1 Διὸ ἀφέντες τὸν τῆς ἀρχῆς τοῦ Χριστοῦ λόγον ἐπὶ τὴν τελειότητα φερώμεθα, μὴ πάλιν θεμέλιον καταβαλλόμενοι μετανοίας ἀπὸ νεκρῶν ἔργων, καὶ πίστεως ἐπὶ θεόν,
Hébreux 5.12-5.14 Hébreux 9.14 Ezéchiel 18.30-18.32 2 Corinthiens 7.10 Actes 17.30
2 βαπτισμῶν ⸀διδαχὴν ἐπιθέσεώς τε χειρῶν, ἀναστάσεώς ⸀τε νεκρῶν καὶ κρίματος αἰωνίου.
Actes 6.6 Actes 17.31-17.32 Actes 17.18 Romains 6.3-6.5 Marc 16.16
3 καὶ τοῦτο ⸀ποιήσομεν ἐάνπερ ἐπιτρέπῃ ὁ θεός.
Actes 18.21 1 Corinthiens 16.7 Romains 15.32 1 Corinthiens 4.19 Jacques 4.15
4 Ἀδύνατον γὰρ τοὺς ἅπαξ φωτισθέντας γευσαμένους τε τῆς δωρεᾶς τῆς ἐπουρανίου καὶ μετόχους γενηθέντας πνεύματος ἁγίου
2 Pierre 2.20-2.22 Hébreux 10.32 Hébreux 10.26-10.29 Jean 4.10 Galates 3.2
5 καὶ καλὸν γευσαμένους θεοῦ ῥῆμα δυνάμεις τε μέλλοντος αἰῶνος,
2 Pierre 2.20 1 Pierre 2.3 Hébreux 2.5 Marc 6.20 Luc 8.13
6 καὶ παραπεσόντας, πάλιν ἀνακαινίζειν εἰς μετάνοιαν, ἀνασταυροῦντας ἑαυτοῖς τὸν υἱὸν τοῦ θεοῦ καὶ παραδειγματίζοντας.
Hébreux 10.29 2 Pierre 2.21 Hébreux 6.4 Esaïe 1.28 1 Jean 5.16
7 γῆ γὰρ ἡ πιοῦσα τὸν ἐπ’ αὐτῆς ⸂ἐρχόμενον πολλάκις⸃ ὑετόν, καὶ τίκτουσα βοτάνην εὔθετον ἐκείνοις δι’ οὓς καὶ γεωργεῖται, μεταλαμβάνει εὐλογίας ἀπὸ τοῦ θεοῦ·
Psaumes 104.11-104.13 Lévitique 25.21 Psaumes 65.9-65.13 Psaumes 24.5 Osée 10.12
8 ἐκφέρουσα δὲ ἀκάνθας καὶ τριβόλους ἀδόκιμος καὶ κατάρας ἐγγύς, ἧς τὸ τέλος εἰς καῦσιν.
Genèse 3.17-3.18 Jean 15.6 Deutéronome 29.28 Malachie 4.1 Esaïe 5.1-5.7
9 Πεπείσμεθα δὲ περὶ ὑμῶν, ἀγαπητοί, τὰ κρείσσονα καὶ ἐχόμενα σωτηρίας, εἰ καὶ οὕτως λαλοῦμεν·
Hébreux 6.4-6.6 1 Thessaloniciens 1.3-1.4 Tite 2.11-2.14 Matthieu 5.3-5.12 Actes 20.21
10 οὐ γὰρ ἄδικος ὁ θεὸς ἐπιλαθέσθαι τοῦ ἔργου ὑμῶν ⸀καὶ τῆς ἀγάπης ἧς ἐνεδείξασθε εἰς τὸ ὄνομα αὐτοῦ, διακονήσαντες τοῖς ἁγίοις καὶ διακονοῦντες.
