Psaumes 74.2
Biblia Hebraica Stuttgartensia

Supplication après la destruction du temple

¹ מַשְׂכִּ֗יל לְאָ֫סָ֥ף לָמָ֣ה אֱ֭לֹהִים זָנַ֣חְתָּ לָנֶ֑צַח יֶעְשַׁ֥ן אַ֝פְּךָ֗ בְּצֹ֣אן מַרְעִיתֶֽךָ׃
Psaumes 79.13 Psaumes 100.3 Deutéronome 29.20 Psaumes 95.7 Psaumes 44.9
² זְכֹ֤ר עֲדָתְךָ֨׀ קָ֘נִ֤יתָ קֶּ֗דֶם גָּ֭אַלְתָּ שֵׁ֣בֶט נַחֲלָתֶ֑ךָ הַר־צִ֝יֹּ֗ון זֶ֤ה׀ שָׁכַ֬נְתָּ בֹּֽו׃
Exode 15.16 Jérémie 10.16 Deutéronome 32.9 Esaïe 62.12 Apocalypse 5.9
³ הָרִ֣ימָה פְ֭עָמֶיךָ לְמַשֻּׁאֹ֣ות נֶ֑צַח כָּל־הֵרַ֖ע אֹויֵ֣ב בַּקֹּֽדֶשׁ׃
Psaumes 79.1 Psaumes 102.13-102.14 Michée 1.3 Michée 3.12 Josué 10.24
⁴ שָׁאֲג֣וּ צֹ֭רְרֶיךָ בְּקֶ֣רֶב מֹועֲדֶ֑ךָ שָׂ֖מוּ אֹותֹתָ֣ם אֹתֹֽות׃
Lamentations 2.7 Nombres 2.2 Matthieu 24.15 Apocalypse 13.6 Luc 13.1
⁵ יִ֭וָּדַע כְּמֵבִ֣יא לְמָ֑עְלָה בִּֽסֲבָךְ־עֵ֝֗ץ קַרְדֻּמֹּֽות׃
Jérémie 46.22-46.23 2 Chroniques 2.14 1 Rois 5.6
⁶ וְ֭עַתָּה פִּתּוּחֶ֣יהָ יָּ֑חַד בְּכַשִּׁ֥יל וְ֝כֵֽילַפֹּ֗ת יַהֲלֹמֽוּן׃
1 Rois 6.18 1 Rois 6.32 1 Rois 6.35 1 Rois 6.29
⁷ שִׁלְח֣וּ בָ֭אֵשׁ מִקְדָּשֶׁ֑ךָ לָ֝אָ֗רֶץ חִלְּל֥וּ מִֽשְׁכַּן־שְׁמֶֽךָ׃
Psaumes 89.39 2 Rois 25.9 Esaïe 64.11 Lamentations 2.2 1 Rois 8.20
⁸ אָמְר֣וּ בְ֭לִבָּם נִינָ֣ם יָ֑חַד שָׂרְפ֖וּ כָל־מֹועֲדֵי־אֵ֣ל בָּאָֽרֶץ׃
Psaumes 83.4 2 Rois 2.5 Esther 3.8-3.9 2 Rois 4.23 Matthieu 4.23
⁹ אֹֽותֹתֵ֗ינוּ לֹ֥א רָ֫אִ֥ינוּ אֵֽין־עֹ֥וד נָבִ֑יא וְלֹֽא־אִ֝תָּ֗נוּ יֹדֵ֥עַ עַד־מָֽה׃
1 Samuel 3.1 Amos 8.11 Exode 13.9-13.10 Ezéchiel 20.12 Lamentations 2.9
¹⁰ עַד־מָתַ֣י אֱ֭לֹהִים יְחָ֣רֶף צָ֑ר יְנָ֘אֵ֤ץ אֹויֵ֖ב שִׁמְךָ֣ לָנֶֽצַח׃
Apocalypse 6.10 Psaumes 79.4-79.5 Psaumes 79.12 Psaumes 44.16 Psaumes 13.1-13.2
¹¹ לָ֤מָּה תָשִׁ֣יב יָ֭דְךָ וִֽימִינֶ֑ךָ מִקֶּ֖רֶב חֵֽיקְךָ֣ כַלֵּֽה׃
Lamentations 2.3 Psaumes 78.65-78.66 Psaumes 44.23 Esaïe 64.12
¹² וֵ֭אלֹהִים מַלְכִּ֣י מִקֶּ֑דֶם פֹּעֵ֥ל יְ֝שׁוּעֹ֗ות בְּקֶ֣רֶב הָאָֽרֶץ׃
