Psaumes 74.19
Biblia Hebraica Stuttgartensia

Supplication après la destruction du temple

¹ מַשְׂכִּ֗יל לְאָ֫סָ֥ף לָמָ֣ה אֱ֭לֹהִים זָנַ֣חְתָּ לָנֶ֑צַח יֶעְשַׁ֥ן אַ֝פְּךָ֗ בְּצֹ֣אן מַרְעִיתֶֽךָ׃
Deutéronome 29.20 Psaumes 95.7 Psaumes 79.13 Psaumes 100.3 Psaumes 44.9
² זְכֹ֤ר עֲדָתְךָ֨׀ קָ֘נִ֤יתָ קֶּ֗דֶם גָּ֭אַלְתָּ שֵׁ֣בֶט נַחֲלָתֶ֑ךָ הַר־צִ֝יֹּ֗ון זֶ֤ה׀ שָׁכַ֬נְתָּ בֹּֽו׃
Jérémie 10.16 Deutéronome 32.9 Exode 15.16 Psaumes 78.68-78.69 Psaumes 9.11
³ הָרִ֣ימָה פְ֭עָמֶיךָ לְמַשֻּׁאֹ֣ות נֶ֑צַח כָּל־הֵרַ֖ע אֹויֵ֣ב בַּקֹּֽדֶשׁ׃
Psaumes 79.1 Néhémie 2.13 Daniel 11.31 Néhémie 1.3 Daniel 8.11-8.14
⁴ שָׁאֲג֣וּ צֹ֭רְרֶיךָ בְּקֶ֣רֶב מֹועֲדֶ֑ךָ שָׂ֖מוּ אֹותֹתָ֣ם אֹתֹֽות׃
Lamentations 2.7 Nombres 2.2 Matthieu 24.15 Luc 21.20 Daniel 6.27
⁵ יִ֭וָּדַע כְּמֵבִ֣יא לְמָ֑עְלָה בִּֽסֲבָךְ־עֵ֝֗ץ קַרְדֻּמֹּֽות׃
Jérémie 46.22-46.23 2 Chroniques 2.14 1 Rois 5.6
⁶ וְ֭עַתָּה פִּתּוּחֶ֣יהָ יָּ֑חַד בְּכַשִּׁ֥יל וְ֝כֵֽילַפֹּ֗ת יַהֲלֹמֽוּן׃
1 Rois 6.18 1 Rois 6.32 1 Rois 6.35 1 Rois 6.29
⁷ שִׁלְח֣וּ בָ֭אֵשׁ מִקְדָּשֶׁ֑ךָ לָ֝אָ֗רֶץ חִלְּל֥וּ מִֽשְׁכַּן־שְׁמֶֽךָ׃
Psaumes 89.39 2 Rois 25.9 1 Rois 8.20 Matthieu 22.7 Deutéronome 12.5
⁸ אָמְר֣וּ בְ֭לִבָּם נִינָ֣ם יָ֑חַד שָׂרְפ֖וּ כָל־מֹועֲדֵי־אֵ֣ל בָּאָֽרֶץ׃
Psaumes 83.4 2 Rois 4.23 Matthieu 4.23 2 Rois 2.3 Psaumes 137.7
⁹ אֹֽותֹתֵ֗ינוּ לֹ֥א רָ֫אִ֥ינוּ אֵֽין־עֹ֥וד נָבִ֑יא וְלֹֽא־אִ֝תָּ֗נוּ יֹדֵ֥עַ עַד־מָֽה׃
1 Samuel 3.1 Amos 8.11 Juges 6.17 Ezéchiel 7.26 Exode 12.13
¹⁰ עַד־מָתַ֣י אֱ֭לֹהִים יְחָ֣רֶף צָ֑ר יְנָ֘אֵ֤ץ אֹויֵ֖ב שִׁמְךָ֣ לָנֶֽצַח׃
Psaumes 44.16 Psaumes 13.1-13.2 Daniel 12.6 Psaumes 89.50-89.51 Psaumes 89.46
¹¹ לָ֤מָּה תָשִׁ֣יב יָ֭דְךָ וִֽימִינֶ֑ךָ מִקֶּ֖רֶב חֵֽיקְךָ֣ כַלֵּֽה׃
Lamentations 2.3 Psaumes 78.65-78.66 Psaumes 44.23 Esaïe 64.12
¹² וֵ֭אלֹהִים מַלְכִּ֣י מִקֶּ֑דֶם פֹּעֵ֥ל יְ֝שׁוּעֹ֗ות בְּקֶ֣רֶב הָאָֽרֶץ׃
