Exode 28.12
Vulgate

Les vêtements du grand-prêtre

¹ adplica quoque ad te Aaron fratrem tuum cum filiis suis de medio filiorum Israhel ut sacerdotio fungantur mihi Aaron Nadab et Abiu Eleazar et Ithamar
Nombres 18.7 Exode 24.1 Exode 24.9 Exode 6.23 Exode 30.30
² faciesque vestem sanctam fratri tuo in gloriam et decorem
Lévitique 8.30 Exode 31.10 Exode 39.1-39.2 Lévitique 8.7-8.9 Apocalypse 19.8
³ et loqueris cunctis sapientibus corde quos replevi spiritu prudentiae ut faciant vestes Aaron in quibus sanctificatus ministret mihi
1 Corinthiens 12.7-12.11 Ephésiens 1.17 Esaïe 11.2 Jacques 1.17 Proverbes 2.6
⁴ haec autem erunt vestimenta quae facient rationale et superumerale tunicam et lineam strictam cidarim et balteum facient vestimenta sancta Aaron fratri tuo et filiis eius ut sacerdotio fungantur mihi
Exode 28.39-28.40 1 Samuel 30.7 Exode 39.2-39.5 1 Samuel 22.18 Esaïe 59.17
⁵ accipientque aurum et hyacinthum et purpuram coccumque bis tinctum et byssum
Exode 39.2-39.3 Exode 25.3-25.4

L’éphod

⁶ facient autem superumerale de auro et hyacintho ac purpura coccoque bis tincto et bysso retorta opere polymito
Exode 39.2-39.7 Exode 26.1
⁷ duas oras iunctas habebit in utroque latere summitatum ut in unum redeant
Exode 39.4
⁸ ipsaque textura et cuncta operis varietas erit ex auro et hyacintho et purpura coccoque bis tincto et bysso retorta
Exode 29.5 Exode 28.27-28.28 Lévitique 8.7 Esaïe 11.5 Exode 39.20-39.21
⁹ sumesque duos lapides onychinos et sculpes in eis nomina filiorum Israhel
Ezéchiel 28.13 2 Chroniques 2.7 Exode 39.6 Cantique 8.6 Esaïe 49.16
¹⁰ sex nomina in lapide uno et sex reliqua in altero iuxta ordinem nativitatis eorum
Genèse 43.33 Exode 1.1-1.4
¹¹ opere sculptoris et celatura gemmarii sculpes eos nominibus filiorum Israhel inclusos auro atque circumdatos
Exode 39.13 Exode 28.21 Apocalypse 7.2 2 Timothée 2.19 Ephésiens 1.13
¹² et pones in utroque latere superumeralis memoriale filiis Israhel portabitque Aaron nomina eorum coram Domino super utrumque umerum ob recordationem
Josué 4.7 Exode 28.29 Lévitique 24.7 Exode 39.6-39.7 Nombres 31.54
¹³ facies et uncinos ex auro
¹⁴ et duas catenulas auri purissimi sibi invicem coherentes quas inseres uncinis
1 Rois 7.17 2 Chroniques 4.12-4.13 2 Rois 25.17 Exode 39.15 Exode 28.22-28.25

Le pectoral

¹⁵ rationale quoque iudicii facies opere polymito iuxta texturam superumeralis ex auro hyacintho et purpura coccoque bis tincto et bysso retorta
Exode 39.8-39.21 Exode 28.30 Exode 28.4 Exode 28.6 Exode 26.1
¹⁶ quadrangulum erit et duplex mensuram palmi habebit tam in longitudine quam in latitudine
¹⁷ ponesque in eo quattuor ordines lapidum in primo versu erit lapis sardius et topazius et zmaragdus
Ezéchiel 28.13 Proverbes 3.15 Lamentations 4.7 Apocalypse 21.19-21.21 Proverbes 8.11
¹⁸ in secundo carbunculus sapphyrus et iaspis
Jérémie 17.1 Ezéchiel 1.26 Exode 39.11 Apocalypse 4.3 Ezéchiel 27.16
¹⁹ in tertio ligyrius achates et amethistus
Exode 39.12 Esaïe 54.12
²⁰ in quarto chrysolitus onychinus et berillus inclusi auro erunt per ordines suos
Daniel 10.6 Ezéchiel 1.16 Apocalypse 21.11 Apocalypse 4.3 Ezéchiel 10.9
²¹ habebuntque nomina filiorum Israhel duodecim nominibus celabuntur singuli lapides nominibus singulorum per duodecim tribus
Apocalypse 21.12 Apocalypse 7.4-7.8 Jacques 1.1 Luc 22.30 1 Rois 18.31
²² facies in rationali catenas sibi invicem coherentes ex auro purissimo
²³ et duos anulos aureos quos pones in utraque rationalis summitate
Exode 25.11-25.15
²⁴ catenasque aureas iunges anulis qui sunt in marginibus eius
²⁵ et ipsarum catenarum extrema duobus copulabis uncinis in utroque latere superumeralis quod rationale respicit
Exode 39.4 Exode 28.14 Exode 39.15
²⁶ facies et duos anulos aureos quos pones in summitatibus rationalis et in oris quae e regione sunt superumeralis et posteriora eius aspiciunt
²⁷ nec non et alios duos anulos aureos qui ponendi sunt in utroque latere superumeralis deorsum quod respicit contra faciem iuncturae inferioris ut aptari possit cum superumerali
²⁸ et stringatur rationale anulis suis cum anulis superumeralis vitta hyacinthina ut maneat iunctura fabrefacta et a se invicem rationale et superumerale nequeant separari
Nombres 15.38 Exode 28.37 Exode 39.30-39.31 Exode 28.31
²⁹ portabitque Aaron nomina filiorum Israhel in rationali iudicii super pectus suum quando ingreditur sanctuarium memoriale coram Domino in aeternum
Exode 28.12 Exode 28.30 Exode 28.15 Jérémie 30.21 Romains 10.1
³⁰ pones autem in rationali iudicii doctrinam et veritatem quae erunt in pectore Aaron quando ingreditur coram Domino et gestabit iudicium filiorum Israhel in pectore suo in conspectu Domini semper
Deutéronome 33.8 Esdras 2.63 Lévitique 8.8 Nombres 27.21 Néhémie 7.65

