Esaïe 21.13
Biblia Hebraica Stuttgartensia

Prophétie sur la prise de Babylone

¹ מַשָּׂ֖א מִדְבַּר־יָ֑ם כְּסוּפֹ֤ות בַּנֶּ֨גֶב֙ לַֽחֲלֹ֔ף מִמִּדְבָּ֣ר בָּ֔א מֵאֶ֖רֶץ נֹורָאָֽה׃
Esaïe 13.1 Jérémie 51.42 Zacharie 9.14 Esaïe 13.20-13.22 Esaïe 14.23
² חָז֥וּת קָשָׁ֖ה הֻגַּד־לִ֑י הַבֹּוגֵ֤ד׀ בֹּוגֵד֙ וְהַשֹּׁודֵ֣ד׀ שֹׁודֵ֔ד עֲלִ֤י עֵילָם֙ צוּרִ֣י מָדַ֔י כָּל־אַנְחָתָ֖ה הִשְׁבַּֽתִּי׃
Esaïe 33.1 Jérémie 49.34 Psaumes 60.3 Esaïe 24.16 Zacharie 1.15-1.16
³ עַל־כֵּ֗ן מָלְא֤וּ מָתְנַי֙ חַלְחָלָ֔ה צִירִ֣ים אֲחָז֔וּנִי כְּצִירֵ֖י יֹֽולֵדָ֑ה נַעֲוֵ֣יתִי מִשְּׁמֹ֔עַ נִבְהַ֖לְתִּי מֵרְאֹֽות׃
Esaïe 13.8 Psaumes 48.6 Esaïe 26.17 Michée 4.9-4.10 Jérémie 48.41
⁴ תָּעָ֣ה לְבָבִ֔י פַּלָּצ֖וּת בִּֽעֲתָ֑תְנִי אֵ֚ת נֶ֣שֶׁף חִשְׁקִ֔י שָׂ֥ם לִ֖י לַחֲרָדָֽה׃
Luc 21.34-21.36 Jérémie 51.57 Esther 5.12 1 Samuel 25.36-25.38 Jérémie 51.39
⁵ עָרֹ֧ךְ הַשֻּׁלְחָ֛ן צָפֹ֥ה הַצָּפִ֖ית אָכֹ֣ול שָׁתֹ֑ה ק֥וּמוּ הַשָּׂרִ֖ים מִשְׁח֥וּ מָגֵֽן׃ פ
Jérémie 51.57 Jérémie 51.39 1 Corinthiens 15.32 Daniel 5.1-5.5 Jérémie 51.11
⁶ כִּ֣י כֹ֥ה אָמַ֛ר אֵלַ֖י אֲדֹנָ֑י לֵ֚ךְ הַעֲמֵ֣ד הַֽמְצַפֶּ֔ה אֲשֶׁ֥ר יִרְאֶ֖ה יַגִּֽיד׃
2 Rois 9.17-9.20 Ezéchiel 3.17 Ezéchiel 33.2-33.7 Jérémie 51.12-51.13 Habakuk 2.1-2.2
⁷ וְרָ֣אָה רֶ֗כֶב צֶ֚מֶד פָּֽרָשִׁ֔ים רֶ֥כֶב חֲמֹ֖ור רֶ֣כֶב גָּמָ֑ל וְהִקְשִׁ֥יב קֶ֖שֶׁב רַב־קָֽשֶׁב׃
Esaïe 21.9 Hébreux 2.1 Esaïe 37.24
⁸ וַיִּקְרָ֖א אַרְיֵ֑ה עַל־מִצְפֶּ֣ה׀ אֲדֹנָ֗י אָנֹכִ֞י עֹמֵ֤ד תָּמִיד֙ יֹומָ֔ם וְעַל־מִ֨שְׁמַרְתִּ֔י אָנֹכִ֥י נִצָּ֖ב כָּל־הַלֵּילֹֽות׃
Habakuk 2.1-2.2 Jérémie 50.44 Jérémie 4.7 Jérémie 25.38 1 Pierre 5.8
⁹ וְהִנֵּה־זֶ֥ה בָא֙ רֶ֣כֶב אִ֔ישׁ צֶ֖מֶד פָּֽרָשִׁ֑ים וַיַּ֣עַן וַיֹּ֗אמֶר נָפְלָ֤ה נָֽפְלָה֙ בָּבֶ֔ל וְכָל־פְּסִילֵ֥י אֱלֹהֶ֖יהָ שִׁבַּ֥ר לָאָֽרֶץ׃
Apocalypse 18.2 Jérémie 51.8 Apocalypse 14.8 Jérémie 51.44 Esaïe 13.19
¹⁰ מְדֻשָׁתִ֖י וּבֶן־גָּרְנִ֑י אֲשֶׁ֣ר שָׁמַ֗עְתִּי מֵאֵ֨ת יְהוָ֧ה צְבָאֹ֛ות אֱלֹהֵ֥י יִשְׂרָאֵ֖ל הִגַּ֥דְתִּי לָכֶֽם׃ ס
Jérémie 51.33 Michée 4.13 Matthieu 3.12 Esaïe 41.15-41.16 2 Rois 13.7

