1 Φοβηθῶμεν οὖν μήποτε καταλειπομένης ἐπαγγελίας εἰσελθεῖν εἰς τὴν κατάπαυσιν αὐτοῦ δοκῇ τις ἐξ ὑμῶν ὑστερηκέναι·
Hébreux 12.15 Hébreux 4.9 Proverbes 28.14 Hébreux 4.11 Romains 3.3-3.4
2 καὶ γάρ ἐσμεν εὐηγγελισμένοι καθάπερ κἀκεῖνοι, ἀλλ’ οὐκ ὠφέλησεν ὁ λόγος τῆς ἀκοῆς ἐκείνους, μὴ ⸀συγκεκερασμένους τῇ πίστει τοῖς ἀκούσασιν.
1 Thessaloniciens 2.13 1 Timothée 4.8 Hébreux 4.6 2 Thessaloniciens 2.12-2.13 Hébreux 3.12
3 εἰσερχόμεθα γὰρ ⸀εἰς κατάπαυσιν οἱ πιστεύσαντες, καθὼς εἴρηκεν· Ὡς ὤμοσα ἐν τῇ ὀργῇ μου, Εἰ εἰσελεύσονται εἰς τὴν κατάπαυσίν μου, καίτοι τῶν ἔργων ἀπὸ καταβολῆς κόσμου γενηθέντων,
Hébreux 3.11 Matthieu 11.28-11.29 Psaumes 95.11 Matthieu 13.35 Hébreux 9.26
4 εἴρηκεν γάρ που περὶ τῆς ἑβδόμης οὕτως· Καὶ κατέπαυσεν ὁ θεὸς ἐν τῇ ἡμέρᾳ τῇ ἑβδόμῃ ἀπὸ πάντων τῶν ἔργων αὐτοῦ,
Exode 20.11 Exode 31.17 Genèse 2.1-2.2 Hébreux 2.6
5 καὶ ἐν τούτῳ πάλιν· Εἰ εἰσελεύσονται εἰς τὴν κατάπαυσίν μου.Psaumes 95.11 Hébreux 4.3 Hébreux 3.11
6 ἐπεὶ οὖν ἀπολείπεται τινὰς εἰσελθεῖν εἰς αὐτήν, καὶ οἱ πρότερον εὐαγγελισθέντες οὐκ εἰσῆλθον δι’ ἀπείθειαν,
Hébreux 3.18-3.19 Esaïe 65.15 Luc 14.21-14.24 1 Corinthiens 7.29 Nombres 14.31
7 πάλιν τινὰ ὁρίζει ἡμέραν, Σήμερον, ἐν Δαυὶδ λέγων μετὰ τοσοῦτον χρόνον, καθὼς ⸀προείρηται, Σήμερον ἐὰν τῆς φωνῆς αὐτοῦ ἀκούσητε, μὴ σκληρύνητε τὰς καρδίας ὑμῶν·
Hébreux 3.7-3.8 Psaumes 95.7 Hébreux 3.15 Luc 20.42 Marc 12.36
8 εἰ γὰρ αὐτοὺς Ἰησοῦς κατέπαυσεν, οὐκ ἂν περὶ ἄλλης ἐλάλει μετὰ ταῦτα ἡμέρας.
Josué 1.15 Josué 22.4 Hébreux 11.13-11.15 Psaumes 105.44 Actes 7.45
9 ἄρα ἀπολείπεται σαββατισμὸς τῷ λαῷ τοῦ θεοῦ·
1 Pierre 2.10 Tite 2.14 Apocalypse 7.14-7.17 Apocalypse 21.4 Esaïe 60.19-60.20
10 ὁ γὰρ εἰσελθὼν εἰς τὴν κατάπαυσιν αὐτοῦ καὶ αὐτὸς κατέπαυσεν ἀπὸ τῶν ἔργων αὐτοῦ ὥσπερ ἀπὸ τῶν ἰδίων ὁ θεός.
Apocalypse 14.13 Hébreux 4.3-4.4 Hébreux 1.3 Jean 19.30 1 Pierre 4.1-4.2
11 σπουδάσωμεν οὖν εἰσελθεῖν εἰς ἐκείνην τὴν κατάπαυσιν, ἵνα μὴ ἐν τῷ αὐτῷ τις ὑποδείγματι πέσῃ τῆς ἀπειθείας.
Ephésiens 5.6 Hébreux 3.18-4.1 Tite 1.16 Actes 26.19 Matthieu 11.28-11.30
12 Ζῶν γὰρ ὁ λόγος τοῦ θεοῦ καὶ ἐνεργὴς καὶ τομώτερος ὑπὲρ πᾶσαν μάχαιραν δίστομον καὶ διϊκνούμενος ἄχρι μερισμοῦ ψυχῆς ⸀καὶ πνεύματος, ἁρμῶν τε καὶ μυελῶν, καὶ κριτικὸς ἐνθυμήσεων καὶ ἐννοιῶν καρδίας·
Jérémie 23.29 Ephésiens 6.17 Esaïe 55.11 Esaïe 49.2 1 Pierre 1.23
13 καὶ οὐκ ἔστιν κτίσις ἀφανὴς ἐνώπιον αὐτοῦ, πάντα δὲ γυμνὰ καὶ τετραχηλισμένα τοῖς ὀφθαλμοῖς αὐτοῦ, πρὸς ὃν ἡμῖν ὁ λόγος.
Psaumes 33.13-33.15 1 Corinthiens 4.5 Proverbes 15.3 Job 34.21 Jérémie 17.10
Supériorité de Christ le grand-prêtre
Christ supérieur aux grands-prêtres lévitiques
14 Ἔχοντες οὖν ἀρχιερέα μέγαν διεληλυθότα τοὺς οὐρανούς, Ἰησοῦν τὸν υἱὸν τοῦ θεοῦ, κρατῶμεν τῆς ὁμολογίας·
Hébreux 6.20 Hébreux 2.17-3.1 Hébreux 1.2-1.3 Hébreux 10.23 Hébreux 8.1
15 οὐ γὰρ ἔχομεν ἀρχιερέα μὴ δυνάμενον συμπαθῆσαι ταῖς ἀσθενείαις ἡμῶν, ⸀πεπειρασμένον δὲ κατὰ πάντα καθ’ ὁμοιότητα χωρὶς ἁμαρτίας.
2 Corinthiens 5.21 Hébreux 2.17-2.18 Hébreux 7.26 1 Jean 3.5 Hébreux 5.2
16 προσερχώμεθα οὖν μετὰ παρρησίας τῷ θρόνῳ τῆς χάριτος, ἵνα λάβωμεν ἔλεος καὶ χάριν εὕρωμεν εἰς εὔκαιρον βοήθειαν.
Ephésiens 3.12 Hébreux 7.25 Hébreux 13.6 Philippiens 4.6-4.7 Hébreux 10.19-10.23