1 È par fà vede ch’ellu li ci vulia à pricà sempre senza scuraggì si mai, li cuntò una parabula.
Colossiens 4.2 1 Thessaloniciens 5.17 Romains 12.12 Philippiens 4.6 Ephésiens 6.18
2 Disse cusì : « ind’ una cità, ci era un ghjudice chì ùn avia nè timenza di Diu nè rispettu di l’omu.
Proverbes 29.7 Luc 18.4 Job 29.7-29.17 Psaumes 8.1-8.4 Michée 3.1-3.3
3 È ci era, in quella cità, una veduva chì andava à truvallu è dicia : ‘fà mi ghjustizia contru à u me avversariu.’
Esaïe 1.17 Jérémie 5.28 2 Samuel 14.5-14.24 Job 29.13 Romains 13.3-13.4
4 È quellu, par un tempu, ùn li dete capu. Ma dopu, disse da sè à sè : ‘puru ch’e’ ùn abbia nè timenza di Diu nè rispettu di l’omu,
Luc 12.17 Luc 16.3 Hébreux 4.12-4.13
5 li vogliu fà ghjustizia par cacciallami da l’arechje chì mi dà fastidiu issa veduva.’ »
Luc 11.8 Matthieu 15.23 Marc 10.47-10.48 Luc 18.39 2 Samuel 13.24-13.27
6 È disse u Signore : « sintite ciò ch’ellu dice u ghjudice inghjustu ;
Luc 7.13
7 È Diu ùn faria po a ghjustizia à quelli ch’ellu hà sceltu è chì u chjamanu di notte è di ghjornu, l’avarà da fà aspittà ?
Apocalypse 6.10 Psaumes 88.1 2 Pierre 3.9 Romains 8.33 Hébreux 10.35-10.37
8 A vi dicu, li farà a ghjustizia bellu lestru, ma quand’ellu ghjunghjarà u Figliolu di l’Omu, a truvarà a fede annantu à a tarra ? »
Hébreux 10.23-10.26 Matthieu 24.9-24.13 2 Pierre 3.8-3.9 2 Pierre 2.3 Jacques 5.1-5.8
9 È à certi chì eranu parsuasi d’esse ghjusti è disprizzavanu à l’altri, li dete issa parabula :
Luc 16.15 Esaïe 65.5 Proverbes 30.12 Romains 14.10 Romains 7.9
10 « dui omi culledenu à u tempiu à pricà, unu era Faruseu è l’altru publicanu.
Actes 3.1 2 Rois 20.5 Luc 1.9-1.10 Luc 19.46 Actes 23.6-23.8
11 U Faruseu, arrittu, pricava cusì in ellu stessu : ‘o Diu, ti ringraziu d’ùn esse, eiu, cum’è l’altri omi, latri, inghjusti, adulteri, o puru cum’è stu paccittore ;
Matthieu 6.5 Marc 11.25 Apocalypse 3.17 Esaïe 58.2 Ezéchiel 33.31
12 facciu u dighjunu duie volte à sittimana, dò u decimu di tuttu ciò ch’e’ vinciu.’
Luc 11.42 Matthieu 9.14 Malachie 3.8 Matthieu 6.16 Matthieu 6.5
13 È u publicanu si tinia luntanu, ùn vulia mancu alzà l’ochji ver di u celu, ma si minava in pettu, dicendu : ‘o Diu, succorri mi, à mè u piccatore.’
Luc 23.48 Esdras 9.6 Romains 5.8 Actes 2.37 1 Timothée 1.15
14 A vi dicu, quessu hè falatu ghjustificatu in casa soia è l’altru micca. Chì à chì si inalza sarà abbassatu è à chì si abbassa sarà inalzatu. »
Luc 14.11 Matthieu 23.12 Luc 16.15 Romains 3.20 Job 40.9-40.13
15 È a ghjente li purtava e criature da ch’ellu e tuccassi. È videnduli, i discepuli i litticavanu.
Matthieu 19.13-19.15 Marc 10.13-10.16 1 Samuel 1.24 Luc 9.49-9.50 Luc 9.54
16 Ma Ghjesù i fece vene, è disse : « lasciate ch’elli venganu duv’è mè i zitillucci è ùn li parate chì u Regnu di Diu hè da quelli chì li s’assumiglianu.
Actes 2.39 Deutéronome 31.12 1 Corinthiens 14.20 Deutéronome 29.11 Matthieu 18.3-18.4
17 A vi dicu da veru, à chì ùn riceve u Regnu di Diu cum’è un zitillucciu, ch’ellu ùn ci entri. »
Marc 10.15 1 Pierre 1.14 Psaumes 131.1-131.2 Matthieu 18.3
18 Un principale li fece una dumanda è disse : « o Maestru cusì bonu, chì ci vole ch’e’ fia par riceve a vita eterna in lascita ? »
Marc 10.17-10.31 Jean 13.13-13.15 Ezéchiel 33.31 Actes 16.30 Matthieu 19.16-19.30
19 È Ghjesù li disse : « comu hè chì tù mi chjami bonu ? Bonu hè Diu è basta !
