7 Genèse 23.4 Deutéronome 26.5
¹³ וַֽ֭יִּתְהַלְּכוּ מִגֹּ֣וי אֶל־גֹּ֑וי מִ֝מַּמְלָכָ֗ה אֶל־עַ֥ם אַחֵֽר׃
¹⁴ לֹֽא־הִנִּ֣יחַ אָדָ֣ם לְעָשְׁקָ֑ם וַיֹּ֖וכַח עֲלֵיהֶ֣ם מְלָכִֽים׃
Genèse 35.5 Genèse 31.24-31.29 Exode 7.16-7.17 Genèse 26.14-26.33 Genèse 20.1-20.7
¹⁵ אַֽל־תִּגְּע֥וּ בִמְשִׁיחָ֑י וְ֝לִנְבִיאַי אַל־תָּרֵֽעוּ׃
Genèse 26.11 Genèse 49.8-49.33 Genèse 20.7 1 Jean 2.27 Genèse 27.39-27.40
¹⁶ וַיִּקְרָ֣א רָ֭עָב עַל־הָאָ֑רֶץ כָּֽל־מַטֵּה־לֶ֥חֶם שָׁבָֽר׃
Ezéchiel 4.16 Esaïe 3.1 Lévitique 26.26 Genèse 41.54 Psaumes 104.15
¹⁷ שָׁלַ֣ח לִפְנֵיהֶ֣ם אִ֑ישׁ לְ֝עֶ֗בֶד נִמְכַּ֥ר יֹוסֵֽף׃
Actes 7.9 Genèse 37.36 Genèse 50.20 Genèse 39.1 Genèse 37.27-37.28
¹⁸ עִנּ֣וּ בַכֶּ֣בֶל רַגְלֹ֑ו בַּ֝רְזֶ֗ל בָּ֣אָה נַפְשֹֽׁו׃
Genèse 40.15 Genèse 39.20 Actes 16.24 Psaumes 107.10
¹⁹ עַד־עֵ֥ת בֹּֽא־דְבָרֹ֑ו אִמְרַ֖ת יְהוָ֣ה צְרָפָֽתְהוּ׃
Actes 7.10 Proverbes 21.1 Genèse 40.20-40.21 Psaumes 44.4 Daniel 2.30
²⁰ שָׁ֣לַח מֶ֭לֶךְ וַיַתִּירֵ֑הוּ מֹשֵׁ֥ל עַ֝מִּ֗ים וַֽיְפַתְּחֵֽהוּ׃
Genèse 41.14
²¹ שָׂמֹ֣ו אָדֹ֣ון לְבֵיתֹ֑ו וּ֝מֹשֵׁ֗ל בְּכָל־קִנְיָנֹֽו׃
Genèse 41.40-41.44 Genèse 45.8 Genèse 41.55 Genèse 45.26
²² לֶאְסֹ֣ר שָׂרָ֣יו בְּנַפְשֹׁ֑ו וּזְקֵנָ֥יו יְחַכֵּֽם׃
Genèse 41.44 Genèse 41.33 Esaïe 19.11 Genèse 41.38
²³ וַיָּבֹ֣א יִשְׂרָאֵ֣ל מִצְרָ֑יִם וְ֝יַעֲקֹ֗ב גָּ֣ר בְּאֶֽרֶץ־חָֽם׃
Actes 13.17 Psaumes 106.22 Psaumes 78.51 Genèse 47.28 Genèse 46.2-46.7
²⁴ וַיֶּ֣פֶר אֶת־עַמֹּ֣ו מְאֹ֑ד וַ֝יַּֽעֲצִמֵהוּ מִצָּרָֽיו׃
Deutéronome 26.5 Genèse 46.3 Hébreux 11.12 Genèse 13.16 Exode 1.7-1.9
²⁵ הָפַ֣ךְ לִ֭בָּם לִשְׂנֹ֣א עַמֹּ֑ו לְ֝הִתְנַכֵּ֗ל בַּעֲבָדָֽיו׃
Actes 7.19 Exode 4.21 Exode 9.16 Deutéronome 2.30 Exode 10.1
²⁶ שָׁ֭לַח מֹשֶׁ֣ה עַבְדֹּ֑ו אַ֝הֲרֹ֗ן אֲשֶׁ֣ר בָּֽחַר־בֹּֽו׃
Exode 3.10 Exode 29.5-29.46 Exode 28.12 Exode 28.1-28.2 Nombres 16.40
²⁷ שָֽׂמוּ־בָ֭ם דִּבְרֵ֣י אֹתֹותָ֑יו וּ֝מֹפְתִ֗ים בְּאֶ֣רֶץ חָֽם׃
Psaumes 78.43-78.51 Psaumes 106.22 Psaumes 105.23 Jérémie 32.20-32.21 Psaumes 135.8-135.9
²⁸ שָׁ֣לַֽח חֹ֭שֶׁךְ וַיַּחְשִׁ֑ךְ וְלֹֽא־מָ֝ר֗וּ אֶת־דְּבָרֹֽו׃
Psaumes 99.7 Exode 10.21-10.23 2 Pierre 2.4 Ezéchiel 2.4-2.8 Joël 2.31
²⁹ הָפַ֣ךְ אֶת־מֵימֵיהֶ֣ם לְדָ֑ם וַ֝יָּ֗מֶת אֶת־דְּגָתָֽם׃
