Job 37.17
Biblia Hebraica Stuttgartensia

¹ אַף־לְ֭זֹאת יֶחֱרַ֣ד לִבִּ֑י וְ֝יִתַּ֗ר מִמְּקֹומֹֽו׃Jérémie 5.22 Psaumes 119.120 Actes 16.26 Actes 16.29 Job 21.6
² שִׁמְע֤וּ שָׁמֹ֣ועַ בְּרֹ֣גֶז קֹלֹ֑ו וְ֝הֶ֗גֶה מִפִּ֥יו יֵצֵֽא׃Job 37.5 Psaumes 29.3-29.9 Job 36.33 Exode 19.16-19.19 Psaumes 104.7
³ תַּֽחַת־כָּל־הַשָּׁמַ֥יִם יִשְׁרֵ֑הוּ וְ֝אֹורֹ֗ו עַל־כַּנְפֹ֥ות הָאָֽרֶץ׃Job 38.13 Matthieu 24.27 Esaïe 11.12 Psaumes 97.4 Apocalypse 11.19
⁴ אַחֲרָ֤יו׀ יִשְׁאַג־קֹ֗ול יַ֭רְעֵם בְּקֹ֣ול גְּאֹונֹ֑ו וְלֹ֥א יְ֝עַקְּבֵ֗ם כִּֽי־יִשָּׁמַ֥ע קֹולֹֽו׃Psaumes 68.33 Psaumes 29.3-29.9 Job 36.27-36.33 Exode 15.7-15.8 Deutéronome 33.26
⁵ יַרְעֵ֤ם אֵ֣ל בְּ֭קֹולֹו נִפְלָאֹ֑ות עֹשֶׂ֥ה גְ֝דֹלֹ֗ות וְלֹ֣א נֵדָֽע׃Job 5.9 Job 26.14 Job 36.26 Job 9.10 Job 11.7
⁶ כִּ֤י לַשֶּׁ֨לַג׀ יֹאמַ֗ר הֱוֵ֫א אָ֥רֶץ וְגֶ֥שֶׁם מָטָ֑ר וְ֝גֶ֗שֶׁם מִטְרֹ֥ות עֻזֹּֽו׃Job 38.22 Job 36.27 Psaumes 147.16-147.18 Ezéchiel 13.11 Genèse 7.10-7.12
⁷ בְּיַד־כָּל־אָדָ֥ם יַחְתֹּ֑ום לָ֝דַ֗עַת כָּל־אַנְשֵׁ֥י מַעֲשֵֽׂהוּ׃Psaumes 109.27 Psaumes 111.2 Psaumes 92.4 Job 36.24 Job 5.12
⁸ וַתָּבֹ֣א חַיָּ֣ה בְמֹו־אָ֑רֶב וּבִמְעֹ֖ונֹתֶ֣יהָ תִשְׁכֹּֽן׃Psaumes 104.22 Job 38.40
⁹ מִן־הַ֭חֶדֶר תָּבֹ֣וא סוּפָ֑ה וּֽמִמְּזָרִ֥ים קָרָֽה׃Job 9.9 Esaïe 21.1 Zacharie 9.14 Job 38.1 Psaumes 104.3
¹⁰ מִנִּשְׁמַת־אֵ֥ל יִתֶּן־קָ֑רַח וְרֹ֖חַב מַ֣יִם בְּמוּצָֽק׃Job 38.29-38.30 Psaumes 147.16-147.18 Psaumes 78.47
¹¹ אַף־בְּ֭רִי יַטְרִ֣יחַ עָ֑ב יָ֝פִ֗יץ עֲנַ֣ן אֹורֹֽו׃Job 36.32 Job 36.27-36.30 Matthieu 17.5 Esaïe 18.4
¹² וְה֤וּא מְסִבֹּ֨ות׀ מִתְהַפֵּ֣ךְ בְּתַחְבּוּלֹתָ֣יו לְפָעֳלָ֑ם כֹּ֖ל אֲשֶׁ֥ר יְצַוֵּ֓ם׀ עַל־פְּנֵ֖י תֵבֵ֣ל אָֽרְצָה׃Psaumes 148.8 Psaumes 104.24 Jacques 5.17-5.18 Apocalypse 11.6 Psaumes 65.9-65.10
