Psaumes 45.13
Biblia Hebraica Stuttgartensia

Les noces du roi

¹ לַמְנַצֵּ֣חַ עַל־שֹׁ֭שַׁנִּים לִבְנֵי־קֹ֑רַח מַ֝שְׂכִּ֗יל שִׁ֣יר יְדִידֹֽת׃
2 Samuel 23.2 Esdras 7.6 Psaumes 49.3 Job 33.3 Cantique 1.12
² (45.1) רָ֘חַ֤שׁ לִבִּ֨י׀ דָּ֘בָ֤ר טֹ֗וב אֹמֵ֣ר אָ֭נִי מַעֲשַׂ֣י לְמֶ֑לֶךְ לְ֝שֹׁונִ֗י עֵ֤ט׀ סֹופֵ֬ר מָהִֽיר׃
Luc 4.22 Psaumes 21.6 Zacharie 9.17 Hébreux 7.26 Jean 1.14
³ (45.2) יָפְיָפִ֡יתָ מִבְּנֵ֬י אָדָ֗ם ה֣וּצַק חֵ֭ן בְּשְׂפְתֹותֶ֑יךָ עַל־כֵּ֤ן בֵּֽרַכְךָ֖ אֱלֹהִ֣ים לְעֹולָֽם׃
Hébreux 4.12 Apocalypse 1.16 Psaumes 96.6 Apocalypse 19.15 Esaïe 49.2
⁴ (45.3) חֲגֹֽור־חַרְבְּךָ֣ עַל־יָרֵ֣ךְ גִּבֹּ֑ור הֹ֝ודְךָ֗ וַהֲדָרֶֽךָ׃
Psaumes 65.5 Apocalypse 6.2 Psaumes 110.2-110.3 Esaïe 63.1-63.6 Matthieu 11.29
⁵ (45.4) וַהֲדָ֬רְךָ֨׀ צְלַ֬ח רְכַ֗ב עַֽל־דְּבַר־אֱ֭מֶת וְעַנְוָה־צֶ֑דֶק וְתֹורְךָ֖ נֹורָאֹ֣ות יְמִינֶֽךָ׃
Psaumes 21.12 Psaumes 38.2 Nombres 24.8 Psaumes 22.27 Actes 4.4
⁶ (45.5) חִצֶּ֗יךָ שְׁנ֫וּנִ֥ים עַ֭מִּים תַּחְתֶּ֣יךָ יִפְּל֑וּ בְּ֝לֵ֗ב אֹויְבֵ֥י הַמֶּֽלֶךְ׃
Psaumes 93.2 Esaïe 9.6-9.7 Hébreux 1.8-1.9 Daniel 2.44 Jérémie 23.5-23.6
⁷ (45.6) כִּסְאֲךָ֣ אֱ֭לֹהִים עֹולָ֣ם וָעֶ֑ד שֵׁ֥בֶט מִ֝ישֹׁ֗ר שֵׁ֣בֶט מַלְכוּתֶֽךָ׃
Hébreux 1.9 Psaumes 33.5 Psaumes 21.6 Colossiens 1.18-1.19 Esaïe 61.1-61.3
⁸ (45.7) אָהַ֣בְתָּ צֶּדֶק֮ וַתִּשְׂנָ֫א רֶ֥שַׁע עַל־כֵּ֤ן׀ מְשָׁחֲךָ֡ אֱלֹהִ֣ים אֱ֭לֹהֶיךָ שֶׁ֥מֶן שָׂשֹׂ֗ון מֵֽחֲבֵרֶֽיךָ׃
Cantique 1.3 Jean 19.39 Cantique 4.6 2 Corinthiens 2.14-2.16 Matthieu 2.11
⁹ (45.8) מֹר־וַאֲהָלֹ֣ות קְ֭צִיעֹות כָּל־בִּגְדֹתֶ֑יךָ מִֽן־הֵ֥יכְלֵי שֵׁ֝֗ן מִנִּ֥י שִׂמְּחֽוּךָ׃
