Psaumes 9.15
Biblia Hebraica Stuttgartensia

Le jugement de Dieu sur les nations

¹ לַ֭מְנַצֵּחַ עַלְמ֥וּת לַבֵּ֗ן מִזְמֹ֥ור לְדָוִֽד׃
Psaumes 86.12 Psaumes 145.1-145.3 Psaumes 138.1 Psaumes 146.1-146.2 Psaumes 111.1
² (9.1) אֹודֶ֣ה יְ֭הוָה בְּכָל־לִבִּ֑י אֲ֝סַפְּרָ֗ה כָּל־נִפְלְאֹותֶֽיךָ׃
Psaumes 83.18 Psaumes 5.11 Psaumes 92.1 Psaumes 7.17 Psaumes 28.7
³ (9.2) אֶשְׂמְחָ֣ה וְאֶעֶלְצָ֣ה בָ֑ךְ אֲזַמְּרָ֖ה שִׁמְךָ֣ עֶלְיֹֽון׃
Esaïe 64.3 Apocalypse 6.12-6.17 Apocalypse 20.11 Psaumes 68.1-68.2 2 Thessaloniciens 1.9
⁴ (9.3) בְּשׁוּב־אֹויְבַ֥י אָחֹ֑ור יִכָּשְׁל֥וּ וְ֝יֹאבְד֗וּ מִפָּנֶֽיךָ׃
Psaumes 140.12 1 Pierre 2.23 Psaumes 47.8 Psaumes 45.6-45.7 Psaumes 96.13
⁵ (9.4) כִּֽי־עָ֭שִׂיתָ מִשְׁפָּטִ֣י וְדִינִ֑י יָשַׁ֥בְתָּ לְ֝כִסֵּ֗א שֹׁופֵ֥ט צֶֽדֶק׃
Proverbes 10.7 Deutéronome 9.14 Malachie 4.3 2 Samuel 8.1-8.15 1 Samuel 25.32
⁶ (9.5) גָּעַ֣רְתָּ גֹ֭ויִם אִבַּ֣דְתָּ רָשָׁ֑ע שְׁמָ֥ם מָ֝חִ֗יתָ לְעֹולָ֥ם וָעֶֽד׃
Exode 15.16 1 Corinthiens 15.54-15.57 Michée 7.10 Esaïe 10.6-10.7 Psaumes 8.2
⁷ (9.6) הָֽאֹויֵ֨ב׀ תַּ֥מּוּ חֳרָבֹ֗ות לָ֫נֶ֥צַח וְעָרִ֥ים נָתַ֑שְׁתָּ אָבַ֖ד זִכְרָ֣ם הֵֽמָּה׃
Psaumes 103.19 Psaumes 90.2 Psaumes 102.12 Hébreux 1.11-1.12 Psaumes 102.24-102.27
⁸ (9.7) וַֽ֭יהוָה לְעֹולָ֣ם יֵשֵׁ֑ב כֹּונֵ֖ן לַמִּשְׁפָּ֣ט כִּסְאֹֽו׃
Psaumes 96.13 Psaumes 98.9 Romains 2.16 Romains 2.5-2.6 Esaïe 11.4-11.5
⁹ (9.8) וְה֗וּא יִשְׁפֹּֽט־תֵּבֵ֥ל בְּצֶ֑דֶק יָדִ֥ין לְ֝אֻמִּ֗ים בְּמֵישָׁרִֽים׃
Psaumes 32.7 Proverbes 18.10 Psaumes 91.1-91.2 Hébreux 6.18 Psaumes 18.2
¹⁰ (9.9) וִ֘יהִ֤י יְהוָ֣ה מִשְׂגָּ֣ב לַדָּ֑ךְ מִ֝שְׂגָּ֗ב לְעִתֹּ֥ות בַּצָּרָֽה׃
Psaumes 91.14 2 Corinthiens 1.9-1.10 2 Timothée 1.12 Proverbes 18.10 Esaïe 26.3-26.4
