Josué 4.22
Vulgate

Deux monuments de pierres

¹ quibus transgressis dixit Dominus ad Iosue
Josué 3.17 Deutéronome 27.2
² elige duodecim viros singulos per singulas tribus
Josué 3.12 Deutéronome 1.23 Nombres 34.18 1 Rois 18.31 Nombres 1.4-1.15
³ et praecipe eis ut tollant de medio Iordanis alveo ubi steterunt sacerdotum pedes duodecim durissimos lapides quos ponetis in loco castrorum ubi fixeritis hac nocte tentoria
Josué 4.19-4.20 Josué 4.8 Josué 3.13 Josué 24.27 Deutéronome 27.1-27.26
⁴ vocavitque Iosue duodecim viros quos elegerat de filiis Israhel singulos de tribubus singulis
Marc 3.14-3.19 Josué 4.2
⁵ et ait ad eos ite ante arcam Domini Dei vestri ad Iordanis medium et portate singuli singulos lapides in umeris vestris iuxta numerum filiorum Israhel
⁶ ut sit signum inter vos et quando interrogaverint vos filii vestri cras dicentes quid sibi volunt isti lapides
Exode 13.14 Josué 4.21 Actes 2.39 Esaïe 55.13 Deutéronome 11.19
⁷ respondebitis eis defecerunt aquae Iordanis ante arcam foederis Domini cum transiret eum idcirco positi sunt lapides isti in monumentum filiorum Israhel usque in aeternum
Exode 12.14 Nombres 16.40 Psaumes 111.4 Josué 4.6 Exode 30.16
⁸ fecerunt ergo filii Israhel sicut eis praecepit Iosue portantes de medio Iordanis alveo duodecim lapides ut ei Dominus imperarat iuxta numerum filiorum Israhel usque ad locum in quo castrametati sunt ibique posuerunt eos
Josué 1.16-1.18 Josué 4.20 Josué 4.2-4.5
⁹ alios quoque duodecim lapides posuit Iosue in medio Iordanis alveo ubi steterunt sacerdotes qui portabant arcam foederis et sunt ibi usque in praesentem diem
1 Samuel 7.12 Genèse 26.33 Deutéronome 34.6 Genèse 28.18 1 Samuel 30.25
¹⁰ sacerdotes autem qui portabant arcam stabant in Iordanis medio donec omnia conplerentur quae Iosue ut loqueretur ad populum praeceperat Dominus et dixerat ei Moses festinavitque populus et transiit
Josué 3.13 Deutéronome 31.9 Josué 3.16-3.17 Exode 12.39 Ecclésiaste 9.10
¹¹ cumque transissent omnes transivit et arca Domini sacerdotesque pergebant ante populum
Josué 3.8 Josué 3.17 Josué 4.18
¹² filii quoque Ruben et Gad et dimidiae tribus Manasse armati praecedebant filios Israhel sicut eis praeceperat Moses
Josué 1.14 Nombres 32.20-32.32
¹³ et quadraginta pugnatorum milia per turmas et cuneos incedebant per plana atque campestria urbis Hiericho
Ephésiens 6.11 Jérémie 39.5 2 Rois 25.5 Jérémie 52.8 Josué 5.10
¹⁴ in illo die magnificavit Dominus Iosue coram omni Israhel ut timerent eum sicut timuerant Mosen dum adviveret
Josué 3.7 1 Corinthiens 10.2 Josué 1.16-1.18 Romains 13.4 1 Rois 3.28
¹⁵ dixitque ad eum
¹⁶ praecipe sacerdotibus qui portant arcam foederis ut ascendant de Iordane
Josué 3.3-3.6 Exode 25.16-25.22 Apocalypse 11.19
¹⁷ qui praecepit eis dicens ascendite de Iordane
Genèse 8.16-8.18 Actes 16.35-16.39 Daniel 3.26 Actes 16.23
¹⁸ cumque ascendissent portantes arcam foederis Domini et siccam humum calcare coepissent reversae sunt aquae in alveum suum et fluebant sicut ante consueverant
Josué 3.15 1 Chroniques 12.15 Esaïe 8.8 Josué 3.13 Exode 14.26-14.28
¹⁹ populus autem ascendit de Iordane decimo mensis primi die et castrametati sunt in Galgalis contra orientalem plagam urbis Hiericho
Josué 5.9 Michée 6.5 1 Samuel 11.14-11.15 1 Samuel 15.33 Exode 12.2-12.3
²⁰ duodecim quoque lapides quos de Iordanis alveo sumpserant posuit Iosue in Galgalis
Josué 4.3 Josué 4.8
²¹ et dixit ad filios Israhel quando interrogaverint filii vestri cras patres suos et dixerint eis quid sibi volunt isti lapides
Josué 4.6 Psaumes 105.2-105.5 Psaumes 145.4-145.7
²² docebitis eos atque dicetis per arentem alveum transivit Israhel Iordanem istum
Josué 3.17 Esaïe 51.10 Psaumes 66.5-66.6 Exode 14.29 Apocalypse 16.12
²³ siccante Domino Deo vestro aquas eius in conspectu vestro donec transiretis sicut fecerat prius in mari Rubro quod siccavit donec transiremus
Exode 14.21 Esaïe 63.12-63.14 Esaïe 43.16 Néhémie 9.11 Psaumes 77.16-77.19
²⁴ ut discant omnes terrarum populi fortissimam Domini manum ut et vos timeatis Dominum Deum vestrum omni tempore
Psaumes 89.13 Exode 14.31 1 Rois 8.42-8.43 2 Rois 19.19 1 Chroniques 29.12