Exode 7.20-7.21 Psaumes 78.44 Esaïe 50.2 Apocalypse 16.3 Ezéchiel 29.4-29.5
³⁰ שָׁרַ֣ץ אַרְצָ֣ם צְפַרְדְּעִ֑ים בְּ֝חַדְרֵ֗י מַלְכֵיהֶֽם׃
Psaumes 78.45 Apocalypse 16.13-16.14 Exode 8.3-8.14
³¹ אָ֭מַר וַיָּבֹ֣א עָרֹ֑ב כִּ֝נִּ֗ים בְּכָל־גְּבוּלָֽם׃
Exode 8.21-8.24 Exode 8.16-8.18 Esaïe 7.18 Psaumes 78.45
³² נָתַ֣ן גִּשְׁמֵיהֶ֣ם בָּרָ֑ד אֵ֖שׁ לֶהָבֹ֣ות בְּאַרְצָֽם׃
Apocalypse 8.7 Apocalypse 16.21 Exode 9.18-9.28 Psaumes 78.47-78.48 Apocalypse 11.19
³³ וַיַּ֣ךְ גַּ֭פְנָם וּתְאֵנָתָ֑ם וַ֝יְשַׁבֵּ֗ר עֵ֣ץ גְּבוּלָֽם׃
Psaumes 78.47 Apocalypse 9.4
³⁴ אָ֭מַר וַיָּבֹ֣א אַרְבֶּ֑ה וְ֝יֶ֗לֶק וְאֵ֣ין מִסְפָּֽר׃
Exode 10.12-10.15 Joël 2.25 Joël 1.4-1.7 Apocalypse 9.3-9.10 Psaumes 78.46
³⁵ וַיֹּ֣אכַל כָּל־עֵ֣שֶׂב בְּאַרְצָ֑ם וַ֝יֹּ֗אכַל פְּרִ֣י אַדְמָתָֽם׃
³⁶ וַיַּ֣ךְ כָּל־בְּכֹ֣ור בְּאַרְצָ֑ם רֵ֝אשִׁ֗ית לְכָל־אֹונָֽם׃
Psaumes 78.51 Genèse 49.3 Psaumes 135.8 Psaumes 136.10 Exode 12.29-12.30
³⁷ וַֽ֭יֹּוצִיאֵם בְּכֶ֣סֶף וְזָהָ֑ב וְאֵ֖ין בִּשְׁבָטָ֣יו כֹּושֵֽׁל׃
Exode 12.35-12.36 Actes 13.17 Exode 3.22 Genèse 15.14
³⁸ שָׂמַ֣ח מִצְרַ֣יִם בְּצֵאתָ֑ם כִּֽי־נָפַ֖ל פַּחְדָּ֣ם עֲלֵיהֶֽם׃
Exode 15.16 Exode 12.33 Josué 2.9 Genèse 35.5 Exode 10.7
³⁹ פָּרַ֣שׂ עָנָ֣ן לְמָסָ֑ךְ וְ֝אֵ֗שׁ לְהָאִ֥יר לָֽיְלָה׃
Néhémie 9.12 Psaumes 78.14 Esaïe 4.5 Exode 13.21-13.22 Exode 14.24
⁴⁰ שָׁאַ֣ל וַיָּבֵ֣א שְׂלָ֑ו וְלֶ֥חֶם שָׁ֝מַ֗יִם יַשְׂבִּיעֵֽם׃
Psaumes 78.18 Josué 5.12 Exode 16.12-16.35 Deutéronome 8.3 Jean 6.48-6.58
⁴¹ פָּ֣תַח צ֭וּר וַיָּז֣וּבוּ מָ֑יִם הָ֝לְכ֗וּ בַּצִּיֹּ֥ות נָהָֽר׃
Exode 17.6 Nombres 20.11 1 Corinthiens 10.4 Esaïe 48.21 Psaumes 78.15-78.16
⁴² כִּֽי־זָ֭כַר אֶת־דְּבַ֣ר קָדְשֹׁ֑ו אֶֽת־אַבְרָהָ֥ם עַבְדֹּֽו׃
Exode 2.24 Luc 1.72-1.73 Deutéronome 9.5 Genèse 15.13-15.14 Genèse 12.7
⁴³ וַיֹּוצִ֣א עַמֹּ֣ו בְשָׂשֹׂ֑ון בְּ֝רִנָּ֗ה אֶת־בְּחִירָֽיו׃
Jérémie 31.11-31.12 Psaumes 78.52-78.53 Deutéronome 4.37-4.38 Exode 15.1-15.21 Actes 7.36
⁴⁴ וַיִּתֵּ֣ן לָ֭הֶם אַרְצֹ֣ות גֹּויִ֑ם וַעֲמַ֖ל לְאֻמִּ֣ים יִירָֽשׁוּ׃
Psaumes 78.55 Josué 24.13 Josué 11.23 Deutéronome 6.10-6.11 Josué 23.4
⁴⁵ בַּעֲב֤וּר׀ יִשְׁמְר֣וּ חֻ֭קָּיו וְתֹורֹתָ֥יו יִנְצֹ֗רוּ הַֽלְלוּ־יָֽהּ׃
Deutéronome 4.40 Psaumes 106.1 Ephésiens 2.8-2.10 Tite 2.14 Deutéronome 5.33-6.2