Psaumes 109
Biblia Hebraica Stuttgartensia

¹ לַ֭מְנַצֵּחַ לְדָוִ֣ד מִזְמֹ֑ור אֱלֹהֵ֥י תְ֝הִלָּתִ֗י אַֽל־תֶּחֱרַֽשׁ׃ Psaumes 83.1 Deutéronome 10.21 Psaumes 28.1 Jérémie 17.14 Psaumes 118.28
² כִּ֤י פִ֪י רָשָׁ֡ע וּֽפִי־מִ֭רְמָה עָלַ֣י פָּתָ֑חוּ דִּבְּר֥וּ אִ֝תִּ֗י לְשֹׁ֣ון שָֽׁקֶר׃ Psaumes 52.4 Actes 6.13 Psaumes 120.2-120.3 Psaumes 140.3 Proverbes 15.28
³ וְדִבְרֵ֣י שִׂנְאָ֣ה סְבָב֑וּנִי וַיִּֽלָּחֲמ֥וּנִי חִנָּֽם׃ Psaumes 69.4 Psaumes 35.7 Osée 11.12 Psaumes 17.11 Psaumes 59.3-59.4
⁴ תַּֽחַת־אַהֲבָתִ֥י יִשְׂטְנ֗וּנִי וַאֲנִ֥י תְפִלָּֽה׃ Psaumes 38.20 Luc 23.34 2 Samuel 15.31-15.32 2 Corinthiens 12.15 Psaumes 35.7
⁵ וַיָּ֘שִׂ֤ימוּ עָלַ֣י רָ֭עָה תַּ֣חַת טֹובָ֑ה וְ֝שִׂנְאָ֗ה תַּ֣חַת אַהֲבָתִֽי׃ Psaumes 38.20 Proverbes 17.13 Psaumes 35.7-35.12 Genèse 44.4 2 Samuel 15.31
⁶ הַפְקֵ֣ד עָלָ֣יו רָשָׁ֑ע וְ֝שָׂטָ֗ן יַעֲמֹ֥ד עַל־יְמִינֹֽו׃ Zacharie 3.1 Matthieu 5.25 Jean 13.2 Matthieu 27.4 Jean 13.27
⁷ בְּ֭הִשָּׁ֣פְטֹו יֵצֵ֣א רָשָׁ֑ע וּ֝תְפִלָּתֹ֗ו תִּהְיֶ֥ה לַֽחֲטָאָֽה׃ Proverbes 28.9 Proverbes 21.27 Proverbes 15.8 Galates 3.10 Romains 3.19
⁸ יִֽהְיֽוּ־יָמָ֥יו מְעַטִּ֑ים פְּ֝קֻדָּתֹ֗ו יִקַּ֥ח אַחֵֽר׃ Psaumes 55.23 Actes 1.16-1.26 Matthieu 27.5
⁹ יִֽהְיוּ־בָנָ֥יו יְתֹומִ֑ים וְ֝אִשְׁתֹּו אַלְמָנָֽה׃ Exode 22.24 Jérémie 18.21 Lamentations 5.3
¹⁰ וְנֹ֤ועַ יָנ֣וּעוּ בָנָ֣יו וְשִׁאֵ֑לוּ וְ֝דָרְשׁ֗וּ מֵחָרְבֹותֵיהֶֽם׃ Psaumes 37.25 2 Rois 5.27 2 Samuel 3.29 Job 30.3-30.9 Job 24.8-24.12
¹¹ יְנַקֵּ֣שׁ נֹ֭ושֶׁה לְכָל־אֲשֶׁר־לֹ֑ו וְיָבֹ֖זּוּ זָרִ֣ים יְגִיעֹֽו׃ Job 5.5 Job 18.9-18.19 Juges 6.3-6.6 Job 20.18 Deutéronome 28.33-28.34
¹² אַל־יְהִי־לֹ֖ו מֹשֵׁ֣ךְ חָ֑סֶד וְֽאַל־יְהִ֥י חֹ֝ונֵ֗ן לִיתֹומָֽיו׃ Matthieu 27.25 Jacques 2.13 Esaïe 13.18 Luc 6.38 Esaïe 9.17
¹³ יְהִֽי־אַחֲרִיתֹ֥ו לְהַכְרִ֑ית בְּדֹ֥ור אַ֝חֵ֗ר יִמַּ֥ח שְׁמָֽם׃ Proverbes 10.7 Job 18.19 Psaumes 37.28 Deutéronome 9.14 1 Samuel 3.13
¹⁴ יִזָּכֵ֤ר׀ עֲוֹ֣ן אֲ֭בֹתָיו אֶל־יְהוָ֑ה וְחַטַּ֥את אִ֝מֹּ֗ו אַל־תִּמָּֽח׃ Exode 20.5 Néhémie 4.5 Jérémie 18.23 Esaïe 43.25 2 Rois 11.1
¹⁵ יִהְי֣וּ נֶֽגֶד־יְהוָ֣ה תָּמִ֑יד וְיַכְרֵ֖ת מֵאֶ֣רֶץ זִכְרָֽם׃ Psaumes 34.16 Job 18.17 Psaumes 90.8 Psaumes 109.13 Psaumes 51.9
¹⁶ יַ֗עַן אֲשֶׁ֤ר׀ לֹ֥א זָכַר֮ עֲשֹׂ֪ות חָ֥סֶד וַיִּרְדֹּ֡ף אִישׁ־עָנִ֣י וְ֭אֶבְיֹון וְנִכְאֵ֨ה לֵבָ֬ב לְמֹותֵֽת׃ Psaumes 34.18 Psaumes 69.20-69.29 Jacques 2.13 Genèse 42.21 Job 19.21-19.22
