Job 21.19
Biblia Hebraica Stuttgartensia

¹ וַיַּ֥עַן אִיֹּ֗וב וַיֹּאמַֽר׃ ² שִׁמְע֣וּ שָׁ֭מֹועַ מִלָּתִ֑י וּתְהִי־זֹ֝֗את תַּנְח֥וּמֹֽתֵיכֶֽם׃Job 18.2 Hébreux 2.1 Esaïe 55.2 Job 13.3-13.4 Job 16.2
³ שָׂ֭אוּנִי וְאָנֹכִ֣י אֲדַבֵּ֑ר וְאַחַ֖ר דַּבְּרִ֣י תַלְעִֽיג׃Job 17.2 Job 16.10 Job 16.20 Job 13.9 Job 33.31-33.33
⁴ הֶ֭אָנֹכִי לְאָדָ֣ם שִׂיחִ֑י וְאִם־מַ֝דּ֗וּעַ לֹא־תִקְצַ֥ר רוּחִֽי׃Psaumes 102.1 Matthieu 26.38 Psaumes 77.3-77.9 Job 7.11-7.21 Psaumes 22.1-22.3
⁵ פְּנוּ־אֵלַ֥י וְהָשַׁ֑מּוּ וְשִׂ֖ימוּ יָ֣ד עַל־פֶּֽה׃Juges 18.19 Job 29.9 Job 40.4 Proverbes 30.32 Psaumes 39.9
⁶ וְאִם־זָכַ֥רְתִּי וְנִבְהָ֑לְתִּי וְאָחַ֥ז בְּ֝שָׂרִ֗י פַּלָּצֽוּת׃Psaumes 88.15 Psaumes 77.3 Habakuk 3.16 Lamentations 3.19-3.20 Psaumes 119.120
⁷ מַדּ֣וּעַ רְשָׁעִ֣ים יִחְי֑וּ עָ֝תְק֗וּ גַּם־גָּ֥בְרוּ חָֽיִל׃Job 12.6 Jérémie 12.1-12.3 Psaumes 37.35 Habakuk 1.13 Psaumes 73.3-73.12
⁸ זַרְעָ֤ם נָכֹ֣ון לִפְנֵיהֶ֣ם עִמָּ֑ם וְ֝צֶאֱצָאֵיהֶ֗ם לְעֵינֵיהֶֽם׃Job 20.10 Job 20.28 Job 18.19 Proverbes 17.6 Psaumes 17.14
⁹ בָּתֵּיהֶ֣ם שָׁלֹ֣ום מִפָּ֑חַד וְלֹ֤א שֵׁ֖בֶט אֱלֹ֣והַּ עֲלֵיהֶֽם׃Job 9.34 Psaumes 73.5 Esaïe 57.19-57.21 Job 15.21 Job 18.11
¹⁰ שֹׁורֹ֣ו עִ֭בַּר וְלֹ֣א יַגְעִ֑ל תְּפַלֵּ֥ט פָּ֝רָתֹ֗ו וְלֹ֣א תְשַׁכֵּֽל׃Exode 23.26 Deutéronome 28.11 Luc 16.19 Ecclésiaste 9.1-9.2 Luc 12.16-12.21
¹¹ יְשַׁלְּח֣וּ כַ֭צֹּאן עֲוִילֵיהֶ֑ם וְ֝יַלְדֵיהֶ֗ם יְרַקֵּדֽוּן׃Psaumes 127.3-127.5 Psaumes 107.41
¹² יִ֭שְׂאוּ כְּתֹ֣ף וְכִנֹּ֑ור וְ֝יִשְׂמְח֗וּ לְקֹ֣ול עוּגָֽב׃Amos 6.4-6.6 Esaïe 5.12 Genèse 4.21 Esaïe 22.13 Genèse 31.27
¹³ יְכַלּ֣וּ בַטֹּ֣וב יְמֵיהֶ֑ם וּ֝בְרֶ֗גַע שְׁאֹ֣ול יֵחָֽתּוּ׃Job 36.11 Matthieu 24.38-24.39 Psaumes 73.4 Luc 17.28-17.29 Luc 12.19-12.20
¹⁴ וַיֹּאמְר֣וּ לָ֭אֵל ס֣וּר מִמֶּ֑נּוּ וְדַ֥עַת דְּ֝רָכֶ֗יךָ לֹ֣א חָפָֽצְנוּ׃Job 22.17 Proverbes 1.29 Luc 8.28 Psaumes 10.11 Jean 15.23-15.24
¹⁵ מַה־שַׁדַּ֥י כִּֽי־נַֽעַבְדֶ֑נּוּ וּמַה־נֹּ֝ועִ֗יל כִּ֣י נִפְגַּע־בֹּֽו׃Exode 5.2 Job 34.9 Malachie 1.13-1.14 Matthieu 7.7 Jean 16.24
¹⁶ הֵ֤ן לֹ֣א בְיָדָ֣ם טוּבָ֑ם עֲצַ֥ת רְ֝שָׁעִ֗ים רָ֣חֲקָה מֶֽנִּי׃Job 22.18 Psaumes 1.1 Psaumes 49.6-49.7 Psaumes 52.5-52.7 Proverbes 1.10
¹⁷ כַּמָּ֤ה׀ נֵר־רְשָׁ֘עִ֤ים יִדְעָ֗ךְ וְיָבֹ֣א עָלֵ֣ימֹו אֵידָ֑ם חֲ֝בָלִ֗ים יְחַלֵּ֥ק בְּאַפֹּֽו׃Job 18.5-18.6 Proverbes 20.20 Psaumes 90.7-90.9 Matthieu 25.8 Romains 2.8-2.9