Matthieu 10.42 Proverbes 14.31 1 Thessaloniciens 1.3 Actes 10.4 1 Jean 3.14-3.18
11 ἐπιθυμοῦμεν δὲ ἕκαστον ὑμῶν τὴν αὐτὴν ἐνδείκνυσθαι σπουδὴν πρὸς τὴν πληροφορίαν τῆς ἐλπίδος ἄχρι τέλους,
Hébreux 3.6 Hébreux 3.14 Romains 5.2-5.5 1 Corinthiens 15.58 Hébreux 10.22
12 ἵνα μὴ νωθροὶ γένησθε, μιμηταὶ δὲ τῶν διὰ πίστεως καὶ μακροθυμίας κληρονομούντων τὰς ἐπαγγελίας.
Hébreux 13.7 Hébreux 10.36 Proverbes 24.30-24.34 Proverbes 18.9 Apocalypse 13.10
13 Τῷ γὰρ Ἀβραὰμ ἐπαγγειλάμενος ὁ θεός, ἐπεὶ κατ’ οὐδενὸς εἶχεν μείζονος ὀμόσαι, ὤμοσεν καθ’ ἑαυτοῦ,
Luc 1.73 Genèse 22.15-22.18 Psaumes 105.9-105.10 Michée 7.20 Jérémie 22.5
14 λέγων· ⸀Εἰ μὴν εὐλογῶν εὐλογήσω σε καὶ πληθύνων πληθυνῶ σε·
Genèse 22.17 Néhémie 9.23 Genèse 17.2 Deutéronome 1.10 Genèse 48.4
15 καὶ οὕτως μακροθυμήσας ἐπέτυχεν τῆς ἐπαγγελίας.Hébreux 6.12 Habakuk 2.2-2.3 Exode 1.7 Romains 4.17-4.25 Genèse 17.16-17.17
16 ⸀ἄνθρωποι γὰρ κατὰ τοῦ μείζονος ὀμνύουσιν, καὶ πάσης αὐτοῖς ἀντιλογίας πέρας εἰς βεβαίωσιν ὁ ὅρκος·
Exode 22.11 Josué 9.15-9.20 Genèse 21.30-21.31 Ezéchiel 17.16-17.20 Hébreux 6.13
17 ἐν ᾧ περισσότερον βουλόμενος ὁ θεὸς ἐπιδεῖξαι τοῖς κληρονόμοις τῆς ἐπαγγελίας τὸ ἀμετάθετον τῆς βουλῆς αὐτοῦ ἐμεσίτευσεν ὅρκῳ,
Hébreux 11.9 Proverbes 19.21 Hébreux 6.18 Psaumes 110.4 1 Pierre 3.7
18 ἵνα διὰ δύο πραγμάτων ἀμεταθέτων, ἐν οἷς ἀδύνατον ψεύσασθαι ⸀θεόν, ἰσχυρὰν παράκλησιν ἔχωμεν οἱ καταφυγόντες κρατῆσαι τῆς προκειμένης ἐλπίδος·
Tite 1.2 Nombres 23.19 1 Samuel 15.29 Esaïe 27.5 Esaïe 32.1-32.2
19 ἣν ὡς ἄγκυραν ἔχομεν τῆς ψυχῆς, ⸀ἀσφαλῆ τε καὶ βεβαίαν καὶ εἰσερχομένην εἰς τὸ ἐσώτερον τοῦ καταπετάσματος,
Hébreux 9.7 Lévitique 16.15 Hébreux 9.3 Lévitique 16.2 Romains 8.28-8.39
20 ὅπου πρόδρομος ὑπὲρ ἡμῶν εἰσῆλθεν Ἰησοῦς, κατὰ τὴν τάξιν Μελχισέδεκ ἀρχιερεὺς γενόμενος εἰς τὸν αἰῶνα.
Hébreux 4.14 Hébreux 5.6 Hébreux 1.3 Hébreux 2.10 Hébreux 8.1