1 Rois 17.22
Vulgate

Famine annoncée par Élie

¹ et dixit Helias Thesbites de habitatoribus Galaad ad Ahab vivit Dominus Deus Israhel in cuius conspectu sto si erit annis his ros et pluvia nisi iuxta oris mei verba
Jacques 5.17 Luc 1.17 1 Rois 22.14 2 Rois 3.14 Luc 4.25-4.26
² et factum est verbum Domini ad eum dicens
Osée 1.1-1.2 Jérémie 7.1 Jérémie 11.1 Jérémie 18.1 1 Chroniques 17.3
³ recede hinc et vade contra orientem et abscondere in torrente Charith qui est contra Iordanem
Psaumes 83.3 Jean 8.59 Actes 17.14 Jérémie 36.19 Psaumes 31.20
⁴ et ibi de torrente bibes corvisque praecepi ut pascant te ibi
Psaumes 147.9 1 Rois 17.9 1 Rois 19.5-19.8 Nombres 20.8 Matthieu 4.11
⁵ abiit ergo et fecit iuxta verbum Domini cumque abisset sedit in torrente Charith qui est contra Iordanem
Proverbes 3.5 Jean 15.14 1 Rois 19.9 Matthieu 16.24
⁶ corvi quoque deferebant panem et carnes mane similiter panem et carnes vesperi et bibebat de torrente
Habakuk 3.17-3.18 Psaumes 37.3 Luc 22.35 Psaumes 34.9-34.10 Jérémie 40.4
⁷ post dies autem siccatus est torrens non enim pluerat super terram
Esaïe 54.10 Esaïe 40.30-40.31
⁸ factus est igitur sermo Domini ad eum dicens
Hébreux 13.6 Esaïe 41.17 1 Rois 17.2 Genèse 22.14
⁹ surge et vade in Sareptha Sidoniorum et manebis ibi praecepi enim ibi mulieri viduae ut pascat te
Abdias 1.20 Luc 4.26 1 Rois 17.4 Matthieu 15.21-15.22 Juges 7.2
¹⁰ surrexit et abiit Sareptham cumque venisset ad portam civitatis apparuit ei mulier vidua colligens ligna et vocavit eam dixitque da mihi paululum aquae in vase ut bibam
Jean 4.7 Genèse 24.17 Hébreux 11.37 Genèse 21.15 2 Corinthiens 11.27
¹¹ cumque illa pergeret ut adferret clamavit post tergum eius dicens adfer mihi obsecro et buccellam panis in manu tua
Hébreux 13.2 Matthieu 25.35-25.40 Genèse 18.5 1 Rois 17.9 1 Rois 18.4
¹² quae respondit vivit Dominus Deus tuus quia non habeo panem nisi quantum pugillus capere potest farinae in hydria et paululum olei in lecytho en colligo duo ligna ut ingrediar et faciam illud mihi et filio meo ut comedamus et moriamur
1 Rois 17.1 2 Rois 4.2-4.7 Genèse 21.16 Joël 1.15-1.16 Lamentations 4.9
¹³ ad quam Helias ait noli timere sed vade et fac sicut dixisti verumtamen mihi primum fac de ipsa farinula subcinericium panem parvulum et adfer ad me tibi autem et filio tuo facies postea
Actes 27.24 Matthieu 6.33 Esaïe 41.10 Exode 14.13 2 Chroniques 20.17
¹⁴ haec autem dicit Dominus Deus Israhel hydria farinae non deficiet nec lecythus olei minuetur usque ad diem in qua daturus est Dominus pluviam super faciem terrae
2 Rois 3.16 2 Rois 7.1 1 Rois 17.4 2 Rois 4.42-4.44 2 Rois 9.6
¹⁵ quae abiit et fecit iuxta verbum Heliae et comedit ipse et illa et domus eius et ex illa die
Jean 11.40 2 Chroniques 20.20 Genèse 12.4 Hébreux 11.7-11.8 Hébreux 11.17
¹⁶ hydria farinae non defecit et lecythus olei non est inminutus iuxta verbum Domini quod locutus fuerat in manu Heliae
Luc 1.37 Matthieu 9.28-9.30 1 Rois 16.12 Jean 4.50-4.51 1 Rois 13.5
¹⁷ factum est autem post verba haec aegrotavit filius mulieris matris familiae et erat languor fortis nimis ita ut non remaneret in eo halitus
Jean 11.14 Jacques 1.12 Jean 11.3-11.4 Psaumes 104.29 1 Pierre 4.12
¹⁸ dixit ergo ad Heliam quid mihi et tibi vir Dei ingressus es ad me ut rememorarentur iniquitates meae et interficeres filium meum
Luc 5.8 Luc 4.34 2 Rois 3.13 Jean 2.4 2 Samuel 16.10
¹⁹ et ait ad eam da mihi filium tuum tulitque eum de sinu illius et portavit in cenaculum ubi ipse manebat et posuit super lectulum suum
2 Rois 4.32 2 Rois 4.10 2 Rois 4.21 Actes 9.37
²⁰ et clamavit ad Dominum et dixit Domine Deus meus etiamne viduam apud quam ego utcumque sustentor adflixisti ut interficeres filium eius
Jacques 5.15-5.18 Psaumes 73.13-73.14 Genèse 18.23-18.25 1 Rois 18.36-18.37 Psaumes 99.6
²¹ et expandit se atque mensus est super puerum tribus vicibus clamavitque ad Dominum et ait Domine Deus meus revertatur oro anima pueri huius in viscera eius
Actes 20.10 2 Rois 4.33-4.35 Actes 9.40 Hébreux 11.19 Actes 10.10
²² exaudivit Dominus vocem Heliae et reversa est anima pueri intra eum et revixit
Hébreux 11.35 Luc 8.54 Deutéronome 32.39 Jean 11.43 2 Rois 13.21
²³ tulitque Helias puerum et deposuit eum de cenaculo in inferiorem domum et tradidit matri suae et ait illi en vivit filius tuus
Luc 7.15 Hébreux 11.35 Actes 9.41 2 Rois 4.36-4.37
²⁴ dixitque mulier ad Heliam nunc in isto cognovi quoniam vir Dei es tu et verbum Domini in ore tuo verum est
Jean 3.2 Jean 16.30 Jean 2.11 Jean 15.24 1 Jean 2.21