Psaumes 44.4 Juges 4.23-4.24 Nombres 23.21-23.22 Esaïe 33.22 Esaïe 63.8
¹³ אַתָּ֤ה פֹורַ֣רְתָּ בְעָזְּךָ֣ יָ֑ם שִׁבַּ֖רְתָּ רָאשֵׁ֥י תַ֝נִּינִ֗ים עַל־הַמָּֽיִם׃
Exode 14.21 Psaumes 78.13 Ezéchiel 29.3 Psaumes 106.8-106.9 Exode 14.28
¹⁴ אַתָּ֣ה רִ֭צַּצְתָּ רָאשֵׁ֣י לִוְיָתָ֑ן תִּתְּנֶ֥נּוּ מַ֝אֲכָ֗ל לְעָ֣ם לְצִיִּֽים׃
Esaïe 27.1 Exode 14.30 Exode 12.35-12.36 Psaumes 72.9 Job 3.8
¹⁵ אַתָּ֣ה בָ֭קַעְתָּ מַעְיָ֣ן וָנָ֑חַל אַתָּ֥ה הֹ֝ובַ֗שְׁתָּ נַהֲרֹ֥ות אֵיתָֽן׃
Nombres 20.11 Esaïe 48.21 Exode 17.5-17.6 Psaumes 105.41 Josué 2.10
¹⁶ לְךָ֣ יֹ֭ום אַף־לְךָ֥ לָ֑יְלָה אַתָּ֥ה הֲ֝כִינֹ֗ותָ מָאֹ֥ור וָשָֽׁמֶשׁ׃
Psaumes 136.7-136.9 Genèse 1.14-1.18 Psaumes 104.19 Genèse 1.3-1.5 Psaumes 8.3
¹⁷ אַתָּ֣ה הִ֭צַּבְתָּ כָּל־גְּבוּלֹ֣ות אָ֑רֶץ קַ֥יִץ וָ֝חֹ֗רֶף אַתָּ֥ה יְצַרְתָּם׃
Deutéronome 32.8 Actes 17.26 Genèse 8.22 Psaumes 24.1-24.2 Actes 14.17
¹⁸ זְכָר־זֹ֗את אֹ֭ויֵב חֵרֵ֣ף׀ יְהוָ֑ה וְעַ֥ם נָ֝בָ֗ל נִֽאֲצ֥וּ שְׁמֶֽךָ׃
Psaumes 39.8 Apocalypse 16.19 Deutéronome 32.6 Psaumes 137.7 Psaumes 41.1
¹⁹ אַל־תִּתֵּ֣ן לְ֭חַיַּת נֶ֣פֶשׁ תֹּורֶ֑ךָ חַיַּ֥ת עֲ֝נִיֶּ֗יךָ אַל־תִּשְׁכַּ֥ח לָנֶֽצַח׃
Cantique 2.14 Psaumes 68.10 Cantique 6.9 Cantique 4.1 Jacques 2.5-2.6
²⁰ הַבֵּ֥ט לַבְּרִ֑ית כִּ֥י מָלְא֥וּ מַחֲשַׁכֵּי־אֶ֝֗רֶץ נְאֹ֣ות חָמָֽס׃
Psaumes 106.45 Genèse 17.7-17.8 Genèse 49.5-49.7 Psaumes 89.39 Ephésiens 4.17-4.18
²¹ אַל־יָשֹׁ֣ב דַּ֣ךְ נִכְלָ֑ם עָנִ֥י וְ֝אֶבְיֹ֗ון יְֽהַלְל֥וּ שְׁמֶֽךָ׃
Psaumes 109.22 Psaumes 35.10 Psaumes 102.19-102.21 Esdras 3.11 Psaumes 9.18
²² קוּמָ֣ה אֱ֭לֹהִים רִיבָ֣ה רִיבֶ֑ךָ זְכֹ֥ר חֶרְפָּתְךָ֥ מִנִּי־נָ֝בָ֗ל כָּל־הַיֹּֽום׃
Psaumes 74.18 Psaumes 75.4-75.5 Psaumes 79.9-79.10 Psaumes 89.50-89.51 Esaïe 52.5
²³ אַל־תִּ֭שְׁכַּח קֹ֣ול צֹרְרֶ֑יךָ שְׁאֹ֥ון קָ֝מֶ֗יךָ עֹלֶ֥ה תָמִֽיד׃
Esaïe 37.29 Psaumes 65.7 Psaumes 10.11-10.12 Psaumes 2.1-2.2 Apocalypse 17.14