Psaumes 74
Biblia Hebraica Stuttgartensia

Supplication après la destruction du temple

1 מַשְׂכִּ֗יל לְאָ֫סָ֥ף לָמָ֣ה אֱ֭לֹהִים זָנַ֣חְתָּ לָנֶ֑צַח יֶעְשַׁ֥ן אַ֝פְּךָ֗ בְּצֹ֣אן מַרְעִיתֶֽךָ׃
Psaumes 79.13 Psaumes 100.3 Deutéronome 29.20 Psaumes 95.7 Psaumes 44.9
2 זְכֹ֤ר עֲדָתְךָ֨׀ קָ֘נִ֤יתָ קֶּ֗דֶם גָּ֭אַלְתָּ שֵׁ֣בֶט נַחֲלָתֶ֑ךָ הַר־צִ֝יֹּ֗ון זֶ֤ה׀ שָׁכַ֬נְתָּ בֹּֽו׃
Exode 15.16 Jérémie 10.16 Deutéronome 32.9 Psaumes 48.1-48.2 Esaïe 63.9
3 הָרִ֣ימָה פְ֭עָמֶיךָ לְמַשֻּׁאֹ֣ות נֶ֑צַח כָּל־הֵרַ֖ע אֹויֵ֣ב בַּקֹּֽדֶשׁ׃
Psaumes 79.1 Esaïe 64.10-64.11 Esaïe 10.6 Psaumes 102.13-102.14 Michée 1.3
4 שָׁאֲג֣וּ צֹ֭רְרֶיךָ בְּקֶ֣רֶב מֹועֲדֶ֑ךָ שָׂ֖מוּ אֹותֹתָ֣ם אֹתֹֽות׃
Lamentations 2.7 Nombres 2.2 Matthieu 24.15 2 Chroniques 36.17 Apocalypse 13.6
5 יִ֭וָּדַע כְּמֵבִ֣יא לְמָ֑עְלָה בִּֽסֲבָךְ־עֵ֝֗ץ קַרְדֻּמֹּֽות׃
Jérémie 46.22-46.23 2 Chroniques 2.14 1 Rois 5.6
6 וְ֭עַתָּה פִּתּוּחֶ֣יהָ יָּ֑חַד בְּכַשִּׁ֥יל וְ֝כֵֽילַפֹּ֗ת יַהֲלֹמֽוּן׃
1 Rois 6.18 1 Rois 6.32 1 Rois 6.35 1 Rois 6.29
7 שִׁלְח֣וּ בָ֭אֵשׁ מִקְדָּשֶׁ֑ךָ לָ֝אָ֗רֶץ חִלְּל֥וּ מִֽשְׁכַּן־שְׁמֶֽךָ׃
Psaumes 89.39 2 Rois 25.9 Ezéchiel 24.21 Esaïe 64.11 Lamentations 2.2
8 אָמְר֣וּ בְ֭לִבָּם נִינָ֣ם יָ֑חַד שָׂרְפ֖וּ כָל־מֹועֲדֵי־אֵ֣ל בָּאָֽרֶץ׃
Psaumes 83.4 2 Chroniques 17.9 2 Rois 2.5 Esther 3.8-3.9 2 Rois 4.23
9 אֹֽותֹתֵ֗ינוּ לֹ֥א רָ֫אִ֥ינוּ אֵֽין־עֹ֥וד נָבִ֑יא וְלֹֽא־אִ֝תָּ֗נוּ יֹדֵ֥עַ עַד־מָֽה׃
1 Samuel 3.1 Amos 8.11 Hébreux 2.4 Exode 13.9-13.10 Ezéchiel 20.12
10 עַד־מָתַ֣י אֱ֭לֹהִים יְחָ֣רֶף צָ֑ר יְנָ֘אֵ֤ץ אֹויֵ֖ב שִׁמְךָ֣ לָנֶֽצַח׃
Psaumes 89.46 Apocalypse 6.10 Psaumes 79.4-79.5 Psaumes 79.12 Psaumes 44.16
11 לָ֤מָּה תָשִׁ֣יב יָ֭דְךָ וִֽימִינֶ֑ךָ מִקֶּ֖רֶב חֵֽיקְךָ֣ כַלֵּֽה׃
Lamentations 2.3 Psaumes 78.65-78.66 Psaumes 44.23 Esaïe 64.12
12 וֵ֭אלֹהִים מַלְכִּ֣י מִקֶּ֑דֶם פֹּעֵ֥ל יְ֝שׁוּעֹ֗ות בְּקֶ֣רֶב הָאָֽרֶץ׃
