Psaumes 72.17
Biblia Hebraica Stuttgartensia

¹ לִשְׁלֹמֹ֨ה׀ אֱֽלֹהִ֗ים מִ֭שְׁפָּטֶיךָ לְמֶ֣לֶךְ תֵּ֑ן וְצִדְקָתְךָ֥ לְבֶן־מֶֽלֶךְ׃1 Chroniques 22.12-22.13 2 Chroniques 1.10 1 Chroniques 29.19 Hébreux 1.8-1.9 Jérémie 23.5-23.6
² יָדִ֣ין עַמְּךָ֣ בְצֶ֑דֶק וַעֲנִיֶּ֥יךָ בְמִשְׁפָּֽט׃Esaïe 32.1 Esaïe 9.7 Psaumes 12.5 Job 34.19 Psaumes 45.6-45.7
³ יִשְׂא֤וּ הָרִ֓ים שָׁ֘לֹ֥ום לָעָ֑ם וּ֝גְבָעֹ֗ות בִּצְדָקָֽה׃Esaïe 52.7 Psaumes 96.11-96.13 Psaumes 85.10-85.11 Ezéchiel 34.13-34.14 Esaïe 32.16-32.17
⁴ יִשְׁפֹּ֤ט׀ עֲֽנִיֵּי־עָ֗ם יֹ֭ושִׁיעַ לִבְנֵ֣י אֶבְיֹ֑ון וִֽידַכֵּ֣א עֹושֵֽׁק׃Esaïe 11.4 Apocalypse 18.24 Daniel 2.34-2.35 Zacharie 11.11 Zacharie 11.7
⁵ יִֽירָא֥וּךָ עִם־שָׁ֑מֶשׁ וְלִפְנֵ֥י יָ֝רֵ֗חַ דֹּ֣ור דֹּורִֽים׃Psaumes 89.36-89.37 Psaumes 72.17 Apocalypse 11.15 Daniel 2.44 1 Corinthiens 15.24-15.25
⁶ יֵ֭רֵד כְּמָטָ֣ר עַל־גֵּ֑ז כִּ֝רְבִיבִ֗ים זַרְזִ֥יף אָֽרֶץ׃Osée 6.3 Deutéronome 32.2 2 Samuel 23.4 Proverbes 16.15 Esaïe 14.3-14.5
⁷ יִֽפְרַח־בְּיָמָ֥יו צַדִּ֑יק וְרֹ֥ב שָׁ֝לֹ֗ום עַד־בְּלִ֥י יָרֵֽחַ׃Esaïe 2.4 Psaumes 92.12 Ephésiens 2.14-2.17 Esaïe 60.1 Esaïe 32.3-32.8
⁸ וְ֭יֵרְדְּ מִיָּ֣ם עַד־יָ֑ם וּ֝מִנָּהָ֗ר עַד־אַפְסֵי־אָֽרֶץ׃Zacharie 9.10 Exode 23.31 Psaumes 80.11 Psaumes 2.8 Psaumes 89.25
⁹ לְ֭פָנָיו יִכְרְע֣וּ צִיִּ֑ים וְ֝אֹיְבָ֗יו עָפָ֥ר יְלַחֵֽכוּ׃Esaïe 49.23 Michée 7.17 Luc 19.27 Esaïe 35.1-35.2 Psaumes 22.29
¹⁰ מַלְכֵ֬י תַרְשִׁ֣ישׁ וְ֭אִיִּים מִנְחָ֣ה יָשִׁ֑יבוּ מַלְכֵ֥י שְׁבָ֥א וּ֝סְבָ֗א אֶשְׁכָּ֥ר יַקְרִֽיבוּ׃1 Rois 10.1 Esaïe 60.6 Psaumes 68.29 Esaïe 49.7 2 Chroniques 9.21