Psaumes 44.4 1 Samuel 19.5 Exode 15.2-15.15 Exode 19.5-19.6 Habakuk 3.12-3.14
¹³ אַתָּ֤ה פֹורַ֣רְתָּ בְעָזְּךָ֣ יָ֑ם שִׁבַּ֖רְתָּ רָאשֵׁ֥י תַ֝נִּינִ֗ים עַל־הַמָּֽיִם׃
Exode 14.21 Ezéchiel 29.3 Psaumes 78.13 Esaïe 11.15-11.16 Esaïe 51.9-51.10
¹⁴ אַתָּ֣ה רִ֭צַּצְתָּ רָאשֵׁ֣י לִוְיָתָ֑ן תִּתְּנֶ֥נּוּ מַ֝אֲכָ֗ל לְעָ֣ם לְצִיִּֽים׃
Esaïe 27.1 Nombres 14.9 Job 41.1-41.34 Psaumes 104.25-104.26 Exode 14.30
¹⁵ אַתָּ֣ה בָ֭קַעְתָּ מַעְיָ֣ן וָנָ֑חַל אַתָּ֥ה הֹ֝ובַ֗שְׁתָּ נַהֲרֹ֥ות אֵיתָֽן׃
Nombres 20.11 Esaïe 48.21 Exode 17.5-17.6 Psaumes 105.41 Josué 2.10
¹⁶ לְךָ֣ יֹ֭ום אַף־לְךָ֥ לָ֑יְלָה אַתָּ֥ה הֲ֝כִינֹ֗ותָ מָאֹ֥ור וָשָֽׁמֶשׁ׃
Psaumes 136.7-136.9 Genèse 1.14-1.18 Psaumes 19.1-19.6 Psaumes 104.19 Genèse 1.3-1.5
¹⁷ אַתָּ֣ה הִ֭צַּבְתָּ כָּל־גְּבוּלֹ֣ות אָ֑רֶץ קַ֥יִץ וָ֝חֹ֗רֶף אַתָּ֥ה יְצַרְתָּם׃
Deutéronome 32.8 Actes 17.26 Genèse 8.22 Psaumes 24.1-24.2 Actes 14.17
¹⁸ זְכָר־זֹ֗את אֹ֭ויֵב חֵרֵ֣ף׀ יְהוָ֑ה וְעַ֥ם נָ֝בָ֗ל נִֽאֲצ֥וּ שְׁמֶֽךָ׃
Psaumes 39.8 Apocalypse 16.19 Deutéronome 32.6 Ezéchiel 20.14 Psaumes 94.2-94.8
¹⁹ אַל־תִּתֵּ֣ן לְ֭חַיַּת נֶ֣פֶשׁ תֹּורֶ֑ךָ חַיַּ֥ת עֲ֝נִיֶּ֗יךָ אַל־תִּשְׁכַּ֥ח לָנֶֽצַח׃
Cantique 2.14 Psaumes 68.10 Psaumes 9.18 Psaumes 72.2 Psaumes 68.13
²⁰ הַבֵּ֥ט לַבְּרִ֑ית כִּ֥י מָלְא֥וּ מַחֲשַׁכֵּי־אֶ֝֗רֶץ נְאֹ֣ות חָמָֽס׃
Psaumes 106.45 Genèse 17.7-17.8 Exode 24.6-24.8 Hébreux 8.10 Deutéronome 9.27
²¹ אַל־יָשֹׁ֣ב דַּ֣ךְ נִכְלָ֑ם עָנִ֥י וְ֝אֶבְיֹ֗ון יְֽהַלְל֥וּ שְׁמֶֽךָ׃
Psaumes 103.6 Jérémie 33.11 Psaumes 12.5 Esaïe 45.17 Psaumes 109.22
²² קוּמָ֣ה אֱ֭לֹהִים רִיבָ֣ה רִיבֶ֑ךָ זְכֹ֥ר חֶרְפָּתְךָ֥ מִנִּי־נָ֝בָ֗ל כָּל־הַיֹּֽום׃
Psaumes 74.18 Psaumes 9.19-9.20 Psaumes 53.1 Psaumes 75.4-75.5 Psaumes 79.9-79.10
²³ אַל־תִּ֭שְׁכַּח קֹ֣ול צֹרְרֶ֑יךָ שְׁאֹ֥ון קָ֝מֶ֗יךָ עֹלֶ֥ה תָמִֽיד׃
Psaumes 65.7 Esaïe 37.29 Jonas 1.2 Psaumes 13.1 Lamentations 2.16