Job 28.16
Vulgate

¹ habet argentum venarum suarum principia et auro locus est in quo conflatur
1 Pierre 1.7 1 Rois 10.21 Proverbes 27.21 Malachie 3.2-3.3 Genèse 23.15
² ferrum de terra tollitur et lapis solutus calore in aes vertitur
Deutéronome 8.9 Nombres 31.22 Genèse 4.22 1 Chroniques 22.14
³ tempus posuit tenebris et universorum finem ipse considerat lapidem quoque caliginis et umbram mortis
Ecclésiaste 1.13 Proverbes 2.4 Job 10.21-10.22 Matthieu 6.33 Job 12.22
⁴ dividit torrens a populo peregrinante eos quos oblitus est pes egentis hominum et invios
⁵ terra de qua oriebatur panis in loco suo igne subversa est
Ezéchiel 28.13-28.14 Genèse 1.29 Esaïe 28.25-28.29 Psaumes 104.14-104.15 Genèse 1.11-1.12
⁶ locus sapphyri lapides eius et glebae illius aurum
Job 28.16 Exode 24.10 Apocalypse 21.19 Cantique 5.14 Esaïe 54.11
⁷ semitam ignoravit avis nec intuitus est oculus vulturis
Job 28.21-28.23 Romains 11.33 Job 38.24 Job 11.6 Job 38.19
⁸ non calcaverunt eam filii institorum nec pertransivit per eam leaena
⁹ ad silicem extendit manum suam subvertit a radicibus montes
Nahum 1.4-1.6
¹⁰ in petris rivos excidit et omne pretiosum vidit oculus eius
Proverbes 24.4 Proverbes 14.23 Habakuk 3.9
¹¹ profunda quoque fluviorum scrutatus est et abscondita produxit in lucem
1 Corinthiens 4.5 Esaïe 44.27 Job 26.8 Esaïe 37.25 Esaïe 45.2-45.3
¹² sapientia vero ubi invenitur et quis est locus intellegentiae
Job 28.20 Jacques 1.17 Jacques 1.5 Proverbes 2.4-2.6 Proverbes 3.19
¹³ nescit homo pretium eius nec invenitur in terra suaviter viventium
Esaïe 53.8 Esaïe 38.11 Proverbes 8.11 Proverbes 8.18-8.19 Matthieu 13.44-13.46
¹⁴ abyssus dicit non est in me et mare loquitur non est mecum
Romains 11.33-11.34
¹⁵ non dabitur aurum obrizum pro ea nec adpendetur argentum in commutatione eius
Proverbes 16.16 Proverbes 3.13-3.15 Proverbes 8.10-8.11 Proverbes 8.19 Job 28.18
¹⁶ non conferetur tinctis Indiae coloribus nec lapidi sardonico pretiosissimo vel sapphyro
Psaumes 45.9 Esaïe 13.12 1 Chroniques 29.4 Ezéchiel 28.13 Exode 28.20
¹⁷ non adaequabitur ei aurum vel vitrum nec commutabuntur pro ea vasa auri
Proverbes 16.16 Apocalypse 21.11 Apocalypse 4.6 Apocalypse 22.1 Ezéchiel 1.22
¹⁸ excelsa et eminentia non memorabuntur conparatione eius trahitur autem sapientia de occultis
Proverbes 3.15 Ezéchiel 27.16 Lamentations 4.7 Proverbes 31.10 1 Timothée 2.9
¹⁹ non adaequabitur ei topazium de Aethiopia nec tincturae mundissimae conponetur
Exode 39.10 Ezéchiel 28.13 Exode 28.17 Proverbes 8.19 Apocalypse 21.20
²⁰ unde ergo sapientia veniet et quis est locus intellegentiae
Jacques 1.17 Job 28.12 Jacques 1.5 Proverbes 2.6 Job 28.28
²¹ abscondita est ab oculis omnium viventium volucres quoque caeli latet
Matthieu 13.35 1 Corinthiens 2.7-2.10 Matthieu 11.25 Matthieu 13.17 Colossiens 2.3
²² perditio et mors dixerunt auribus nostris audivimus famam eius
Job 26.6 Job 28.14 Psaumes 83.10-83.12
²³ Deus intellegit viam eius et ipse novit locum illius
Proverbes 8.22-8.31 Matthieu 11.27 Luc 10.21-10.22 Actes 15.18 Jude 1.25
²⁴ ipse enim fines mundi intuetur et omnia quae sub caelo sunt respicit
Proverbes 15.3 Zacharie 4.10 Apocalypse 5.6 Psaumes 33.13-33.14 2 Chroniques 16.9
²⁵ qui fecit ventis pondus et aquas adpendit mensura
Psaumes 135.7 Job 12.15 Esaïe 40.12
²⁶ quando ponebat pluviis legem et viam procellis sonantibus
Job 38.25 Job 37.3 Job 36.26 Psaumes 29.3-29.10 Job 36.32
²⁷ tunc vidit illam et enarravit et praeparavit et investigavit
Proverbes 8.22-8.29 Psaumes 19.1
²⁸ et dixit homini ecce timor Domini ipsa est sapientia et recedere a malo intellegentia
Proverbes 1.7 Psaumes 111.10 Proverbes 9.10 Ecclésiaste 12.13 Deutéronome 4.6