Psaumes 65.12
Biblia Hebraica Stuttgartensia

Louange à Dieu pour ses bienfaits

¹ לַמְנַצֵּ֥חַ מִזְמֹ֗ור לְדָוִ֥ד שִֽׁיר׃
Psaumes 76.11 Psaumes 62.1 Psaumes 116.17-116.18 Psaumes 76.2 Psaumes 21.13
² (65.1) לְךָ֤ דֻֽמִיָּ֬ה תְהִלָּ֓ה אֱלֹ֘הִ֥ים בְּצִיֹּ֑ון וּ֝לְךָ֗ יְשֻׁלַּם־נֶֽדֶר׃
Esaïe 66.23 Psaumes 86.9 1 Rois 18.37 1 Rois 18.29 Esaïe 65.24
³ (65.2) שֹׁמֵ֥עַ תְּפִלָּ֑ה עָ֝דֶ֗יךָ כָּל־בָּשָׂ֥ר יָבֹֽאוּ׃
Psaumes 38.4 Psaumes 79.9 Esaïe 6.7 Hébreux 9.14 Psaumes 40.12
⁴ (65.3) דִּבְרֵ֣י עֲ֭וֹנֹת גָּ֣בְרוּ מֶ֑נִּי פְּ֝שָׁעֵ֗ינוּ אַתָּ֥ה תְכַפְּרֵֽם׃
Psaumes 36.8 Psaumes 33.12 Psaumes 84.4 Psaumes 63.5 Psaumes 4.3
⁵ (65.4) אַשְׁרֵ֤י׀ תִּֽבְחַ֣ר וּתְקָרֵב֮ יִשְׁכֹּ֪ן חֲצֵ֫רֶ֥יךָ נִ֭שְׂבְּעָה בְּט֣וּב בֵּיתֶ֑ךָ קְ֝דֹ֗שׁ הֵיכָלֶֽךָ׃
Psaumes 45.4 Psaumes 22.27 Psaumes 66.3 Deutéronome 10.21 Esaïe 60.5
⁶ (65.5) נֹ֤ורָאֹ֨ות׀ בְּצֶ֣דֶק תַּ֭עֲנֵנוּ אֱלֹהֵ֣י יִשְׁעֵ֑נוּ מִבְטָ֥ח כָּל־קַצְוֵי־אֶ֝֗רֶץ וְיָ֣ם רְחֹקִֽים׃
Psaumes 93.1 Esaïe 51.9 Habakuk 3.6 Psaumes 24.2 Michée 6.2
⁷ (65.6) מֵכִ֣ין הָרִ֣ים בְּכֹחֹ֑ו נֶ֝אְזָ֗ר בִּגְבוּרָֽה׃
Esaïe 17.12-17.13 Psaumes 89.9 Psaumes 107.29 Psaumes 93.3-93.4 Jean 18.6
⁸ (65.7) מַשְׁבִּ֤יחַ׀ שְׁאֹ֣ון יַ֭מִּים שְׁאֹ֥ון גַּלֵּיהֶ֗ם וַהֲמֹ֥ון לְאֻמִּֽים׃
Psaumes 2.8 Psaumes 48.5-48.6 Habakuk 3.3-3.19 Genèse 8.22 Psaumes 126.2
⁹ (65.8) וַיִּ֤ירְא֨וּ׀ יֹשְׁבֵ֣י קְ֭צָוֹת מֵאֹותֹתֶ֑יךָ מֹ֤וצָֽאֵי־בֹ֖קֶר וָעֶ֣רֶב תַּרְנִֽין׃
Psaumes 46.4 Psaumes 68.9-68.10 Psaumes 104.13-104.15 Jérémie 5.24 Psaumes 147.8-147.9
¹⁰ (65.9) פָּקַ֥דְתָּ הָאָ֨רֶץ׀ וַתְּשֹׁ֪קְקֶ֡הָ רַבַּ֬ת תַּעְשְׁרֶ֗נָּה פֶּ֣לֶג אֱ֭לֹהִים מָ֣לֵא מָ֑יִם תָּכִ֥ין דְּ֝גָנָ֗ם כִּי־כֵ֥ן תְּכִינֶֽהָ׃
Psaumes 147.8 1 Corinthiens 3.6-3.7 Deutéronome 32.2
¹¹ (65.10) תְּלָמֶ֣יהָ רַ֭וֵּה נַחֵ֣ת גְּדוּדֶ֑יהָ בִּרְבִיבִ֥ים תְּ֝מֹגְגֶ֗נָּה צִמְחָ֥הּ תְּבָרֵֽךְ׃
Joël 2.21-2.26 Proverbes 14.18 Psaumes 5.12 Job 36.28 Psaumes 104.3
¹² (65.11) עִ֭טַּרְתָּ שְׁנַ֣ת טֹובָתֶ֑ךָ וּ֝מַעְגָּלֶ֗יךָ יִרְעֲפ֥וּן דָּֽשֶׁן׃
Job 38.26-38.27 Esaïe 55.9-55.13 Psaumes 65.6 Esaïe 61.10-61.11 Psaumes 104.10-104.13
¹³ (65.12) יִ֭רְעֲפוּ נְאֹ֣ות מִדְבָּ֑ר וְ֝גִ֗יל גְּבָעֹ֥ות תַּחְגֹּֽרְנָה׃
Esaïe 55.12 Esaïe 35.1-35.2 Esaïe 44.23 Psaumes 98.7-98.9 Psaumes 144.13
¹⁴ (65.13) לָבְשׁ֬וּ כָרִ֨ים׀ הַצֹּ֗אן וַעֲמָקִ֥ים יַֽעַטְפוּ־בָ֑ר יִ֝תְרֹועֲע֗וּ אַף־יָשִֽׁירוּ׃