Prophétie contre Édom et l’Arabie

¹¹ מַשָּׂ֖א דּוּמָ֑ה אֵלַי֙ קֹרֵ֣א מִשֵּׂעִ֔יר שֹׁמֵר֙ מַה־מִלַּ֔יְלָה שֹׁמֵ֖ר מַה־מִלֵּֽיל׃
Genèse 25.14 1 Chroniques 1.30 Genèse 32.3 Abdias 1.1-1.16 Jérémie 37.17
¹² אָמַ֣ר שֹׁמֵ֔ר אָתָ֥ה בֹ֖קֶר וְגַם־לָ֑יְלָה אִם־תִּבְעָי֥וּן בְּעָ֖יוּ שֻׁ֥בוּ אֵתָֽיוּ׃ ס
Actes 17.30-17.32 Ezéchiel 7.12 Ezéchiel 7.5-7.7 Ezéchiel 18.30-18.32 Actes 17.19-17.20
¹³ מַשָּׂ֖א בַּעְרָ֑ב בַּיַּ֤עַר בַּעְרַב֙ תָּלִ֔ינוּ אֹֽרְחֹ֖ות דְּדָנִֽים׃
Jérémie 25.23-25.24 Genèse 25.3 Ezéchiel 27.15 Ezéchiel 27.20-27.21 1 Chroniques 1.32
¹⁴ לִקְרַ֥את צָמֵ֖א הֵתָ֣יוּ מָ֑יִם יֹשְׁבֵי֙ אֶ֣רֶץ תֵּימָ֔א בְּלַחְמֹ֖ו קִדְּמ֥וּ נֹדֵֽד׃
Job 6.19 Genèse 25.15 1 Pierre 4.9 Esaïe 16.3-16.4 Romains 12.20
¹⁵ כִּֽי־מִפְּנֵ֥י חֲרָבֹ֖ות נָדָ֑דוּ מִפְּנֵ֣י׀ חֶ֣רֶב נְטוּשָׁ֗ה וּמִפְּנֵי֙ קֶ֣שֶׁת דְּרוּכָ֔ה וּמִפְּנֵ֖י כֹּ֥בֶד מִלְחָמָֽה׃ ס
Esaïe 13.14 Job 6.19-6.20
¹⁶ כִּי־כֹ֛ה אָמַ֥ר אֲדֹנָ֖י אֵלָ֑י בְּעֹ֤וד שָׁנָה֙ כִּשְׁנֵ֣י שָׂכִ֔יר וְכָלָ֖ה כָּל־כְּבֹ֥וד קֵדָֽר׃
Esaïe 60.7 Esaïe 16.14 Psaumes 120.5 Cantique 1.5 Ezéchiel 27.21
¹⁷ וּשְׁאָ֧ר מִסְפַּר־קֶ֛שֶׁת גִּבֹּורֵ֥י בְנֵֽי־קֵדָ֖ר יִמְעָ֑טוּ כִּ֛י יְהוָ֥ה אֱלֹהֵֽי־יִשְׂרָאֵ֖ל דִּבֵּֽר׃ ס
Zacharie 1.6 Esaïe 1.20 Nombres 23.19 Jérémie 44.29 Psaumes 107.39