1 È dissi à i discipuli : « un riccu avia unu intindenti, chì li fù ditta ch’ellu li magnava a so robba.
Luc 15.13 Luc 15.30 Luc 12.42 Tite 1.7 Matthieu 18.23-18.24
2 È ellu u chjamedi è li dissi : ‘ch’aghju intesu ? Dà mi i conti di u to guvernu, chì u me intindenti ùn poi più essa.’
Ecclésiaste 12.14 Romains 14.12 1 Timothée 5.24 1 Pierre 4.10 Ecclésiaste 11.9-11.10
3 È u intindenti dissi da sè à sè : ‘cumu avaraghju da fà, chì u me patroni mi caccia u guvernu ? Da zappà ùn aghju forza, è à dumandà a carità mi ni vargugnariu.
Proverbes 20.4 Osée 9.5 Proverbes 18.9 Proverbes 24.30-24.34 Actes 9.6
4 Ma a sò ciò ch’e aghju da fà, quand’È saraghju missu fora da u impiecu, par fà mi riceva da a ghjenti in casa soia.’
Jacques 3.15 Proverbes 30.9 Jérémie 4.22
5 Chjamedi tutti quilli chì avianu debbiti cù u so patroni è dissi à u prima : ‘tù, quantu li devi à me patroni ?’
Luc 7.41-7.42 Matthieu 18.24
6 Quillu dissi : ‘centu cerri d’oliu.’ È u intindenti li dissi : ‘eccu u to listinu : posa subitu è scrivi cinquanta.’
Luc 16.12 Tite 2.10 Luc 16.9
7 Dopu à un antru li dissi : ‘è tù quantu devi ?’ Quillu dissi : ‘centu mizini di granu.’ Li dici : ‘eccu u to contu, scrivi uttanta.’
Luc 20.12 Luc 20.9 Cantique 8.11-8.12
8 È u patroni filicitedi ancu u intindenti pocu unestu d’essa statu cusì sinnatu ; chì i figlioli di issu mondu sò più sinnati cà i figlioli di a luci, par ciò chì tocca à i soii l’affari ;
Jean 12.36 Ephésiens 5.8 1 Thessaloniciens 5.5 Luc 20.34 Psaumes 17.14
9 ed eiu vi dicu : Acquisteti vi l’amichi cù i soldi di a inghjustizia, chì cusì quand’ì vo sareti spruvisti sareti ricivuti in li casi eterni.
Matthieu 19.21 1 Timothée 6.17-6.19 Luc 12.33 Luc 16.11 Esaïe 58.7-58.8
10 À chì hè fidu in lu pocu, ancu in l’assai fidu hè, è à chì hè infidu in lu pocu, ancu in l’assai infidu hè.
Matthieu 25.21 Luc 19.17 Matthieu 25.23 Luc 16.11-16.12 Hébreux 3.2
11 Cusì sì pà i soldi di a inghjustizia ùn fusti fidi, pà u veru bè, quali si fidarà di voi ?
Proverbes 8.18-8.19 Luc 16.9 Luc 18.22 Ephésiens 3.8 Luc 12.33
12 È sì pà a robba di l’altri ùn fusti fidi, ciò chì vi veni quali u vi darà ?
Luc 19.13-19.26 1 Chroniques 29.14-29.16 Job 1.21 Ezéchiel 16.16-16.21 Osée 2.8
13 Nisun servu pò serva dui patroni.; chì à unu u vularà mali è à quillu altru u tinarà caru, o sarà fidu à unu è disprizzarà quillu altru. Un pudeti essa servi di Diu è di u Soldu. »
1 Jean 2.15-2.16 Matthieu 6.24 Jacques 4.4 Josué 24.15 Luc 14.26
14 Sintianu tuttu què i Farusei chì u danaru li piacia, è si ridianu d’ellu.
Luc 23.35 Luc 20.47 Matthieu 23.13 Esaïe 53.3 2 Timothée 3.2
15 È Ghjesù li dissi : « voi seti di quilli chì facinu inveci d’essa ghjusti davanti à a ghjenti, ma Diu cunnosci i vostri cori ; parchì ciò chì hè altu ind’è l’omi hè un schifeghju davanti à Diu.
1 Samuel 16.7 Proverbes 16.5 1 Pierre 3.4 Proverbes 21.2 1 Corinthiens 4.5
16 A Legi è i prufeti sò ghjunti insini à Ghjuvanni ; da tandu u Vangelu di u Regnu di Diu veni purtatu è ugnunu faci i sforzi da entra ci.