¹⁸ יִהְי֗וּ כְּתֶ֥בֶן לִפְנֵי־ר֑וּחַ וּ֝כְמֹ֗ץ גְּנָבַ֥תּוּ סוּפָֽה׃Psaumes 1.4 Job 13.25 Psaumes 83.13 Psaumes 35.5 Esaïe 17.13
¹⁹ אֱלֹ֗והַּ יִצְפֹּן־לְבָנָ֥יו אֹונֹ֑ו יְשַׁלֵּ֖ם אֵלָ֣יו וְיֵדָֽע׃Exode 20.5 Jérémie 31.29 Esaïe 14.21 Ezéchiel 18.14 Romains 2.5
²⁰ יִרְא֣וּ עֵינָ֣יו כִּידֹ֑ו וּמֵחֲמַ֖ת שַׁדַּ֣י יִשְׁתֶּֽה׃Esaïe 51.17 Apocalypse 14.10 Psaumes 75.8 Jérémie 25.15-25.16 Job 27.19
²¹ כִּ֤י מַה־חֶפְצֹ֣ו בְּבֵיתֹ֣ו אַחֲרָ֑יו וּמִסְפַּ֖ר חֳדָשָׁ֣יו חֻצָּֽצוּ׃Job 14.5 Luc 16.27-16.28 Ecclésiaste 2.18-2.19 Psaumes 55.23 Psaumes 102.24
²² הַלְאֵ֥ל יְלַמֶּד־דָּ֑עַת וְ֝ה֗וּא רָמִ֥ים יִשְׁפֹּֽוט׃Romains 11.34 Esaïe 40.13-40.14 1 Corinthiens 2.16 Job 40.2 Job 15.15
²³ זֶ֗ה יָ֭מוּת בְּעֶ֣צֶם תֻּמֹּ֑ו כֻּ֝לֹּ֗ו שַׁלְאֲנַ֥ן וְשָׁלֵֽיו׃Psaumes 73.4-73.5 Luc 12.19-12.21 Psaumes 49.17 Job 20.22-20.23
²⁴ עֲ֭טִינָיו מָלְא֣וּ חָלָ֑ב וּמֹ֖חַ עַצְמֹותָ֣יו יְשֻׁקֶּֽה׃Proverbes 3.8 Job 15.27 Psaumes 17.10
²⁵ וְזֶ֗ה יָ֭מוּת בְּנֶ֣פֶשׁ מָרָ֑ה וְלֹֽא־אָ֝כַ֗ל בַּטֹּובָֽה׃Job 7.11 Ezéchiel 4.16-4.17 Job 3.20 Job 10.1 Job 9.18
²⁶ יַ֭חַד עַל־עָפָ֣ר יִשְׁכָּ֑בוּ וְ֝רִמָּ֗ה תְּכַסֶּ֥ה עֲלֵיהֶֽם׃Esaïe 14.11 Ecclésiaste 9.2 Job 20.11 Job 3.18-3.19 Job 24.20
²⁷ הֵ֣ן יָ֭דַעְתִּי מַחְשְׁבֹֽותֵיכֶ֑ם וּ֝מְזִמֹּ֗ות עָלַ֥י תַּחְמֹֽסוּ׃1 Pierre 2.19 Job 32.3 Luc 5.22 Job 5.3-5.5 Job 8.3-8.6
²⁸ כִּ֤י תֹֽאמְר֗וּ אַיֵּ֥ה בֵית־נָדִ֑יב וְ֝אַיֵּ֗ה אֹ֤הֶל׀ מִשְׁכְּנֹ֬ות רְשָׁעִֽים׃Job 20.7 Job 8.22 Zacharie 5.4 Psaumes 52.5-52.6 Nombres 16.26-16.34
²⁹ הֲלֹ֣א שְׁ֭אֶלְתֶּם עֹ֣ובְרֵי דָ֑רֶךְ וְ֝אֹתֹתָ֗ם לֹ֣א תְנַכֵּֽרוּ׃Psaumes 129.8
³⁰ כִּ֤י לְיֹ֣ום אֵ֭יד יֵחָ֣שֶׂךְ רָ֑ע לְיֹ֖ום עֲבָרֹ֣ות יוּבָֽלוּ׃Proverbes 16.4 Job 20.28 Nahum 1.2 Sophonie 1.15 Proverbes 11.4
³¹ מִֽי־יַגִּ֣יד עַל־פָּנָ֣יו דַּרְכֹּ֑ו וְהֽוּא־עָ֝שָׂ֗ה מִ֣י יְשַׁלֶּם־לֹֽו׃Deutéronome 7.10 Galates 2.11 Job 41.11 Actes 24.25 Romains 12.19
³² וְ֭הוּא לִקְבָרֹ֣ות יוּבָ֑ל וְֽעַל־גָּדִ֥ישׁ יִשְׁקֹֽוד׃Luc 16.22 Ezéchiel 32.21-32.32 Psaumes 49.14
³³ מָֽתְקוּ־לֹ֗ו רִגְבֵ֫י נָ֥חַל וְ֭אַחֲרָיו כָּל־אָדָ֣ם יִמְשֹׁ֑וךְ וּ֝לְפָנָ֗יו אֵ֣ין מִסְפָּֽר׃Hébreux 9.27 Job 30.23 Ecclésiaste 8.8 Ecclésiaste 12.7 Job 17.16
³⁴ וְ֭אֵיךְ תְּנַחֲמ֣וּנִי הָ֑בֶל וּ֝תְשֽׁוּבֹתֵיכֶ֗ם נִשְׁאַר־מָֽעַל׃ סJob 16.2 Job 13.4 Job 32.3 Job 42.7