¹¹ (9.10) וְיִבְטְח֣וּ בְ֭ךָ יֹודְעֵ֣י שְׁמֶ֑ךָ כִּ֤י לֹֽא־עָזַ֖בְתָּ דֹרְשֶׁ֣יךָ יְהוָֽה׃
Psaumes 107.22 Psaumes 76.2 Jean 17.26 Psaumes 96.10 Psaumes 132.13-132.14
¹² (9.11) זַמְּר֗וּ לַ֭יהוָה יֹשֵׁ֣ב צִיֹּ֑ון הַגִּ֥ידוּ בָ֝עַמִּ֗ים עֲלִֽילֹותָֽיו׃
Genèse 9.5 Psaumes 34.6 Exode 3.7 Apocalypse 16.6 Apocalypse 6.9-6.10
¹³ (9.12) כִּֽי־דֹרֵ֣שׁ דָּ֭מִים אֹותָ֣ם זָכָ֑ר לֹֽא־שָׁ֝כַ֗ח צַעֲקַ֥ת עֲנָוִֽים׃
Psaumes 30.3 Psaumes 86.13 Psaumes 142.6 Esaïe 38.10 Lamentations 1.9
¹⁴ (9.13) חָֽנְנֵ֬נִי יְהוָ֗ה רְאֵ֣ה עָ֭נְיִי מִשֹּׂנְאָ֑י מְ֝רֹומְמִ֗י מִשַּׁ֥עֲרֵי מָֽוֶת׃
Psaumes 13.5 Psaumes 106.2 Psaumes 51.12 Psaumes 20.5 Psaumes 35.9
¹⁵ (9.14) לְמַ֥עַן אֲסַפְּרָ֗ה כָּֽל־תְּהִלָּ֫תֶ֥יךָ בְּשַֽׁעֲרֵ֥י בַת־צִיֹּ֑ון אָ֝גִ֗ילָה בִּישׁוּעָתֶֽךָ׃
Psaumes 57.6 Psaumes 7.15-7.16 Psaumes 35.8 Psaumes 37.15 Psaumes 94.23
¹⁶ (9.15) טָבְע֣וּ גֹ֭ויִם בְּשַׁ֣חַת עָשׂ֑וּ בְּרֶֽשֶׁת־ז֥וּ טָ֝מָ֗נוּ נִלְכְּדָ֥ה רַגְלָֽם׃
Exode 7.5 Proverbes 12.13 Exode 14.4 Esaïe 8.15 1 Samuel 17.46
¹⁷ (9.16) נֹ֤ודַ֨ע׀ יְהוָה֮ מִשְׁפָּ֪ט עָ֫שָׂ֥ה בְּפֹ֣עַל כַּ֭פָּיו נֹוקֵ֣שׁ רָשָׁ֑ע הִגָּיֹ֥ון סֶֽלָה׃
Job 8.13 Psaumes 50.22 2 Thessaloniciens 1.7-1.9 Romains 2.8-2.9 Esaïe 5.14
¹⁸ (9.17) יָשׁ֣וּבוּ רְשָׁעִ֣ים לִשְׁאֹ֑ולָה כָּל־גֹּ֝ויִ֗ם שְׁכֵחֵ֥י אֱלֹהִֽים׃
Proverbes 23.18 Psaumes 12.5 Psaumes 9.12 Proverbes 24.14 Psaumes 71.5
¹⁹ (9.18) כִּ֤י לֹ֣א לָ֭נֶצַח יִשָּׁכַ֣ח אֶבְיֹ֑ון תִּקְוַ֥ת עֲ֝נִיִּ֗ים תֹּאבַ֥ד לָעַֽד׃
Psaumes 3.7 2 Chroniques 14.11 Psaumes 44.26 Psaumes 10.12 Psaumes 76.8-76.9
²⁰ (9.19) קוּמָ֣ה יְ֭הוָה אַל־יָעֹ֣ז אֱנֹ֑ושׁ יִשָּׁפְט֥וּ גֹ֝ויִ֗ם עַל־פָּנֶֽיךָ׃
Esaïe 31.3 Exode 15.16 Exode 23.27 Deutéronome 2.25 Actes 12.22-12.23
²¹ (9.20) שִׁ֘יתָ֤ה יְהוָ֨ה׀ מֹורָ֗ה לָ֫הֶ֥ם יֵדְע֥וּ גֹויִ֑ם אֱנֹ֖ושׁ הֵ֣מָּה סֶּֽלָה׃