¹⁷ וַיֶּאֱהַ֣ב קְ֭לָלָה וַתְּבֹואֵ֑הוּ וְֽלֹא־חָפֵ֥ץ בִּ֝בְרָכָ֗ה וַתִּרְחַ֥ק מִמֶּֽנּוּ׃ Proverbes 14.14 Ezéchiel 35.6 Matthieu 7.2 Psaumes 52.4-52.5 Apocalypse 16.6
¹⁸ וַיִּלְבַּ֥שׁ קְלָלָ֗ה כְּמַ֫דֹּ֥ו וַתָּבֹ֣א כַמַּ֣יִם בְּקִרְבֹּ֑ו וְ֝כַשֶּׁ֗מֶן בְּעַצְמֹותָֽיו׃ Psaumes 73.6 Nombres 5.22 Matthieu 27.3-27.5 Job 29.14 Colossiens 3.8
¹⁹ תְּהִי־לֹ֖ו כְּבֶ֣גֶד יַעְטֶ֑ה וּ֝לְמֵ֗זַח תָּמִ֥יד יַחְגְּרֶֽהָ׃ Psaumes 109.29 Psaumes 35.26 Psaumes 132.18 Psaumes 109.18
²⁰ זֹ֤את פְּעֻלַּ֣ת שֹׂ֭טְנַי מֵאֵ֣ת יְהוָ֑ה וְהַדֹּבְרִ֥ים רָ֝֗ע עַל־נַפְשִֽׁי׃ Psaumes 110.1 Psaumes 94.23 2 Samuel 17.23 Psaumes 2.5-2.6 Psaumes 71.10
²¹ וְאַתָּ֤ה׀ יְה֘וִ֤ה אֲדֹנָ֗י עֲֽשֵׂה־אִ֭תִּי לְמַ֣עַן שְׁמֶ֑ךָ כִּי־טֹ֥וב חַ֝סְדְּךָ֗ הַצִּילֵֽנִי׃ Psaumes 79.9-79.10 Psaumes 31.3 Psaumes 69.16 Psaumes 25.11 Psaumes 63.3
²² כִּֽי־עָנִ֣י וְאֶבְיֹ֣ון אָנֹ֑כִי וְ֝לִבִּ֗י חָלַ֥ל בְּקִרְבִּֽי׃ Psaumes 40.17 Psaumes 86.1 Psaumes 102.4 Matthieu 8.20 Psaumes 109.16
²³ כְּצֵל־כִּנְטֹותֹ֥ו נֶהֱלָ֑כְתִּי נִ֝נְעַ֗רְתִּי כָּֽאַרְבֶּֽה׃ Exode 10.19 Job 14.2 Exode 10.13 Ecclésiaste 8.13 Ecclésiaste 6.12
²⁴ בִּ֭רְכַּי כָּשְׁל֣וּ מִצֹּ֑ום וּ֝בְשָׂרִ֗י כָּחַ֥שׁ מִשָּֽׁמֶן׃ Hébreux 12.12 Job 19.20 Psaumes 22.14 2 Corinthiens 11.27 Psaumes 32.3-32.4
²⁵ וַאֲנִ֤י׀ הָיִ֣יתִי חֶרְפָּ֣ה לָהֶ֑ם יִ֝רְא֗וּנִי יְנִיע֥וּן רֹאשָֽׁם׃ Psaumes 22.6-22.7 Romains 15.3 Psaumes 69.19-69.20 Matthieu 27.39-27.40 Psaumes 69.9-69.12
²⁶ עָ֭זְרֵנִי יְהוָ֣ה אֱלֹהָ֑י הֹ֭ושִׁיעֵ֣נִי כְחַסְדֶּֽךָ׃ Psaumes 119.86 Psaumes 40.12 Psaumes 69.16 Psaumes 57.1 Psaumes 69.13
²⁷ וְֽ֭יֵדְעוּ כִּי־יָ֣דְךָ זֹּ֑את אַתָּ֖ה יְהוָ֣ה עֲשִׂיתָֽהּ׃ Job 37.7 Psaumes 17.13-17.14 Actes 2.32-2.36 Actes 4.16 1 Samuel 17.46-17.47
²⁸ יְקַֽלְלוּ־הֵמָּה֮ וְאַתָּ֪ה תְבָ֫רֵ֥ךְ קָ֤מוּ׀ וַיֵּבֹ֗שׁוּ וְֽעַבְדְּךָ֥ יִשְׂמָֽח׃ Jean 16.22 Psaumes 109.17 Hébreux 12.2 Nombres 23.23 2 Samuel 16.10-16.13
²⁹ יִלְבְּשׁ֣וּ שֹׂוטְנַ֣י כְּלִמָּ֑ה וְיַעֲט֖וּ כַמְעִ֣יל בָּשְׁתָּֽם׃ Psaumes 35.26 Psaumes 132.18 Job 8.22 Psaumes 6.10 Michée 7.10
³⁰ אֹ֘ודֶ֤ה יְהוָ֣ה מְאֹ֣ד בְּפִ֑י וּבְתֹ֖וךְ רַבִּ֣ים אֲהַֽלְלֶֽנּוּ׃ Psaumes 35.18 Psaumes 111.1 Psaumes 22.22-22.25 Psaumes 116.12-116.18 Hébreux 2.12
³¹ כִּֽי־יַ֭עֲמֹד לִימִ֣ין אֶבְיֹ֑ון לְ֝הֹושִׁ֗יעַ מִשֹּׁפְטֵ֥י נַפְשֹֽׁו׃ Psaumes 16.8 Psaumes 121.5 Psaumes 73.23 Psaumes 110.5 Psaumes 140.12