1 Rois 17.24
Vulgate

Famine annoncée par Élie

¹ et dixit Helias Thesbites de habitatoribus Galaad ad Ahab vivit Dominus Deus Israhel in cuius conspectu sto si erit annis his ros et pluvia nisi iuxta oris mei verba
Jacques 5.17 Luc 1.17 2 Rois 3.14 Luc 4.25-4.26 1 Rois 22.14
² et factum est verbum Domini ad eum dicens
Jérémie 18.1 1 Chroniques 17.3 1 Rois 12.22 Osée 1.1-1.2 Jérémie 7.1
³ recede hinc et vade contra orientem et abscondere in torrente Charith qui est contra Iordanem
Psaumes 31.20 Jérémie 36.26 1 Rois 22.25 Apocalypse 12.14 Hébreux 11.38
⁴ et ibi de torrente bibes corvisque praecepi ut pascant te ibi
1 Rois 17.9 1 Rois 19.5-19.8 Psaumes 147.9 Job 38.8-38.13 Matthieu 4.4
⁵ abiit ergo et fecit iuxta verbum Domini cumque abisset sedit in torrente Charith qui est contra Iordanem
Jean 15.14 1 Rois 19.9 Matthieu 16.24 Proverbes 3.5
⁶ corvi quoque deferebant panem et carnes mane similiter panem et carnes vesperi et bibebat de torrente
Jérémie 40.4 Matthieu 14.19-14.21 Matthieu 19.26 Psaumes 78.15-78.16 Esaïe 33.16
⁷ post dies autem siccatus est torrens non enim pluerat super terram
Esaïe 54.10 Esaïe 40.30-40.31
⁸ factus est igitur sermo Domini ad eum dicens
Hébreux 13.6 Esaïe 41.17 1 Rois 17.2 Genèse 22.14
⁹ surge et vade in Sareptha Sidoniorum et manebis ibi praecepi enim ibi mulieri viduae ut pascat te
Luc 4.26 Abdias 1.20 1 Rois 17.4 Romains 4.17-4.21 Juges 7.4
¹⁰ surrexit et abiit Sareptham cumque venisset ad portam civitatis apparuit ei mulier vidua colligens ligna et vocavit eam dixitque da mihi paululum aquae in vase ut bibam
Jean 4.7 Genèse 24.17 Hébreux 11.37 Genèse 21.15 2 Corinthiens 11.27
¹¹ cumque illa pergeret ut adferret clamavit post tergum eius dicens adfer mihi obsecro et buccellam panis in manu tua
1 Rois 18.4 Matthieu 10.42 Genèse 24.18-24.19 Hébreux 13.2 Matthieu 25.35-25.40
¹² quae respondit vivit Dominus Deus tuus quia non habeo panem nisi quantum pugillus capere potest farinae in hydria et paululum olei in lecytho en colligo duo ligna ut ingrediar et faciam illud mihi et filio meo ut comedamus et moriamur
1 Rois 17.1 Genèse 21.16 2 Rois 4.2-4.7 1 Samuel 20.21 1 Samuel 14.39
¹³ ad quam Helias ait noli timere sed vade et fac sicut dixisti verumtamen mihi primum fac de ipsa farinula subcinericium panem parvulum et adfer ad me tibi autem et filio tuo facies postea
2 Chroniques 20.17 Malachie 3.10 Matthieu 28.5 Juges 7.5-7.7 1 Pierre 1.7
¹⁴ haec autem dicit Dominus Deus Israhel hydria farinae non deficiet nec lecythus olei minuetur usque ad diem in qua daturus est Dominus pluviam super faciem terrae
2 Rois 3.16 2 Rois 9.6 2 Rois 4.2-4.7 Matthieu 15.36-15.38 Matthieu 14.17-14.20
¹⁵ quae abiit et fecit iuxta verbum Heliae et comedit ipse et illa et domus eius et ex illa die
Hébreux 11.17 Romains 4.19-4.20 Marc 12.43 Genèse 22.3 Matthieu 15.28
¹⁶ hydria farinae non defecit et lecythus olei non est inminutus iuxta verbum Domini quod locutus fuerat in manu Heliae
1 Rois 13.5 Matthieu 19.26 Luc 1.45 Luc 1.37 Matthieu 9.28-9.30
¹⁷ factum est autem post verba haec aegrotavit filius mulieris matris familiae et erat languor fortis nimis ita ut non remaneret in eo halitus
1 Pierre 4.12 Genèse 22.1-22.2 2 Rois 4.18-4.20 Jacques 1.2-1.4 Daniel 5.23
¹⁸ dixit ergo ad Heliam quid mihi et tibi vir Dei ingressus es ad me ut rememorarentur iniquitates meae et interficeres filium meum
Luc 5.8 Luc 4.34 2 Rois 3.13 2 Samuel 16.10 Jean 2.4
¹⁹ et ait ad eam da mihi filium tuum tulitque eum de sinu illius et portavit in cenaculum ubi ipse manebat et posuit super lectulum suum
2 Rois 4.32 2 Rois 4.21 Actes 9.37 2 Rois 4.10
²⁰ et clamavit ad Dominum et dixit Domine Deus meus etiamne viduam apud quam ego utcumque sustentor adflixisti ut interficeres filium eius
Psaumes 99.6 1 Samuel 7.8-7.9 Exode 17.4 2 Rois 19.4 Jérémie 12.1
²¹ et expandit se atque mensus est super puerum tribus vicibus clamavitque ad Dominum et ait Domine Deus meus revertatur oro anima pueri huius in viscera eius
Actes 20.10 2 Rois 4.33-4.35 Actes 9.40 Hébreux 11.19 Actes 10.10
²² exaudivit Dominus vocem Heliae et reversa est anima pueri intra eum et revixit
2 Rois 13.21 Apocalypse 11.11 Romains 14.9 Actes 20.12 Jean 5.28-5.29
²³ tulitque Helias puerum et deposuit eum de cenaculo in inferiorem domum et tradidit matri suae et ait illi en vivit filius tuus
Hébreux 11.35 Actes 9.41 2 Rois 4.36-4.37 Luc 7.15
²⁴ dixitque mulier ad Heliam nunc in isto cognovi quoniam vir Dei es tu et verbum Domini in ore tuo verum est
Jean 3.2 Jean 16.30 Jean 2.11 1 Thessaloniciens 2.13 Jean 11.42