La Bible Bible en Swahili de l’est

Chapitre 134 Chapitre 136

Le Dieu véritable et les idoles

¹ Haleluya. Lisifuni jina la Bwana, Enyi watumishi wa Bwana, sifuni.
² Ninyi msimamao nyumbani mwa Bwana, Nyuani mwa nyumba ya Mungu wenu.
³ Msifuni Bwana kwa kuwa Bwana ni mwema, Liimbieni jina lake kwa maana lapendeza.
⁴ Kwa sababu Bwana amejichagulia Yakobo, Na Israeli, wawe watu wake hasa.
⁵ Maana najua mimi ya kuwa Bwana ni mkuu, Na Bwana wetu yu juu ya miungu yote.
⁶ Bwana amefanya kila lililompendeza, Katika mbingu na katika nchi, Katika bahari na katika vilindi vyote.
⁷ Ndiye apandishaye mvuke toka miisho ya nchi; Huifanyia mvua umeme; Hutoa upepo katika hazina zake.
⁸ Aliwapiga wazaliwa wa kwanza wa Misri, Wa wanadamu na wa wanyama.
⁹ Alipeleka ishara na maajabu kati yako, Ee Misri, Juu ya Farao na watumishi wake wote.
¹⁰ Aliwapiga mataifa mengi, Akawaua wafalme wenye nguvu;
¹¹ Sihoni, mfalme wa Waamori, Na Ogu, mfalme wa Bashani, Na falme zote za Kanaani.
¹² Akaitoa nchi yao iwe urithi, Urithi wa Israeli watu wake.
¹³ Ee Bwana, jina lako ni la milele, Bwana, kumbukumbu lako vizazi hata vizazi.
¹⁴ Kwa kuwa Bwana atawaamua watu wake, Atawahurumia watumishi wake.
¹⁵ Sanamu za mataifa ni fedha na dhahabu, Kazi ya mikono ya wanadamu.
¹⁶ Zina vinywa lakini hazisemi, Zina macho lakini hazioni,
¹⁷ Zina masikio lakini hazisikii, Wala hamna pumzi vinywani mwake.
¹⁸ Wazifanyao watafanana nazo, Na kila mmoja anayezitumainia.
¹⁹ Enyi mlango wa Israeli, mhimidini Bwana; Enyi mlango wa Haruni, mhimidini Bwana;
²⁰ Enyi mlango wa Lawi, mhimidini Bwana; Ninyi mnaomcha Bwana, mhimidini Bwana.
²¹ Na ahimidiwe Bwana toka Sayuni, Akaaye Yerusalemu. Haleluya.