Apocalypse 22.17
Vulgate

¹ et ostendit mihi fluvium aquae vitae splendidum tamquam cristallum procedentem de sede Dei et agni
Apocalypse 7.17 Zacharie 14.8 Psaumes 46.4 Psaumes 36.8-36.9 Jean 4.14
² in medio plateae eius et ex utraque parte fluminis lignum vitae adferens fructus duodecim per menses singula reddentia fructum suum et folia ligni ad sanitatem gentium
Apocalypse 2.7 Apocalypse 22.14 Genèse 2.9 Ezéchiel 47.8-47.12 Proverbes 3.18
³ et omne maledictum non erit amplius et sedes Dei et agni in illa erunt et servi eius servient illi
Matthieu 25.21 Jean 12.26 Zacharie 14.11 Apocalypse 7.15-7.17 Jean 14.3
⁴ et videbunt faciem eius et nomen eius in frontibus eorum
Matthieu 5.8 Apocalypse 14.1 Apocalypse 3.12 1 Jean 3.2-3.3 Job 33.26
⁵ et nox ultra non erit et non egebunt lumine lucernae neque lumine solis quoniam Dominus Deus inluminat illos et regnabunt in saecula saeculorum
Daniel 7.18 Daniel 7.27 Romains 5.17 1 Pierre 1.3-1.4 Apocalypse 20.4

Conclusion

⁶ et dixit mihi haec verba fidelissima et vera sunt et Dominus Deus spirituum prophetarum misit angelum suum ostendere servis suis quae oportet fieri cito
Apocalypse 1.1 Apocalypse 21.5 Apocalypse 19.9 Genèse 41.32 1 Pierre 1.11-1.12
⁷ et ecce venio velociter beatus qui custodit verba prophetiae libri huius
Apocalypse 3.11 Apocalypse 1.3 Apocalypse 22.12 Apocalypse 22.9-22.10 Apocalypse 22.20
⁸ et ego Iohannes qui audivi et vidi haec et postquam audissem et vidissem cecidi ut adorarem ante pedes angeli qui mihi haec ostendebat
Apocalypse 19.10 Apocalypse 1.1 Apocalypse 19.19
⁹ et dicit mihi vide ne feceris conservus tuus sum et fratrum tuorum prophetarum et eorum qui servant verba libri huius Deum adora
Apocalypse 19.10 Colossiens 2.18-2.19 Apocalypse 22.10 2 Rois 17.36 Jean 4.22-4.23
¹⁰ et dicit mihi ne signaveris verba prophetiae libri huius tempus enim prope est
Apocalypse 10.4 Daniel 8.26 Apocalypse 1.3 1 Pierre 4.7 Ezéchiel 12.23
¹¹ qui nocet noceat adhuc et qui in sordibus est sordescat adhuc et iustus iustitiam faciat adhuc et sanctus sanctificetur adhuc
Daniel 12.10 Ezéchiel 3.27 Proverbes 4.18 2 Timothée 3.13 Matthieu 5.6
¹² ecce venio cito et merces mea mecum est reddere unicuique secundum opera sua
Matthieu 16.27 Esaïe 62.11 Esaïe 40.10 Apocalypse 22.7 1 Corinthiens 3.8
¹³ ego Alpha et Omega primus et novissimus principium et finis
Apocalypse 21.6 Apocalypse 1.8 Apocalypse 1.17 Esaïe 44.6 Esaïe 48.12
¹⁴ beati qui lavant stolas suas ut sit potestas eorum in ligno vitae et portis intrent in civitatem
Apocalypse 21.27 Apocalypse 22.2 Psaumes 119.1-119.6 Apocalypse 2.7 1 Jean 5.3
¹⁵ foris canes et venefici et inpudici et homicidae et idolis servientes et omnis qui amat et facit mendacium
Apocalypse 21.8 Galates 5.19-5.21 Apocalypse 21.27 Philippiens 3.2 Colossiens 3.6
¹⁶ ego Iesus misi angelum meum testificari vobis haec in ecclesiis ego sum radix et genus David stella splendida et matutina
Apocalypse 1.4 Apocalypse 5.5 Nombres 24.17 2 Pierre 1.19 Apocalypse 1.1
¹⁷ et Spiritus et sponsa dicunt veni et qui audit dicat veni et qui sitit veniat qui vult accipiat aquam vitae gratis
Apocalypse 21.6 Jean 4.14 Esaïe 55.1-55.3 Apocalypse 21.2 Apocalypse 21.9
¹⁸ contestor ego omni audienti verba prophetiae libri huius si quis adposuerit ad haec adponet Deus super illum plagas scriptas in libro isto
Proverbes 30.6 Deutéronome 4.2 Deutéronome 12.32 Lévitique 26.37 Apocalypse 1.3
¹⁹ et si quis deminuerit de verbis libri prophetiae huius auferet Deus partem eius de ligno vitae et de civitate sancta et de his quae scripta sunt in libro isto
Apocalypse 22.2 Psaumes 69.28 Apocalypse 21.2 Luc 11.52 Apocalypse 3.4-3.5
²⁰ dicit qui testimonium perhibet istorum etiam venio cito amen veni Domine Iesu
Apocalypse 22.7 Apocalypse 22.12 2 Timothée 4.8 Apocalypse 22.10 1 Corinthiens 16.22
²¹ gratia Domini nostri Iesu Christi cum omnibus
2 Thessaloniciens 3.18 Romains 16.20 2 Corinthiens 13.14 Ephésiens 6.23-6.24