Job 28
Vulgate

1 habet argentum venarum suarum principia et auro locus est in quo conflatur
Proverbes 27.21 Malachie 3.2-3.3 Genèse 23.15 Esaïe 48.10 1 Chroniques 29.2-29.5
2 ferrum de terra tollitur et lapis solutus calore in aes vertitur
Deutéronome 8.9 Genèse 4.22 Nombres 31.22 1 Chroniques 22.14
3 tempus posuit tenebris et universorum finem ipse considerat lapidem quoque caliginis et umbram mortis
Ecclésiaste 1.13 Matthieu 6.33 Job 12.22 Habakuk 2.13 Luc 16.8
4 dividit torrens a populo peregrinante eos quos oblitus est pes egentis hominum et invios
5 terra de qua oriebatur panis in loco suo igne subversa est
Esaïe 28.25-28.29 Psaumes 104.14-104.15 Genèse 1.11-1.12 Ezéchiel 28.13-28.14 Genèse 1.29
6 locus sapphyri lapides eius et glebae illius aurum
Exode 24.10 Job 28.16 Cantique 5.14 Esaïe 54.11 Apocalypse 21.19
7 semitam ignoravit avis nec intuitus est oculus vulturis
Job 38.24 Job 11.6 Job 38.19 Job 28.21-28.23 Romains 11.33
8 non calcaverunt eam filii institorum nec pertransivit per eam leaena
9 ad silicem extendit manum suam subvertit a radicibus montes
Nahum 1.4-1.6
10 in petris rivos excidit et omne pretiosum vidit oculus eius
Proverbes 14.23 Habakuk 3.9 Proverbes 24.4
11 profunda quoque fluviorum scrutatus est et abscondita produxit in lucem
Job 26.8 Esaïe 37.25 Esaïe 45.2-45.3 1 Corinthiens 4.5 Esaïe 44.27
12 sapientia vero ubi invenitur et quis est locus intellegentiae
Job 28.20 Jacques 1.5 Jacques 1.17 Proverbes 3.19 Colossiens 2.3
13 nescit homo pretium eius nec invenitur in terra suaviter viventium
Proverbes 8.11 Proverbes 8.18-8.19 Matthieu 13.44-13.46 Proverbes 16.16 Psaumes 19.10
14 abyssus dicit non est in me et mare loquitur non est mecum
Romains 11.33-11.34
15 non dabitur aurum obrizum pro ea nec adpendetur argentum in commutatione eius
Proverbes 16.16 Proverbes 8.10-8.11 Proverbes 8.19 Proverbes 3.13-3.15 Proverbes 8.17
16 non conferetur tinctis Indiae coloribus nec lapidi sardonico pretiosissimo vel sapphyro
Esaïe 13.12 Psaumes 45.9 Ezéchiel 28.13 Exode 28.20 1 Chroniques 29.4
17 non adaequabitur ei aurum vel vitrum nec commutabuntur pro ea vasa auri
Apocalypse 4.6 Apocalypse 22.1 Ezéchiel 1.22 Proverbes 16.16 Apocalypse 21.11
18 excelsa et eminentia non memorabuntur conparatione eius trahitur autem sapientia de occultis
Proverbes 3.15 Lamentations 4.7 Proverbes 31.10 Ezéchiel 27.16 Matthieu 13.45-13.46
19 non adaequabitur ei topazium de Aethiopia nec tincturae mundissimae conponetur
Ezéchiel 28.13 Exode 28.17 Exode 39.10 Apocalypse 21.20 Proverbes 8.19
20 unde ergo sapientia veniet et quis est locus intellegentiae
Jacques 1.17 Job 28.12 Jacques 1.5 1 Corinthiens 2.6-2.15 Job 28.23
21 abscondita est ab oculis omnium viventium volucres quoque caeli latet
Matthieu 11.25 Matthieu 13.17 Colossiens 2.3 Psaumes 49.3-49.4 Matthieu 13.35
22 perditio et mors dixerunt auribus nostris audivimus famam eius
Job 26.6 Job 28.14 Psaumes 83.10-83.12
23 Deus intellegit viam eius et ipse novit locum illius
Proverbes 8.22-8.31 Actes 15.18 Jude 1.25 Psaumes 19.7 Psaumes 147.5
24 ipse enim fines mundi intuetur et omnia quae sub caelo sunt respicit
Proverbes 15.3 Zacharie 4.10 Psaumes 33.13-33.14 2 Chroniques 16.9 Apocalypse 5.6
25 qui fecit ventis pondus et aquas adpendit mensura
Psaumes 135.7 Esaïe 40.12 Job 12.15
26 quando ponebat pluviis legem et viam procellis sonantibus
Job 38.25 Job 37.3 Psaumes 29.3-29.10 Job 36.32 Job 38.27
27 tunc vidit illam et enarravit et praeparavit et investigavit
Proverbes 8.22-8.29 Psaumes 19.1
28 et dixit homini ecce timor Domini ipsa est sapientia et recedere a malo intellegentia
Proverbes 1.7 Psaumes 111.10 Proverbes 9.10 Deutéronome 4.6 Ecclésiaste 12.13