Psaumes 44.4 Esaïe 63.8 1 Samuel 19.5 Exode 15.2-15.15 Exode 19.5-19.6
13 אַתָּ֤ה פֹורַ֣רְתָּ בְעָזְּךָ֣ יָ֑ם שִׁבַּ֖רְתָּ רָאשֵׁ֥י תַ֝נִּינִ֗ים עַל־הַמָּֽיִם׃
Exode 14.21 Ezéchiel 29.3 Psaumes 78.13 Ezéchiel 32.2 Esaïe 11.15-11.16
14 אַתָּ֣ה רִ֭צַּצְתָּ רָאשֵׁ֣י לִוְיָתָ֑ן תִּתְּנֶ֥נּוּ מַ֝אֲכָ֗ל לְעָ֣ם לְצִיִּֽים׃
Esaïe 27.1 Nombres 14.9 Job 41.1-41.34 Psaumes 104.25-104.26 Exode 14.30
15 אַתָּ֣ה בָ֭קַעְתָּ מַעְיָ֣ן וָנָ֑חַל אַתָּ֥ה הֹ֝ובַ֗שְׁתָּ נַהֲרֹ֥ות אֵיתָֽן׃
Nombres 20.11 Psaumes 105.41 Esaïe 48.21 Exode 17.5-17.6 Josué 2.10
16 לְךָ֣ יֹ֭ום אַף־לְךָ֥ לָ֑יְלָה אַתָּ֥ה הֲ֝כִינֹ֗ותָ מָאֹ֥ור וָשָֽׁמֶשׁ׃
Psaumes 136.7-136.9 Genèse 1.14-1.18 Matthieu 5.45 Psaumes 19.1-19.6 Psaumes 104.19
17 אַתָּ֣ה הִ֭צַּבְתָּ כָּל־גְּבוּלֹ֣ות אָ֑רֶץ קַ֥יִץ וָ֝חֹ֗רֶף אַתָּ֥ה יְצַרְתָּם׃
Genèse 8.22 Deutéronome 32.8 Actes 17.26 Psaumes 24.1-24.2 Actes 14.17
18 זְכָר־זֹ֗את אֹ֭ויֵב חֵרֵ֣ף׀ יְהוָ֑ה וְעַ֥ם נָ֝בָ֗ל נִֽאֲצ֥וּ שְׁמֶֽךָ׃
Psaumes 39.8 Apocalypse 16.19 Deutéronome 32.6 Esaïe 62.6-62.7 Ezéchiel 20.14
19 אַל־תִּתֵּ֣ן לְ֭חַיַּת נֶ֣פֶשׁ תֹּורֶ֑ךָ חַיַּ֥ת עֲ֝נִיֶּ֗יךָ אַל־תִּשְׁכַּ֥ח לָנֶֽצַח׃
Cantique 2.14 Psaumes 68.10 Esaïe 60.8 Psaumes 9.18 Psaumes 72.2
20 הַבֵּ֥ט לַבְּרִ֑ית כִּ֥י מָלְא֥וּ מַחֲשַׁכֵּי־אֶ֝֗רֶץ נְאֹ֣ות חָמָֽס׃
Psaumes 106.45 Genèse 17.7-17.8 Psaumes 89.28 Exode 24.6-24.8 Hébreux 8.10
21 אַל־יָשֹׁ֣ב דַּ֣ךְ נִכְלָ֑ם עָנִ֥י וְ֝אֶבְיֹ֗ון יְֽהַלְל֥וּ שְׁמֶֽךָ׃
Psaumes 9.18 Psaumes 103.6 Jérémie 33.11 Psaumes 12.5 Esaïe 45.17
22 קוּמָ֣ה אֱ֭לֹהִים רִיבָ֣ה רִיבֶ֑ךָ זְכֹ֥ר חֶרְפָּתְךָ֥ מִנִּי־נָ֝בָ֗ל כָּל־הַיֹּֽום׃
Psaumes 74.18 Esaïe 52.5 Psaumes 9.19-9.20 Psaumes 53.1 Psaumes 75.4-75.5
23 אַל־תִּ֭שְׁכַּח קֹ֣ול צֹרְרֶ֑יךָ שְׁאֹ֥ון קָ֝מֶ֗יךָ עֹלֶ֥ה תָמִֽיד׃
Esaïe 37.29 Psaumes 65.7 Jonas 1.2 Psaumes 13.1 Lamentations 2.16