Psaumes 38.1
Biblia Hebraica Stuttgartensia

Demande de grâce

¹ מִזְמֹ֖ור לְדָוִ֣ד לְהַזְכִּֽיר׃
Psaumes 6.1 Hébreux 12.5-12.11 Esaïe 54.8 Psaumes 70.1 Jérémie 30.11
² (38.1) יְֽהוָ֗ה אַל־בְּקֶצְפְּךָ֥ תֹוכִיחֵ֑נִי וּֽבַחֲמָתְךָ֥ תְיַסְּרֵֽנִי׃
Psaumes 32.4 Job 6.4 1 Samuel 5.6 Lamentations 3.12 Psaumes 64.7
³ (38.2) כִּֽי־חִ֭צֶּיךָ נִ֣חֲתוּ בִ֑י וַתִּנְחַ֖ת עָלַ֣י יָדֶֽךָ׃
Psaumes 51.8 Psaumes 6.2 Psaumes 90.7-90.8 Job 2.7-2.8 Psaumes 102.3
⁴ (38.3) אֵין־מְתֹ֣ם בִּ֭בְשָׂרִי מִפְּנֵ֣י זַעְמֶ֑ךָ אֵין־שָׁלֹ֥ום בַּ֝עֲצָמַ֗י מִפְּנֵ֥י חַטָּאתִֽי׃
Esdras 9.6 Psaumes 40.12 Lamentations 1.14 1 Pierre 2.24 Lévitique 7.18
⁵ (38.4) כִּ֣י עֲ֭וֹנֹתַי עָבְר֣וּ רֹאשִׁ֑י כְּמַשָּׂ֥א כָ֝בֵ֗ד יִכְבְּד֥וּ מִמֶּֽנִּי׃
Esaïe 1.5-1.6 Jérémie 8.22 Psaumes 32.3 Psaumes 69.5 Psaumes 38.7
⁶ (38.5) הִבְאִ֣ישׁוּ נָ֭מַקּוּ חַבּוּרֹתָ֑י מִ֝פְּנֵ֗י אִוַּלְתִּֽי׃
Job 30.28 Psaumes 35.14 Psaumes 42.9 Psaumes 43.2 Psaumes 42.5
⁷ (38.6) נַעֲוֵ֣יתִי שַׁחֹ֣תִי עַד־מְאֹ֑ד כָּל־הַ֝יֹּ֗ום קֹדֵ֥ר הִלָּֽכְתִּי׃
Job 30.18 Job 7.5 Psaumes 102.3 Actes 12.23 Psaumes 41.8
⁸ (38.7) כִּֽי־כְ֭סָלַי מָלְא֣וּ נִקְלֶ֑ה וְאֵ֥ין מְ֝תֹ֗ם בִּבְשָׂרִֽי׃
Job 3.24 Psaumes 32.3 Job 30.28 Psaumes 22.1-22.2 Esaïe 59.11
⁹ (38.8) נְפוּגֹ֣ותִי וְנִדְכֵּ֣יתִי עַד־מְאֹ֑ד שָׁ֝אַ֗גְתִּי מִֽנַּהֲמַ֥ת לִבִּֽי׃
Psaumes 102.5 Psaumes 6.6 2 Corinthiens 5.2 Jean 1.48 Romains 8.26-8.27
¹⁰ (38.9) אֲֽדֹנָי נֶגְדְּךָ֥ כָל־תַּאֲוָתִ֑י וְ֝אַנְחָתִ֗י מִמְּךָ֥ לֹא־נִסְתָּֽרָה׃
Psaumes 6.7 Psaumes 69.3 Psaumes 88.9 1 Samuel 14.27-14.29 Lamentations 5.16-5.17
¹¹ (38.10) לִבִּ֣י סְ֭חַרְחַר עֲזָבַ֣נִי כֹחִ֑י וְֽאֹור־עֵינַ֥י גַּם־הֵ֝֗ם אֵ֣ין אִתִּֽי׃
Psaumes 31.11 Luc 23.49 Luc 10.31-10.32 Job 19.13-19.17 Jean 16.32