Jacques 1.17 Luc 1.35 Job 15.14-15.16 Hébreux 7.26 Luc 11.13
20 I cumandi i cunnosci :
chì tù ùn sii adulteru, chì tù ùn tombi, chì tù un furi, chì tù ùn sii falsu tistimone, chì tù onori à babbitu è à mammata. »
Exode 20.12-20.17 Romains 13.9 Luc 10.26-10.28 Romains 3.20 Colossiens 3.20
21 È quellu disse : « tutti issi cumandi, l’aghju tinuti da chjucu sinu ad oghje. »
Philippiens 3.6 Luc 15.29 Luc 18.11-18.12 Marc 10.20-10.21 Matthieu 19.20-19.21
22 Sintendu cusì, Ghjesù li disse : « ti manca sempre una cosa : Tutta a to robba, vendi la è sparti trà i povari, è avarè un tisoru in celu, poi veni è suveta à mè. »
Luc 16.9 Luc 12.33 Matthieu 6.19-6.20 Luc 10.42 Matthieu 19.21
23 Intesu cusì, quellu fù afflittu chì era riccu assai.
Ezéchiel 33.31 Philippiens 3.8 Luc 19.8 Luc 12.15 1 Jean 2.15
24 Videndulu cusì, Ghjesù li disse : « cusì difficiule ch’ellu entri, à chì pussede ricchezze, in lu Regnu di Diu !
Proverbes 11.28 Jérémie 2.31 2 Corinthiens 7.9-7.10 1 Timothée 6.9-6.10 Psaumes 73.5-73.12
25 Chì hè più faciule ch’ellu entri un camellu pà a cruna di l’acu cà di pudè entre un irriccu in lu Regnu di Diu. »
Matthieu 23.24
26 Quelli chì stavanu à sente li dissenu : « è quale pò esse salvatu ? »
Luc 13.23
27 È ellu disse : « ciò ch’elli ùn ponu fà l’omi, Diu a pò fà. »
Jérémie 32.17 Matthieu 19.26 Luc 1.37 Job 42.2 Genèse 18.14
28 È Petru disse : « mì, noi avemu lasciatu tuttu u nostru è t’avemu suvitatu. »
Marc 10.28 Luc 5.11 Matthieu 9.9 Philippiens 3.7 Matthieu 4.19-4.22
29 È ellu li disse : « a vi dicu da veru, à chì si hà lasciatu o casa, o moglia o fratelli o parenti o zitelli par via di u Regnu di Diu,
Marc 10.29-10.31 Matthieu 19.28-19.30 Luc 14.26-14.28 Matthieu 10.37-10.39 Deutéronome 33.9
30 quellu sì chì ricivarà assai di di più indì issu tempu è a vita eterna in lu seculu chì vene. »
Job 42.10 Matthieu 12.32 Psaumes 119.111 Apocalypse 2.17 Psaumes 84.10-84.12
31 Ghjesù pigliò i dodici cùn ellu è li disse : « eccu, cullemu in Ghjerusaleme, è tuttu ciò chì hè statu scrittu da i prufeti pà u Figliolu di l’Omu hà da vene cumpiitu.
Psaumes 22.1-22.31 Esaïe 53.1-53.12 Matthieu 20.17-20.19 Marc 10.32-10.34 Luc 9.51
32 Iè, sarà datu in manu à i stranieri, sarà messu à a risa, sarà insultatu, li stupparanu addossu
Luc 23.11 Luc 23.1 Actes 3.13 Jean 18.30 Marc 14.65
33 è dopu d’avellu tribbiu di frusta, u tumbaranu, è u terzu ghjornu s’arrizzarà. »
Matthieu 16.21 1 Corinthiens 15.3-15.4 Luc 24.21 Matthieu 27.63 Luc 24.7
34 Ed elli ùn capianu micca, a parolla li firmava piatta è mancu sapianu di chene si trattassi.
Marc 9.32 Luc 9.45 Luc 24.25 Jean 16.1-16.19 Luc 24.45
35 Mentre ch’ellu s’avvicinava da Ghjericcò, ci era un cecu chì circatava, pusatu à tagliu di strada.
Jean 9.8 Luc 19.1 Marc 10.46-10.52 Actes 3.2 Matthieu 20.29-20.34
36 Sintendu a ghjente chì passava, dumandete ciò chì ellu era.
Luc 15.26 Matthieu 21.10-21.11
37 Li fù dettu ch’ellu passava Ghjesù di Nazarè.
Matthieu 2.23 Marc 2.1-2.3 Jean 19.19 Jean 1.45 Actes 2.22
38 È briunete : « o Ghjesù, figliolu di Davide, abbii pietà di mè ! »
Matthieu 9.27 Matthieu 15.22 Luc 18.39 Matthieu 21.9 Psaumes 62.12
39 È quelli chì viaghjavanu innanzu u litticavanu, par fà lu stà zittu, ma ellu briunava ancu di più : « Figliolu di Davide, abbii pietà di mè ! »
Luc 18.15 Luc 11.52 Psaumes 141.1 Luc 19.39 Matthieu 7.7
40 È Ghjesù fece a piantata è cumandò ch’elli u li avvicinassinu, è quand’ellu fù vicinu, li dumandete :
Marc 10.48-10.52 Matthieu 20.31-20.34
41 « chì voli ch’e’ fia da tè ? » È quellu disse : « o Signore, ch’e’ ci vega dinò ! »
1 Rois 3.5-3.15 Romains 8.25 Philippiens 4.6 Matthieu 20.21-20.22
42 È Ghjesù li disse : « vedi ci dinò ! A to fede ti hà salvu. »
Luc 8.48 Matthieu 9.22 Luc 7.50 Luc 17.19 Matthieu 8.3
43 È da u dettu à u fattu quellu ci vidì è u suvitede, glurifichendu à Diu. È tutta a ghjente, videndu issi fatti, fece loda à Diu.
Matthieu 9.8 Luc 19.37 Psaumes 103.1-103.3 Actes 26.18 Actes 4.21