1 Rois 2.19 Cantique 7.1 Job 22.24 Esaïe 49.23 Jean 3.29
¹⁰ (45.9) בְּנֹ֣ות מְ֭לָכִים בְּיִקְּרֹותֶ֑יךָ נִצְּבָ֥ה שֵׁגַ֥ל לִֽ֝ימִינְךָ֗ בְּכֶ֣תֶם אֹופִֽיר׃
Cantique 2.10-2.13 Genèse 12.1 Esaïe 55.1-55.3 2 Corinthiens 6.17-7.1 2 Corinthiens 5.16
¹¹ (45.10) שִׁמְעִי־בַ֣ת וּ֭רְאִי וְהַטִּ֣י אָזְנֵ֑ךְ וְשִׁכְחִ֥י עַ֝מֵּ֗ךְ וּבֵ֥ית אָבִֽיךְ׃
Esaïe 54.5 Psaumes 95.6 Luc 24.52 Cantique 4.9-4.10 Jean 4.21-4.22
¹² (45.11) וְיִתְאָ֣ו הַמֶּ֣לֶךְ יָפְיֵ֑ךְ כִּי־ה֥וּא אֲ֝דֹנַ֗יִךְ וְהִשְׁתַּֽחֲוִי־לֹֽו׃
Psaumes 22.29 Esaïe 49.23 Psaumes 72.10 Esaïe 23.17-23.18 Psaumes 68.29
¹³ (45.12) וּבַֽת־צֹ֨ר׀ בְּ֭מִנְחָה פָּנַ֥יִךְ יְחַלּ֗וּ עֲשִׁ֣ירֵי עָֽם׃
Esaïe 61.10 Apocalypse 19.7-19.8 1 Pierre 3.3-3.4 1 Samuel 16.7 Apocalypse 3.18
¹⁴ (45.13) כָּל־כְּבוּדָּ֣ה בַת־מֶ֣לֶךְ פְּנִ֑ימָה מִֽמִּשְׁבְּצֹ֖ות זָהָ֣ב לְבוּשָֽׁהּ׃
Juges 5.30 Cantique 6.1 Jean 17.24 Cantique 2.7 Cantique 1.3-1.5
¹⁵ (45.14) לִרְקָמֹות֮ תּוּבַ֪ל לַ֫מֶּ֥לֶךְ בְּתוּלֹ֣ות אַ֭חֲרֶיהָ רֵעֹותֶ֑יהָ מ֖וּבָאֹ֣ות לָֽךְ׃
Apocalypse 3.21 Esaïe 55.12-55.13 Esaïe 61.10 Esaïe 56.5 Apocalypse 7.15-7.17
¹⁶ (45.15) תּ֖וּבַלְנָה בִּשְׂמָחֹ֣ת וָגִ֑יל תְּ֝בֹאֶ֗ינָה בְּהֵ֣יכַל מֶֽלֶךְ׃
Apocalypse 5.10 Apocalypse 1.6 1 Pierre 2.9 Apocalypse 20.6 Philippiens 3.7-3.8
¹⁷ (45.16) תַּ֣חַת אֲ֭בֹתֶיךָ יִהְי֣וּ בָנֶ֑יךָ תְּשִׁיתֵ֥מֹו לְ֝שָׂרִ֗ים בְּכָל־הָאָֽרֶץ׃
Malachie 1.11 1 Corinthiens 11.26 Esaïe 62.3 Psaumes 72.17-72.19 Esaïe 61.9
¹⁸ (45.17) אַזְכִּ֣ירָה שִׁ֭מְךָ בְּכָל־דֹּ֣ר וָדֹ֑ר עַל־כֵּ֥ן עַמִּ֥ים יְ֝הֹודֻ֗ךָ לְעֹלָ֥ם וָעֶֽד׃