Matthieu 11.9-11.14 Matthieu 3.2 Matthieu 10.7 Marc 1.14 Luc 16.29
17 Ma hè più faciuli ch’elli sparischinu u celi è a tarra, cà di caccià una sola lettara da a Legi.
Matthieu 5.18 Luc 21.33 Esaïe 40.8 1 Pierre 1.25 Esaïe 51.6
18 À chì lascia a moglia è si ni piglia una antra hè adulteru, è quilla chì hè stata lasciata s’ella si marita hè adultera. »
Matthieu 19.9 Matthieu 5.31-5.32 Marc 10.11-10.12 1 Corinthiens 7.4 1 Corinthiens 7.10-7.12
19 « Ci era un riccu, si vistia di porpura è di linu finu, è a si gudia tutti i ghjorni ind’u lussu.
Esther 8.15 Marc 15.17 Ezéchiel 16.49 Apocalypse 18.16 Luc 16.1
20 Ma un puvarellu chjamatu Lazaru era chjinatu davanti à u purtoni di u riccu, cupartu à piaghi ;
Actes 3.2 Psaumes 73.14 Luc 18.35-18.43 Jean 11.1 Job 2.7
21 è avaria bramatu, ellu, di magnà si ciò chì cascava da a tola di u riccu ; ma ancu i ghjacari vinianu à liccà li i piaghi.
Matthieu 15.27 Marc 7.28 2 Corinthiens 11.27 1 Corinthiens 4.11 Jean 6.12
22 È si ni morsi u puvarellu è fù purtatu da l’agnuli à cantu à Abraamu; è morsi ancu u riccu è fù intarratu.
Jean 13.23 Jacques 1.11 Psaumes 49.6-49.12 Psaumes 49.16-49.19 Marc 8.36
23 È indi l’inferni aprì l’ochji, mentri ch’ellu patia i turmenti, è vidi da luntanu à Abraamu , è à Lazaru à cantu ad ellu.
Luc 16.28 Psaumes 9.17 Esaïe 14.15 Apocalypse 14.10-14.11 2 Pierre 2.4
24 È u chjamedi : ‘o Abrà, o bà, abbii pietà di mè è manda à Lazaru, ch’ellu ciotti a punta di u ditu in l’acqua è ch’ellu mi rinfreschi a lingua, chì soffru troppu in issa fiamma.’
Luc 16.30 Matthieu 25.41 Esaïe 66.24 Luc 3.8 Zacharie 14.12
25 È Abraamu li dissi : ‘u me figliolu, ramenta ti chì tù ai ricivutu tuttu u bè ind’a to vita, è cusì Lazaru hà ricivutu u mali ; ma oramai quì hè ricuvaratu, è tù strazii.
Luc 6.24 Psaumes 17.14 1 Jean 2.15 Marc 9.45 Philippiens 3.19
26 È in soprappiù, trà noi è voi un abissu maiò hè statu missu, chì quilli chì da quì volinu passà ind’è voi ùn la possinu fà, è chì mancu da culà induv’è vo’ seti ùn provinu à passà ind’è noi.’
Matthieu 25.46 Psaumes 50.22 Luc 12.59 Jacques 5.1-5.7 Psaumes 49.14
27 È u riccu dissi : ‘tandu ti ni precu, o bà, manda lu in casa di babbu,
28 chì aghju cinqui fratelli, ch’ellu i privenghi, ch’elli ùn venghinu ancu elli in stu locu di u turmentu.’
Actes 20.23 Psaumes 49.12-49.13 1 Thessaloniciens 4.6 Actes 2.40
29 È li dissi Abraamu : ‘anu à Musè è i prufeti ; ch’elli i stianu à senta.’
Actes 15.21 Luc 16.16 Luc 24.27 2 Timothée 3.15-3.17 Esaïe 34.16
30 Ma ellu dissi : ‘innò chì ùn basta, o Abrà, o bà, ma sì da trà li morti veni calchì sia à truvà li si anu da cunverta.’
Apocalypse 16.9-16.11 Luc 3.8 Luc 16.24 Luc 13.5 Luc 13.3
31 È li dissi : ‘sì à Musè è i prufeti ùn li credinu, mancu s’ellu risuscitessi unu da trà li morti, ùn saranu cunvinti.’ »
2 Corinthiens 4.3 Actes 28.23 Jean 12.10-12.11 Actes 19.8 Genèse 9.27