Jérémie 3.22
Vulgate

¹ vulgo dicitur si dimiserit vir uxorem suam et recedens ab eo duxerit virum alterum numquid revertetur ad eam ultra numquid non polluta et contaminata erit mulier illa tu autem fornicata es cum amatoribus multis tamen revertere ad me dicit Dominus
Deutéronome 24.1-24.4 Jérémie 2.20 Jérémie 4.1 Ezéchiel 16.26 Luc 15.16-15.24
² leva oculos tuos in directum et vide ubi non prostrata sis in viis sedebas expectans eos quasi latro in solitudine et polluisti terram in fornicationibus tuis et in malitiis tuis
Ezéchiel 16.24-16.25 Genèse 38.14 Jérémie 2.7 Deutéronome 12.2 Jérémie 3.1
³ quam ob rem prohibitae sunt stillae pluviarum et serotinus imber non fuit frons mulieris meretricis facta est tibi noluisti erubescere
Jérémie 14.4 Lévitique 26.19 Deutéronome 28.23 Jérémie 14.22 Esaïe 5.6
⁴ ergo saltim amodo voca me pater meus dux virginitatis meae tu es
Jérémie 2.2 Jérémie 3.19 Osée 2.15 Jérémie 31.9 Proverbes 2.17
⁵ numquid irasceris in perpetuum aut perseverabis in finem ecce locuta es et fecisti mala et potuisti
Esaïe 57.16 Jérémie 3.12 Esaïe 64.9 Ezéchiel 22.6 Michée 2.1

Appel à revenir à Dieu

⁶ et dixit Dominus ad me in diebus Iosiae regis numquid vidisti quae fecerit aversatrix Israhel abiit sibimet super omnem montem excelsum et sub omne lignum frondosum et fornicata est ibi
Ezéchiel 16.31 2 Rois 17.7-17.17 1 Rois 14.23 Ezéchiel 16.24-16.25 Jérémie 7.24
⁷ et dixi cum fecisset haec omnia ad me convertere et non est reversa et vidit praevaricatrix soror eius Iuda
Ezéchiel 16.46 Osée 14.1 Jérémie 3.8-3.11 2 Chroniques 30.6-30.12 Osée 6.1-6.4
⁸ quia pro eo quod moechata esset aversatrix Israhel dimisissem eam et dedissem ei libellum repudii et non timuit praevaricatrix Iuda soror eius sed abiit et fornicata est etiam ipsa
Deutéronome 24.1 Jérémie 3.1 Esaïe 50.1 2 Rois 17.6-17.19 2 Rois 18.9-18.11
⁹ et facilitate fornicationis suae contaminavit terram et moechata est cum lapide et cum ligno
Jérémie 2.27 Jérémie 3.2 Esaïe 57.6 Jérémie 10.8 Jérémie 2.7
¹⁰ et in omnibus his non est reversa ad me praevaricatrix soror eius Iuda in toto corde suo sed in mendacio ait Dominus
Osée 7.14 Psaumes 18.44 2 Chroniques 34.33-35.18 Psaumes 78.36-78.37 Esaïe 10.6
¹¹ et dixit Dominus ad me iustificavit animam suam aversatrix Israhel conparatione praevaricatricis Iuda
Ezéchiel 16.51-16.52 Ezéchiel 23.11 Osée 11.7 Osée 4.16 Ezéchiel 16.47
¹² vade et clama sermones istos contra aquilonem et dices revertere aversatrix Israhel ait Dominus et non avertam faciem meam a vobis quia sanctus ego sum dicit Dominus et non irascar in perpetuum
Psaumes 86.15 Ezéchiel 33.11 Jérémie 33.26 2 Rois 17.6 Jérémie 3.18
¹³ tamen scito iniquitatem tuam quia in Dominum Deum tuum praevaricata es et dispersisti vias tuas alienis sub omni ligno frondoso et vocem meam non audisti ait Dominus
Jérémie 3.6 Deutéronome 30.1-30.3 Jérémie 2.25 Jérémie 3.25 Deutéronome 12.2
¹⁴ convertimini filii revertentes dicit Dominus quia ego vir vester et adsumam vos unum de civitate et duos de cognatione et introducam vos in Sion
Osée 2.19-2.20 Esaïe 54.5 Jérémie 31.32 Ezéchiel 34.11-34.14 Jérémie 31.8-31.10
¹⁵ et dabo vobis pastores iuxta cor meum et pascent vos scientia et doctrina
Jérémie 23.4 Actes 20.28 Ezéchiel 34.23 Ephésiens 4.11-4.12 Jean 21.15-21.17
¹⁶ cumque multiplicati fueritis et creveritis in terra in diebus illis ait Dominus non dicent ultra arca testamenti Domini neque ascendet super cor neque recordabuntur illius nec visitabitur nec fiet ultra
Esaïe 65.17 Matthieu 1.11 Jérémie 31.27 Osée 1.10-1.11 Esaïe 66.1-66.2
¹⁷ in tempore illo vocabunt Hierusalem solium Domini et congregabuntur ad eam omnes gentes in nomine Domini in Hierusalem et non ambulabunt post pravitatem cordis sui pessimi
Jérémie 11.8 Jérémie 17.12 Ezéchiel 43.7 Zacharie 2.11 Jérémie 18.12
¹⁸ in diebus illis ibit domus Iuda ad domum Israhel et venient simul de terra aquilonis ad terram quam dedi patribus vestris
Amos 9.15 Jérémie 31.8 Jérémie 50.4 Osée 1.11 Jérémie 16.15
¹⁹ ego autem dixi quomodo ponam te in filiis et tribuam tibi terram desiderabilem hereditatem praeclaram exercituum gentium et dixi patrem vocabis me et post me ingredi non cessabis
Jérémie 3.4 Esaïe 63.16 Jean 1.11-1.13 Jérémie 12.10 Jérémie 32.39-32.40
²⁰ sed quomodo si contemnat mulier amatorem suum sic contempsit me domus Israhel dicit Dominus
Jérémie 5.11 Esaïe 48.8 Jérémie 3.8-3.10 Osée 6.7 Osée 5.7
²¹ vox in viis audita est ploratus et ululatus filiorum Israhel quoniam iniquam fecerunt viam suam obliti sunt Domini Dei sui
Jérémie 31.9 Jérémie 2.32 2 Corinthiens 7.10 Esaïe 15.2 Esaïe 17.10
²² convertimini filii revertentes et sanabo aversiones vestras ecce nos venimus ad te tu enim es Dominus Deus noster
Osée 14.4 Osée 14.8 Esaïe 27.8 Zacharie 13.9 Cantique 1.4
²³ vere mendaces erant colles multitudo montium vere in Domino Deo nostro salus Israhel
Psaumes 3.8 Psaumes 121.1-121.2 Jérémie 17.14 Esaïe 12.2 Esaïe 44.9
²⁴ confusio comedit laborem patrum nostrorum ab adulescentia nostra greges eorum et armenta eorum filios eorum et filias eorum
Osée 9.10 Ezéchiel 16.63 Osée 10.6 Osée 2.8 Jérémie 11.13
²⁵ dormiemus in confusione nostra et operiet nos ignominia nostra quoniam Domino Deo nostro peccavimus nos et patres nostri ab adulescentia nostra usque ad hanc diem et non audivimus vocem Domini Dei nostri
Jérémie 22.21 Daniel 12.2 Ezéchiel 7.18 Psaumes 109.29 Jérémie 2.26