La robe de l’éphod

³¹ facies et tunicam superumeralis totam hyacinthinam
Lévitique 8.7 Exode 28.28 Exode 39.22-39.26 Exode 28.4
³² in cuius medio supra erit capitium et ora per gyrum eius textilis sicut fieri solet in extremis vestium partibus ne facile rumpatur
2 Chroniques 26.14 Job 41.26 Ephésiens 4.3-4.16 Néhémie 4.16 Jean 19.23-19.24
³³ deorsum vero ad pedes eiusdem tunicae per circuitum quasi mala punica facies ex hyacintho et purpura et cocco bis tincto mixtis in medio tintinabulis
Zacharie 14.20 Exode 39.24-39.26 1 Rois 7.18 2 Rois 25.17
³⁴ ita ut tintinabulum sit aureum et malum rursumque tintinabulum aliud aureum et malum punicum
Jean 15.16 Cantique 2.3 Cantique 4.13 Psaumes 89.15 Cantique 8.2
³⁵ et vestietur ea Aaron in officio ministerii ut audiatur sonitus quando ingreditur et egreditur sanctuarium in conspectu Domini et non moriatur
Hébreux 9.12 Lévitique 16.2

Le diadème sacré et la tenue des prêtres

³⁶ facies et lamminam de auro purissimo in qua sculpes opere celatoris Sanctum Domino
Zacharie 14.20 Lévitique 8.9 Exode 39.30 Hébreux 12.14 Exode 28.9
³⁷ ligabisque eam vitta hyacinthina et erit super tiaram
Exode 28.31 Exode 29.6 Exode 39.30-39.31 Exode 28.28 Lévitique 8.9
³⁸ inminens fronti pontificis portabitque Aaron iniquitates eorum quae obtulerint et sanctificaverint filii Israhel in cunctis muneribus et donariis suis erit autem lammina semper in fronte eius ut placatus eis sit Dominus
1 Pierre 2.24 Nombres 18.1 Lévitique 10.17 Jean 1.29 Hébreux 9.28
³⁹ stringesque tunicam bysso et tiaram byssinam facies et balteum opere plumarii
Psaumes 45.14
⁴⁰ porro filiis Aaron tunicas lineas parabis et balteos ac tiaras in gloriam et decorem
Exode 39.41 Exode 28.4 Ezéchiel 44.17-44.18 Exode 28.2 Exode 29.9
⁴¹ vestiesque his omnibus Aaron fratrem tuum et filios eius cum eo et cunctorum consecrabis manus sanctificabisque illos ut sacerdotio fungantur mihi
Exode 29.7 Exode 40.15 Exode 29.9 Lévitique 10.7 Lévitique 8.1-8.36
⁴² facies et feminalia linea ut operiant carnem turpitudinis suae a renibus usque ad femina
Ezéchiel 44.18 Lévitique 6.10 Lévitique 16.4 Exode 39.28 Exode 20.26
⁴³ et utentur eis Aaron et filii eius quando ingredientur tabernaculum testimonii vel quando adpropinquant ad altare ut ministrent in sanctuario ne iniquitatis rei moriantur legitimum sempiternum erit Aaron et semini eius post eum
Exode 27.21 Exode 20.26 Lévitique 5.1 Lévitique 17.7 Lévitique 5.17