Apocalypse 14.7
Vulgate

¹ et vidi et ecce agnus stabat supra montem Sion et cum illo centum quadraginta quattuor milia habentes nomen eius et nomen Patris eius scriptum in frontibus suisApocalypse 3.12 Psaumes 2.6 Hébreux 12.22-12.24 Apocalypse 7.3-7.17 Joël 2.32
² et audivi vocem de caelo tamquam vocem aquarum multarum et tamquam vocem tonitrui magni et vocem quam audivi sicut citharoedorum citharizantium in citharis suisApocalypse 5.8 Apocalypse 1.15 Apocalypse 15.2 Apocalypse 11.15 2 Samuel 6.5
³ et cantabant quasi canticum novum ante sedem et ante quattuor animalia et seniores et nemo poterat discere canticum nisi illa centum quadraginta quattuor milia qui empti sunt de terraApocalypse 5.9 Apocalypse 14.1 Apocalypse 2.17 Esaïe 42.10 Psaumes 149.1
⁴ hii sunt qui cum mulieribus non sunt coinquinati virgines enim sunt hii qui sequuntur agnum quocumque abierit hii empti sunt ex hominibus primitiae Deo et agnoApocalypse 3.4 2 Corinthiens 11.2 Jacques 1.18 Jean 12.26 Apocalypse 17.14
⁵ et in ore ipsorum non est inventum mendacium sine macula suntPsaumes 32.2 Sophonie 3.13 Jude 1.24 Ephésiens 5.27 Jean 1.47
⁶ et vidi alterum angelum volantem per medium caelum habentem evangelium aeternum ut evangelizaret sedentibus super terram et super omnem gentem et tribum et linguam et populumApocalypse 8.13 Matthieu 10.27 Apocalypse 3.10 Apocalypse 13.7 Esaïe 51.6
⁷ dicens magna voce timete Deum et date illi honorem quia venit hora iudicii eius et adorate eum qui fecit caelum et terram et mare et fontes aquarumApocalypse 15.4 Apocalypse 4.11 Apocalypse 11.18 Exode 20.11 Néhémie 9.6
⁸ et alius angelus secutus est dicens cecidit cecidit Babylon illa magna quae a vino irae fornicationis suae potionavit omnes gentesJérémie 51.7-51.8 Esaïe 21.9 Apocalypse 18.2-18.3 Apocalypse 16.19 Apocalypse 11.8
⁹ et alius angelus tertius secutus est illos dicens voce magna si quis adoraverit bestiam et imaginem eius et acceperit caracterem in fronte sua aut in manu suaApocalypse 14.11 Apocalypse 13.3-13.6 Apocalypse 14.6-14.8 Apocalypse 13.11-13.17 Jérémie 44.4
¹⁰ et hic bibet de vino irae Dei qui mixtus est mero in calice irae ipsius et cruciabitur igne et sulphure in conspectu angelorum sanctorum et ante conspectum agniEsaïe 51.17 Apocalypse 18.6 Apocalypse 20.10 Apocalypse 19.20 Apocalypse 16.19
¹¹ et fumus tormentorum eorum in saecula saeculorum ascendit nec habent requiem die ac nocte qui adoraverunt bestiam et imaginem eius et si quis acceperit caracterem nominis eiusApocalypse 19.3 Esaïe 34.10 Apocalypse 18.18 Luc 16.23-16.24 Matthieu 25.46
¹² hic patientia sanctorum est qui custodiunt mandata Dei et fidem IesuApocalypse 13.10 Apocalypse 12.17 Apocalypse 3.10 Apocalypse 3.8 2 Timothée 4.7
¹³ et audivi vocem de caelo dicentem scribe beati mortui qui in Domino moriuntur amodo iam dicit Spiritus ut requiescant a laboribus suis opera enim illorum sequuntur illosApocalypse 20.6 1 Corinthiens 15.18 1 Thessaloniciens 4.16 Hébreux 4.9-4.11 Apocalypse 6.11
¹⁴ et vidi et ecce nubem candidam et supra nubem sedentem similem Filio hominis habentem in capite suo coronam auream et in manu sua falcem acutamApocalypse 1.13 Apocalypse 6.2 Daniel 7.13 Apocalypse 14.15-14.17 Matthieu 17.5
¹⁵ et alter angelus exivit de templo clamans voce magna ad sedentem super nubem mitte falcem tuam et mete quia venit hora ut metatur quoniam aruit messis terraeJoël 3.13 Apocalypse 14.18 Jérémie 51.33 Matthieu 13.39 Marc 4.29
¹⁶ et misit qui sedebat supra nubem falcem suam in terram et messa est terraApocalypse 14.19 Matthieu 16.27 Apocalypse 16.1-16.21 Apocalypse 14.14 Jean 5.22-5.23
¹⁷ et alius angelus exivit de templo quod est in caelo habens et ipse falcem acutamApocalypse 15.5-15.6 Apocalypse 14.14-14.15 Apocalypse 16.1 Apocalypse 14.18
¹⁸ et alius angelus de altari qui habet potestatem supra ignem et clamavit voce magna qui habebat falcem acutam dicens mitte falcem tuam acutam et vindemia botros vineae terrae quoniam maturae sunt uvae eiusJoël 3.13 Apocalypse 16.8 Apocalypse 14.15-14.16 Apocalypse 6.9-6.10
¹⁹ et misit angelus falcem suam in terram et vindemiavit vineam terrae et misit in lacum irae Dei magnumApocalypse 19.15-19.21 Deutéronome 32.32-32.33
²⁰ et calcatus est lacus extra civitatem et exivit sanguis de lacu usque ad frenos equorum per stadia mille sescentaApocalypse 11.8 Lamentations 1.15 Hébreux 13.11-13.12 Esaïe 63.1-63.3 Esaïe 66.24