Job 4.18
Biblia Hebraica Stuttgartensia

¹ וַ֭יַּעַן אֱלִיפַ֥ז הַֽתֵּימָנִ֗י וַיֹּאמַֽר׃Job 8.1 Job 2.11 Job 15.1 Job 3.1-3.2 Job 42.9
² הֲנִסָּ֬ה דָבָ֣ר אֵלֶ֣יךָ תִּלְאֶ֑ה וַעְצֹ֥ר בְּ֝מִלִּ֗ין מִ֣י יוּכָֽל׃Job 32.18-32.20 Actes 4.20 Jérémie 20.9 Jérémie 6.11 2 Corinthiens 7.8-7.10
³ הִ֭נֵּה יִסַּ֣רְתָּ רַבִּ֑ים וְיָדַ֖יִם רָפֹ֣ות תְּחַזֵּֽק׃Esaïe 35.3 Hébreux 12.12 Esaïe 50.4 Esdras 6.22 Genèse 18.19
⁴ כֹּ֖ושֵׁל יְקִימ֣וּן מִלֶּ֑יךָ וּבִרְכַּ֖יִם כֹּרְעֹ֣ות תְּאַמֵּֽץ׃Hébreux 12.12 Psaumes 145.14 Proverbes 12.18 Proverbes 16.23-16.24 2 Corinthiens 7.6
⁵ כִּ֤י עַתָּ֨ה׀ תָּבֹ֣וא אֵלֶ֣יךָ וַתֵּ֑לֶא תִּגַּ֥ע עָ֝דֶ֗יךָ וַתִּבָּהֵֽל׃Job 19.21 Job 1.11 Proverbes 24.10 Job 2.5 Job 3.25-3.26
⁶ הֲלֹ֣א יִ֭רְאָתְךָ כִּסְלָתֶ֑ךָ תִּ֝קְוָתְךָ֗ וְתֹ֣ם דְּרָכֶֽיךָ׃Proverbes 3.26 Job 1.1 Job 13.15 Job 27.5-27.6 Job 17.15
⁷ זְכָר־נָ֗א מִ֤י ה֣וּא נָקִ֣י אָבָ֑ד וְ֝אֵיפֹ֗ה יְשָׁרִ֥ים נִכְחָֽדוּ׃Psaumes 37.25 2 Pierre 2.9 Job 9.22-9.23 Actes 28.4 Job 36.7
⁸ כַּאֲשֶׁ֣ר רָ֭אִיתִי חֹ֣רְשֵׁי אָ֑וֶן וְזֹרְעֵ֖י עָמָ֣ל יִקְצְרֻֽהוּ׃Proverbes 22.8 Galates 6.7-6.8 Osée 8.7 Jérémie 4.18 2 Corinthiens 9.6
⁹ מִנִּשְׁמַ֣ת אֱלֹ֣והַ יֹאבֵ֑דוּ וּמֵר֖וּחַ אַפֹּ֣ו יִכְלֽוּ׃Job 15.30 Esaïe 30.33 2 Thessaloniciens 2.8 Esaïe 11.4 Exode 15.8
¹⁰ שַׁאֲגַ֣ת אַ֭רְיֵה וְקֹ֣ול שָׁ֑חַל וְשִׁנֵּ֖י כְפִירִ֣ים נִתָּֽעוּ׃Psaumes 58.6 Job 29.17 Psaumes 3.7 Proverbes 30.14 Psaumes 57.4
¹¹ לַ֭יִשׁ אֹבֵ֣ד מִבְּלִי־טָ֑רֶף וּבְנֵ֥י לָ֝בִ֗יא יִתְפָּרָֽדוּ׃Psaumes 34.10 2 Timothée 4.17 Nombres 23.24 Psaumes 7.2 Genèse 49.9
¹² וְ֭אֵלַי דָּבָ֣ר יְגֻנָּ֑ב וַתִּקַּ֥ח אָ֝זְנִ֗י שֵׁ֣מֶץ מֶֽנְהֽוּ׃Job 26.14 1 Corinthiens 13.12 Psaumes 62.11
¹³ בִּ֭שְׂעִפִּים מֵחֶזְיֹנֹ֣ות לָ֑יְלָה בִּנְפֹ֥ל תַּ֝רְדֵּמָ֗ה עַל־אֲנָשִֽׁים׃Job 33.14-33.16 Genèse 2.21 Genèse 15.12 Genèse 31.24 Daniel 10.9
¹⁴ פַּ֣חַד קְ֭רָאַנִי וּרְעָדָ֑ה וְרֹ֖ב עַצְמֹותַ֣י הִפְחִֽיד׃Habakuk 3.16 Esaïe 6.5 Daniel 10.11 Apocalypse 1.17 Psaumes 119.120
¹⁵ וְ֭רוּחַ עַל־פָּנַ֣י יַחֲלֹ֑ף תְּ֝סַמֵּ֗ר שַֽׂעֲרַ֥ת בְּשָׂרִֽי׃Hébreux 1.14 Hébreux 1.7 Luc 24.37-24.39 Matthieu 14.26 Daniel 5.6
¹⁶ יַעֲמֹ֤ד׀ וְֽלֹא־אַכִּ֬יר מַרְאֵ֗הוּ תְּ֭מוּנָה לְנֶ֣גֶד עֵינָ֑י דְּמָמָ֖ה וָקֹ֣ול אֶשְׁמָֽע׃1 Rois 19.12
¹⁷ הַֽ֭אֱנֹושׁ מֵאֱלֹ֣והַ יִצְדָּ֑ק אִ֥ם מֵ֝עֹשֵׂ֗הוּ יִטְהַר־גָּֽבֶר׃Job 9.2 Job 25.4 Psaumes 143.2 Job 9.30-9.31 Genèse 18.25
¹⁸ הֵ֣ן בַּ֭עֲבָדָיו לֹ֣א יַאֲמִ֑ין וּ֝בְמַלְאָכָ֗יו יָשִׂ֥ים תָּהֳלָֽה׃Job 25.5-25.6 Jude 1.6 2 Pierre 2.4 Job 15.15-15.16 Esaïe 6.2-6.3
¹⁹ אַ֤ף׀ שֹׁכְנֵ֬י בָֽתֵּי־חֹ֗מֶר אֲשֶׁר־בֶּעָפָ֥ר יְסֹודָ֑ם יְ֝דַכְּא֗וּם לִפְנֵי־עָֽשׁ׃Job 10.9 Genèse 2.7 Genèse 3.19 Job 33.6 2 Corinthiens 4.7
²⁰ מִבֹּ֣קֶר לָעֶ֣רֶב יֻכַּ֑תּוּ מִבְּלִ֥י מֵ֝שִׂ֗ים לָנֶ֥צַח יֹאבֵֽדוּ׃Job 20.7 Psaumes 90.5-90.6 Psaumes 39.13 Proverbes 10.7 Job 14.20
²¹ הֲלֹא־נִסַּ֣ע יִתְרָ֣ם בָּ֑ם יָ֝מ֗וּתוּ וְלֹ֣א בְחָכְמָֽה׃Job 36.12 Luc 16.22-16.23 Job 8.22 Esaïe 2.22 Job 18.21