Job 33
Vulgate

1 audi igitur Iob eloquia mea et omnes sermones meos ausculta
Job 13.6 Job 34.2 Marc 4.9 Psaumes 49.1-49.3
2 ecce aperui os meum loquatur lingua mea in faucibus meis
Job 3.1 Job 31.30 Psaumes 78.2 Matthieu 5.2
3 simplici corde meo sermones mei et sententiam labia mea puram loquentur
Job 27.4 Proverbes 20.15 Job 6.28 Proverbes 15.2 Psaumes 37.30-37.31
4 spiritus Dei fecit me et spiraculum Omnipotentis vivificavit me
Genèse 2.7 Job 32.8 Job 27.3 Psaumes 33.6 1 Corinthiens 15.45
5 si potes responde mihi et adversus faciem meam consiste
Job 33.32-33.33 Psaumes 50.21 Job 23.4-23.5 Job 13.18 Actes 10.26
6 ecce et me sicut et te fecit Deus et de eodem luto ego quoque formatus sum
Job 4.19 Job 31.35 Genèse 2.7 Job 13.12 2 Corinthiens 5.20
7 verumtamen miraculum meum non te terreat et eloquentia mea non sit tibi gravis
Job 13.21 Job 9.34 Psaumes 88.16 Psaumes 32.4
8 dixisti ergo in auribus meis et vocem verborum audivi
Jérémie 29.23 Deutéronome 13.14
9 mundus sum ego absque delicto inmaculatus et non est iniquitas in me
Job 16.17 Job 10.7 Job 29.14 Job 11.4 Job 9.21
10 quia querellas in me repperit ideo arbitratus est me inimicum sibi
Job 19.11 Job 13.24-13.25 Job 10.15-10.17 Job 30.21 Job 16.9
11 posuit in nervo pedes meos custodivit omnes semitas meas
Job 13.27 Job 31.4 Psaumes 105.18 Actes 16.24 Daniel 4.35
12 hoc est ergo in quo non es iustificatus respondebo tibi quia maior sit Deus homine
Job 36.22-36.23 Ecclésiaste 7.20 Job 26.14 Ezéchiel 18.25 Job 9.4
13 adversum eum contendis quod non ad omnia verba responderit tibi
Job 40.2 Esaïe 45.9 Psaumes 62.11 Actes 1.7 Actes 9.4-9.5
14 semel loquitur Deus et secundo id ipsum non repetit
Psaumes 62.11 Job 40.5 Esaïe 6.9 Proverbes 1.24 Marc 8.17-8.18
15 per somnium in visione nocturna quando inruit sopor super homines et dormiunt in lectulo
Nombres 12.6 Job 4.13 Genèse 20.3 Jérémie 23.28 Hébreux 1.1
16 tunc aperit aures virorum et erudiens eos instruit disciplinam
Job 36.10 Job 36.15 Esaïe 50.5 Psaumes 40.6 Esaïe 6.10
17 ut avertat hominem ab his quae facit et liberet eum de superbia
Actes 9.2-9.6 Deutéronome 8.16 2 Chroniques 32.25 Esaïe 23.9 Job 17.11
18 eruens animam eius a corruptione et vitam illius ut non transeat in gladium
Job 33.30 Job 33.22 Job 15.22 Actes 16.27-16.33 Romains 2.4
19 increpat quoque per dolorem in lectulo et omnia ossa eius marcescere facit
Job 30.17 Job 5.17-5.18 2 Chroniques 16.12 Job 20.11 2 Chroniques 16.10
20 abominabilis ei fit in vita sua panis et animae illius cibus ante desiderabilis
Psaumes 107.17-107.18 Genèse 3.6 Job 3.24 Jérémie 3.19 Amos 5.11
21 tabescet caro eius et ossa quae tecta fuerant nudabuntur
Job 19.20 Proverbes 5.11 Job 16.8 Job 14.20 Job 7.5
22 adpropinquabit corruptioni anima eius et vita illius mortiferis
2 Samuel 24.16 Esaïe 38.10 Job 15.21 Psaumes 17.4 Job 7.7
23 si fuerit pro eo angelus loquens unum de milibus ut adnuntiet hominis aequitatem
Malachie 3.1 Ecclésiaste 7.28 Malachie 2.7 Job 11.6 Job 36.3
24 miserebitur eius et dicet libera eum et non descendat in corruptionem inveni in quo ei propitier
Job 33.18 Psaumes 49.7-49.8 Osée 14.4 Jérémie 31.20 Romains 3.24-3.26
25 consumpta est caro eius a suppliciis revertatur ad dies adulescentiae suae
2 Rois 5.14 Psaumes 103.5 Job 42.16 Josué 14.10-14.11 Osée 2.15
26 deprecabitur Deum et placabilis ei erit et videbit faciem eius in iubilo et reddet homini iustitiam suam
Psaumes 50.15 Esaïe 30.19 Psaumes 30.5 Psaumes 16.11 Matthieu 10.41-10.42
27 respiciet homines et dicet peccavi et vere deliqui et ut eram dignus non recepi
Romains 6.21 2 Samuel 12.13 Psaumes 14.2 Proverbes 28.13 2 Chroniques 16.9
28 liberavit animam suam ne pergeret in interitum sed vivens lucem videret
Job 3.9 Job 33.24 Job 33.22 Job 33.20 Job 3.16
29 ecce haec omnia operatur Deus tribus vicibus per singulos
Ephésiens 1.11 Philippiens 2.13 1 Corinthiens 12.6 2 Rois 6.10 2 Corinthiens 5.5
30 ut revocet animas eorum a corruptione et inluminet luce viventium
Psaumes 56.13 Esaïe 38.17 Jean 8.12 Job 33.24 Esaïe 2.5
31 adtende Iob et audi me et tace dum ego loquar
Job 21.2 Job 13.6 Job 18.2 Job 32.11
32 si autem habes quod loquaris responde mihi loquere volo enim te apparere iustum
Job 22.5-22.9 Job 21.27 Job 27.5 Job 15.4-15.5
33 quod si non habes audi me tace et docebo te sapientiam
Psaumes 34.11 Proverbes 4.1-4.2 Proverbes 5.1-5.2 Psaumes 49.3 Job 33.3