Psaumes 65
Biblia Hebraica Stuttgartensia

¹ לַמְנַצֵּ֥חַ מִזְמֹ֗ור לְדָוִ֥ד שִֽׁיר׃ Psaumes 62.1 Psaumes 76.11 Psaumes 116.17-116.18 1 Chroniques 16.41-16.42 1 Chroniques 25.1-25.31
² (65.1) לְךָ֤ דֻֽמִיָּ֬ה תְהִלָּ֓ה אֱלֹ֘הִ֥ים בְּצִיֹּ֑ון וּ֝לְךָ֗ יְשֻׁלַּם־נֶֽדֶר׃ Esaïe 66.23 Psaumes 86.9 Jérémie 29.12-29.13 Psaumes 66.4 Daniel 9.17-9.19
³ (65.2) שֹׁמֵ֥עַ תְּפִלָּ֑ה עָ֝דֶ֗יךָ כָּל־בָּשָׂ֥ר יָבֹֽאוּ׃ Psaumes 38.4 Psaumes 79.9 Esaïe 6.7 Hébreux 9.14 Psaumes 40.12
⁴ (65.3) דִּבְרֵ֣י עֲ֭וֹנֹת גָּ֣בְרוּ מֶ֑נִּי פְּ֝שָׁעֵ֗ינוּ אַתָּ֥ה תְכַפְּרֵֽם׃ Psaumes 36.8 Psaumes 33.12 Psaumes 84.4 Psaumes 63.5 Psaumes 4.3
⁵ (65.4) אַשְׁרֵ֤י׀ תִּֽבְחַ֣ר וּתְקָרֵב֮ יִשְׁכֹּ֪ן חֲצֵ֫רֶ֥יךָ נִ֭שְׂבְּעָה בְּט֣וּב בֵּיתֶ֑ךָ קְ֝דֹ֗שׁ הֵיכָלֶֽךָ׃ Psaumes 45.4 Psaumes 22.27 Deutéronome 10.21 Psaumes 66.3 Romains 2.5
⁶ (65.5) נֹ֤ורָאֹ֨ות׀ בְּצֶ֣דֶק תַּ֭עֲנֵנוּ אֱלֹהֵ֣י יִשְׁעֵ֑נוּ מִבְטָ֥ח כָּל־קַצְוֵי־אֶ֝֗רֶץ וְיָ֣ם רְחֹקִֽים׃ Psaumes 93.1 1 Samuel 2.4 Psaumes 119.90 Esaïe 51.9 Habakuk 3.6
⁷ (65.6) מֵכִ֣ין הָרִ֣ים בְּכֹחֹ֑ו נֶ֝אְזָ֗ר בִּגְבוּרָֽה׃ Esaïe 17.12-17.13 Psaumes 89.9 Psaumes 93.3-93.4 Psaumes 107.29 Jean 18.6
⁸ (65.7) מַשְׁבִּ֤יחַ׀ שְׁאֹ֣ון יַ֭מִּים שְׁאֹ֥ון גַּלֵּיהֶ֗ם וַהֲמֹ֥ון לְאֻמִּֽים׃ Psaumes 2.8 Psaumes 104.20-104.23 Apocalypse 11.13 Josué 2.9-2.11 Job 38.12
⁹ (65.8) וַיִּ֤ירְא֨וּ׀ יֹשְׁבֵ֣י קְ֭צָוֹת מֵאֹותֹתֶ֑יךָ מֹ֤וצָֽאֵי־בֹ֖קֶר וָעֶ֣רֶב תַּרְנִֽין׃ Psaumes 46.4 Psaumes 68.9-68.10 Psaumes 104.13-104.15 Jérémie 5.24 Psaumes 63.1
¹⁰ (65.9) פָּקַ֥דְתָּ הָאָ֨רֶץ׀ וַתְּשֹׁ֪קְקֶ֡הָ רַבַּ֬ת תַּעְשְׁרֶ֗נָּה פֶּ֣לֶג אֱ֭לֹהִים מָ֣לֵא מָ֑יִם תָּכִ֥ין דְּ֝גָנָ֗ם כִּי־כֵ֥ן תְּכִינֶֽהָ׃ Psaumes 147.8 1 Corinthiens 3.6-3.7 Deutéronome 32.2
¹¹ (65.10) תְּלָמֶ֣יהָ רַ֭וֵּה נַחֵ֣ת גְּדוּדֶ֑יהָ בִּרְבִיבִ֥ים תְּ֝מֹגְגֶ֗נָּה צִמְחָ֥הּ תְּבָרֵֽךְ׃ Joël 2.21-2.26 Psaumes 104.3 Aggée 2.19 Psaumes 103.4 Malachie 3.10
¹² (65.11) עִ֭טַּרְתָּ שְׁנַ֣ת טֹובָתֶ֑ךָ וּ֝מַעְגָּלֶ֗יךָ יִרְעֲפ֥וּן דָּֽשֶׁן׃ Job 38.26-38.27 Psaumes 104.10-104.13 Joël 2.22 Esaïe 55.9-55.13 Psaumes 65.6
¹³ (65.12) יִ֭רְעֲפוּ נְאֹ֣ות מִדְבָּ֑ר וְ֝גִ֗יל גְּבָעֹ֥ות תַּחְגֹּֽרְנָה׃ Esaïe 55.12 Esaïe 44.23 Esaïe 35.1-35.2 Jérémie 48.33 Esaïe 52.9
¹⁴ (65.13) לָבְשׁ֬וּ כָרִ֨ים׀ הַצֹּ֗אן וַעֲמָקִ֥ים יַֽעַטְפוּ־בָ֑ר יִ֝תְרֹועֲע֗וּ אַף־יָשִֽׁירוּ׃