¹² (38.11) אֹֽהֲבַ֨י׀ וְרֵעַ֗י מִנֶּ֣גֶד נִגְעִ֣י יַעֲמֹ֑דוּ וּ֝קְרֹובַ֗י מֵרָחֹ֥ק עָמָֽדוּ׃
Psaumes 35.20 Psaumes 140.5 Psaumes 35.4 Psaumes 64.2-64.5 2 Samuel 17.1-17.3
¹³ (38.12) וַיְנַקְשׁ֤וּ׀ מְבַקְשֵׁ֬י נַפְשִׁ֗י וְדֹרְשֵׁ֣י רָ֭עָתִי דִּבְּר֣וּ הַוֹּ֑ות וּ֝מִרְמֹ֗ות כָּל־הַיֹּ֥ום יֶהְגּֽוּ׃
Psaumes 39.2 Psaumes 39.9 Esaïe 53.7 1 Pierre 2.23 2 Samuel 16.10-16.12
¹⁴ (38.13) וַאֲנִ֣י כְ֭חֵרֵשׁ לֹ֣א אֶשְׁמָ֑ע וּ֝כְאִלֵּ֗ם לֹ֣א יִפְתַּח־פִּֽיו׃
Michée 7.5 Jean 8.6 Amos 5.13 Marc 15.3-15.5
¹⁵ (38.14) וָאֱהִ֗י כְּ֭אִישׁ אֲשֶׁ֣ר לֹא־שֹׁמֵ֑עַ וְאֵ֥ין בְּ֝פִ֗יו תֹּוכָחֹֽות׃
Psaumes 39.7 Psaumes 17.6 Psaumes 138.3 Psaumes 123.1-123.3
¹⁶ (38.15) כִּֽי־לְךָ֣ יְהוָ֣ה הֹוחָ֑לְתִּי אַתָּ֥ה תַ֝עֲנֶ֗ה אֲדֹנָ֥י אֱלֹהָֽי׃
Psaumes 94.18 Psaumes 35.24-35.26 Deutéronome 32.35 Psaumes 13.3-13.4
¹⁷ (38.16) כִּֽי־אָ֭מַרְתִּי פֶּן־יִשְׂמְחוּ־לִ֑י בְּמֹ֥וט רַ֝גְלִ֗י עָלַ֥י הִגְדִּֽילוּ׃
Psaumes 35.15 Psaumes 38.6 Michée 4.6-4.7 Psaumes 6.6 Psaumes 77.2-77.3
¹⁸ (38.17) כִּֽי־אֲ֭נִי לְצֶ֣לַע נָכֹ֑ון וּמַכְאֹובִ֖י נֶגְדִּ֣י תָמִֽיד׃
Psaumes 32.5 Proverbes 28.13 Job 33.27 Job 31.33 Psaumes 51.3
¹⁹ (38.18) כִּֽי־עֲוֹנִ֥י אַגִּ֑יד אֶ֝דְאַ֗ג מֵֽחַטָּאתִֽי׃
Psaumes 35.19 Matthieu 10.22 Psaumes 56.1-56.2 Jean 15.18-15.25 Psaumes 25.19
²⁰ (38.19) וְֽ֭אֹיְבַי חַיִּ֣ים עָצֵ֑מוּ וְרַבּ֖וּ שֹׂנְאַ֣י שָֽׁקֶר׃
Psaumes 35.12 1 Jean 3.12 1 Samuel 25.16 1 Samuel 23.5 Psaumes 109.3-109.5
²¹ (38.20) וּמְשַׁלְּמֵ֣י רָ֭עָה תַּ֣חַת טֹובָ֑ה יִ֝שְׂטְנ֗וּנִי תַּ֣חַת רָֽדְפִי־טֹֽוב׃
Psaumes 22.19 Psaumes 35.21-35.22 Psaumes 22.11 Psaumes 22.24 Psaumes 22.1
²² (38.21) אַל־תַּֽעַזְבֵ֥נִי יְהוָ֑ה אֱ֝לֹהַ֗י אַל־תִּרְחַ֥ק מִמֶּֽנִּי׃
Psaumes 40.13 Psaumes 27.1 Psaumes 40.17 Psaumes 70.5 Psaumes 70.1
²³ (38.22) ח֥וּשָׁה לְעֶזְרָתִ֑י אֲ֝דֹנָ֗י תְּשׁוּעָתִֽי׃