¹³ אִם־לְשֵׁ֥בֶט אִם־לְאַרְצֹ֑ו אִם־לְ֝חֶ֗סֶד יַמְצִאֵֽהוּ׃1 Rois 18.45 Job 38.26-38.27 1 Samuel 12.18-12.19 Job 36.31 Esdras 10.9
¹⁴ הַאֲזִ֣ינָה זֹּ֣את אִיֹּ֑וב עֲ֝מֹ֗ד וְהִתְבֹּונֵ֤ן׀ נִפְלְאֹ֬ות אֵֽל׃Psaumes 111.2 Psaumes 145.10-145.12 Exode 14.13 Psaumes 145.5-145.6 Psaumes 46.10
¹⁵ הֲ֭תֵדַע בְּשׂוּם־אֱלֹ֣והַּ עֲלֵיהֶ֑ם וְ֝הֹופִ֗יעַ אֹ֣ור עֲנָנֹֽו׃Job 28.24-28.27 Job 34.13 Job 38.4-38.41 Esaïe 40.26 Job 37.11
¹⁶ הֲ֭תֵדַע עַל־מִפְלְשֵׂי־עָ֑ב מִ֝פְלְאֹ֗ות תְּמִ֣ים דֵּעִֽים׃Job 36.4 Psaumes 147.5 Job 36.29 Proverbes 3.19-3.20 Esaïe 40.22
¹⁷ אֲשֶׁר־בְּגָדֶ֥יךָ חַמִּ֑ים בְּהַשְׁקִ֥ט אֶ֝֗רֶץ מִדָּרֹֽום׃Psaumes 147.18 Luc 12.55 Job 6.17 Job 38.31
¹⁸ תַּרְקִ֣יעַ עִ֭מֹּו לִשְׁחָקִ֑ים חֲ֝זָקִ֗ים כִּרְאִ֥י מוּצָֽק׃Esaïe 44.24 Psaumes 104.2 Exode 38.8 Proverbes 8.27 Psaumes 148.4-148.6
¹⁹ הֹ֖ודִיעֵנוּ מַה־נֹּ֣אמַר לֹ֑ו לֹ֥א־נַ֝עֲרֹ֗ךְ מִפְּנֵי־חֹֽשֶׁךְ׃Psaumes 73.22 Job 13.3 1 Jean 3.2 Job 13.6 Job 26.14
²⁰ הַֽיְסֻפַּר־לֹ֖ו כִּ֣י אֲדַבֵּ֑ר אִֽם־אָ֥מַר אִ֝֗ישׁ כִּ֣י יְבֻלָּֽע׃Job 11.7-11.8 Matthieu 12.36-12.37 Psaumes 139.4 Job 6.3
²¹ וְעַתָּ֤ה׀ לֹ֘א רָ֤אוּ אֹ֗ור בָּהִ֣יר ה֭וּא בַּשְּׁחָקִ֑ים וְר֥וּחַ עָ֝בְרָ֗ה וַֽתְּטַהֲרֵֽם׃Job 38.25 Job 26.9 Job 36.32
²² מִ֭צָּפֹון זָהָ֣ב יֶֽאֱתֶ֑ה עַל־אֱ֝לֹ֗והַּ נֹ֣ורָא הֹֽוד׃Psaumes 104.1 Jude 1.25 Psaumes 29.4 Psaumes 93.1 Job 40.10
²³ שַׁדַּ֣י לֹֽא־מְ֭צָאנֻהוּ שַׂגִּיא־כֹ֑חַ וּמִשְׁפָּ֥ט וְרֹב־צְ֝דָקָ֗ה לֹ֣א יְעַנֶּֽה׃1 Timothée 6.16 Job 9.4 Job 36.5 Psaumes 99.4 Romains 11.33
²⁴ לָ֭כֵן יְרֵא֣וּהוּ אֲנָשִׁ֑ים לֹֽא־יִ֝רְאֶ֗ה כָּל־חַכְמֵי־לֵֽב׃ פMatthieu 10.28 1 Corinthiens 1.26 Job 5.13 Esaïe 5.21 Psaumes 130.4