Nombres 5
Vulgate

Lois sur la pureté, le vol, la jalousie conjugale

1 locutusque est Dominus ad Mosen dicens
2 praecipe filiis Israhel ut eiciant de castris omnem leprosum et qui semine fluit pollutusque est super mortuo
Lévitique 21.1 Lévitique 13.46 Nombres 12.14 Nombres 9.6-9.10 Nombres 31.19
3 tam masculum quam feminam eicite de castris ne contaminent ea cum habitaverim vobiscum
Deutéronome 23.14 Lévitique 26.11-26.12 Apocalypse 21.3 Nombres 35.34 Tite 3.10
4 feceruntque ita filii Israhel et eiecerunt eos extra castra sicut locutus erat Dominus Mosi
5 locutus est Dominus ad Mosen dicens
6 loquere ad filios Israhel vir sive mulier cum fecerint ex omnibus peccatis quae solent hominibus accidere et per neglegentiam transgressi fuerint mandatum Domini atque deliquerint
Lévitique 5.14-6.7 Lévitique 5.1-5.4
7 confitebuntur peccatum suum et reddent ipsum caput quintamque partem desuper ei in quem peccaverint
Lévitique 5.5 Lévitique 26.40 Josué 7.19 Proverbes 28.13 Luc 19.8
8 sin autem non fuerit qui recipiat dabunt Domino et erit sacerdotis excepto ariete qui offertur pro expiatione ut sit placabilis hostia
Lévitique 6.6-6.7 Lévitique 7.7 Lévitique 25.25-25.26
9 omnes quoque primitiae quas offerunt filii Israhel ad sacerdotem pertinent
Exode 29.28 Nombres 18.19 Lévitique 7.6-7.14 Deutéronome 18.3-18.4 Lévitique 6.17-6.18
10 et quicquid in sanctuarium offertur a singulis et traditur manibus sacerdotis ipsius erit
Lévitique 10.13
11 locutus est Dominus ad Mosen dicens
12 loquere ad filios Israhel et dices ad eos vir cuius uxor erraverit maritumque contemnens
Nombres 5.19-5.20 Proverbes 2.16-2.17
13 dormierit cum altero viro et hoc maritus deprehendere non quiverit sed latet adulterium et testibus argui non potest quia non est inventa in stupro
Lévitique 18.20 Lévitique 20.10 Proverbes 30.20 Proverbes 7.18-7.19
14 si spiritus zelotypiae concitaverit virum contra uxorem suam quae vel polluta est vel falsa suspicione appetitur
Proverbes 6.34 Cantique 8.6 Nombres 5.30 1 Corinthiens 10.22 Sophonie 3.8
15 adducet eam ad sacerdotem et offeret oblationem pro illa decimam partem sati farinae hordiaciae non fundet super eam oleum nec inponet tus quia sacrificium zelotypiae est et oblatio investigans adulterium
Ezéchiel 29.16 1 Rois 17.18 Lévitique 5.11 Hébreux 10.3 Osée 3.2
16 offeret igitur eam sacerdos et statuet coram Domino
Jérémie 17.10 Lévitique 1.3 Apocalypse 2.22-2.23 Hébreux 13.4
17 adsumetque aquam sanctam in vase fictili et pauxillum terrae de pavimento tabernaculi mittet in eam
Job 2.12 Exode 30.18 Jean 8.8 Nombres 19.2-19.9 Jérémie 17.13
18 cumque steterit mulier in conspectu Domini discoperiet caput eius et ponet super manus illius sacrificium recordationis et oblationem zelotypiae ipse autem tenebit aquas amarissimas in quibus cum execratione maledicta congessit
Nombres 5.22 1 Samuel 15.32 Hébreux 4.12-4.13 Lévitique 13.45 Ecclésiaste 7.26
19 adiurabitque eam et dicet si non dormivit vir alienus tecum et si non polluta es deserto mariti toro non te nocebunt aquae istae amarissimae in quas maledicta congessi
Matthieu 26.63 Romains 7.2 Nombres 5.12
20 sin autem declinasti a viro tuo atque polluta es et concubuisti cum altero
Nombres 5.12
21 his maledictionibus subiacebis det te Dominus in maledictionem exemplumque cunctorum in populo suo putrescere faciat femur tuum et tumens uterus disrumpatur
Néhémie 10.29 Josué 6.26 1 Samuel 14.24 Jérémie 29.22 Matthieu 26.74
22 ingrediantur aquae maledictae in ventrem tuum et utero tumescente putrescat femur et respondebit mulier amen amen
Psaumes 109.18 Deutéronome 27.15-27.26 Nombres 5.27 Jean 3.3 Psaumes 41.13
23 scribetque sacerdos in libello ista maledicta et delebit ea aquis amarissimis in quas maledicta congessit
Exode 17.14 2 Chroniques 34.24 Deutéronome 31.19 Job 31.35 Apocalypse 20.12
24 et dabit ei bibere quas cum exhauserit
Malachie 3.5 Zacharie 5.3-5.4
25 tollet sacerdos de manu eius sacrificium zelotypiae et elevabit illud coram Domino inponetque super altare ita dumtaxat ut prius
Lévitique 8.27 Nombres 5.18 Nombres 5.15 Exode 29.24
26 pugillum sacrificii tollat de eo quod offertur et incendat super altare et sic potum det mulieri aquas amarissimas
Lévitique 2.9 Lévitique 2.2 Lévitique 5.12 Lévitique 6.15
27 quas cum biberit si polluta est et contempto viro adulterii rea pertransibunt eam aquae maledictionis et inflato ventre conputrescet femur eritque mulier in maledictionem et in exemplum omni populo
Jérémie 29.18 Jérémie 42.18 Zacharie 8.13 Jérémie 44.12 Esaïe 65.15
28 quod si polluta non fuerit erit innoxia et faciet liberos
Michée 7.7-7.10 1 Pierre 1.7 Psaumes 113.9 Nombres 5.19 2 Corinthiens 4.17
29 ista est lex zelotypiae si declinaverit mulier a viro suo et si polluta fuerit
Nombres 5.19 Nombres 5.12 Lévitique 11.46 Esaïe 5.7-5.8 Lévitique 13.59
30 maritusque zelotypiae spiritu concitatus adduxerit eam in conspectu Domini et fecerit ei sacerdos iuxta omnia quae scripta sunt
31 maritus absque culpa erit et illa recipiet iniquitatem suam
Lévitique 20.10 Romains 2.8-2.9 Nombres 9.13 Ezéchiel 18.4 Psaumes 37.6