¹¹ וְיִשְׁתַּחֲווּ־לֹ֥ו כָל־מְלָכִ֑ים כָּל־גֹּויִ֥ם יַֽעַבְדֽוּהוּ׃Esaïe 49.22-49.23 Psaumes 86.9 Psaumes 138.4-138.5 Esaïe 49.7 Apocalypse 11.15
¹² כִּֽי־יַ֭צִּיל אֶבְיֹ֣ון מְשַׁוֵּ֑עַ וְ֝עָנִ֗י וְֽאֵין־עֹזֵ֥ר לֹֽו׃Job 29.12 Psaumes 72.4 Psaumes 10.17 Apocalypse 3.17-3.18 Esaïe 41.17
¹³ יָ֭חֹס עַל־דַּ֣ל וְאֶבְיֹ֑ון וְנַפְשֹׁ֖ות אֶבְיֹונִ֣ים יֹושִֽׁיעַ׃Job 5.15-5.16 Psaumes 109.31 Jacques 2.5-2.6 Matthieu 5.3 Ezéchiel 34.16
¹⁴ מִתֹּ֣וךְ וּ֭מֵחָמָס יִגְאַ֣ל נַפְשָׁ֑ם וְיֵיקַ֖ר דָּמָ֣ם בְּעֵינָֽיו׃Psaumes 116.15 Tite 2.14 Psaumes 69.18 Apocalypse 19.2 Apocalypse 6.9-6.11
¹⁵ וִיחִ֗י וְיִתֶּן־לֹו֮ מִזְּהַ֪ב שְׁ֫בָ֥א וְיִתְפַּלֵּ֣ל בַּעֲדֹ֣ו תָמִ֑יד כָּל־הַ֝יֹּ֗ום יְבָרֲכֶֽנְהֽוּ׃Jude 1.25 1 Rois 10.14 Apocalypse 5.8-5.14 2 Timothée 4.22 Philippiens 2.11
¹⁶ יְהִ֤י פִסַּת־בַּ֨ר׀ בָּאָרֶץ֮ בְּרֹ֪אשׁ הָ֫רִ֥ים יִרְעַ֣שׁ כַּלְּבָנֹ֣ון פִּרְיֹ֑ו וְיָצִ֥יצוּ מֵ֝עִ֗יר כְּעֵ֣שֶׂב הָאָֽרֶץ׃Esaïe 29.17 Esaïe 30.23 Job 5.25 Marc 16.15-16.16 Psaumes 104.16
¹⁷ יְהִ֤י שְׁמֹ֨ו לְֽעֹולָ֗ם לִפְנֵי־שֶׁמֶשׁ֮ יִנֹּ֪ון שְׁ֫מֹ֥ו וְיִתְבָּ֥רְכוּ בֹ֑ו כָּל־גֹּויִ֥ם יְאַשְּׁרֽוּהוּ׃Genèse 12.3 Psaumes 89.36 Luc 1.48 Genèse 22.18 Esaïe 7.14
¹⁸ בָּר֤וּךְ׀ יְהוָ֣ה אֱ֭לֹהִים אֱלֹהֵ֣י יִשְׂרָאֵ֑ל עֹשֵׂ֖ה נִפְלָאֹ֣ות לְבַדֹּֽו׃Psaumes 41.13 Psaumes 86.10 Exode 15.11 Psaumes 106.48 Psaumes 77.14
¹⁹ וּבָר֤וּךְ׀ שֵׁ֥ם כְּבֹודֹ֗ו לְעֹ֫ולָ֥ם וְיִמָּלֵ֣א כְ֭בֹודֹו אֶת־כֹּ֥ל הָאָ֗רֶץ אָ֘מֵ֥ן׀ וְאָמֵֽן׃Nombres 14.21 Néhémie 9.5 Psaumes 41.13 Habakuk 2.14 Esaïe 11.9
²⁰ כָּלּ֥וּ תְפִלֹּ֑ות דָּ֝וִ֗ד בֶּן־יִשָֽׁי׃2 Samuel 23.1 Jérémie 51.64 Luc 24.51 Job 31.40