Ecclésiaste 7.20
Biblia Hebraica Stuttgartensia

¹ טֹ֥וב שֵׁ֖ם מִשֶּׁ֣מֶן טֹ֑וב וְיֹ֣ום הַמָּ֔וֶת מִיֹּ֖ום הִוָּלְדֹֽו׃Proverbes 22.1 Ecclésiaste 4.2 Philippiens 1.21-1.23 Cantique 1.3 Apocalypse 14.13
² טֹ֞וב לָלֶ֣כֶת אֶל־בֵּֽית־אֵ֗בֶל מִלֶּ֨כֶת֙ אֶל־בֵּ֣ית מִשְׁתֶּ֔ה בַּאֲשֶׁ֕ר ה֖וּא סֹ֣וף כָּל־הָאָדָ֑ם וְהַחַ֖י יִתֵּ֥ן אֶל־לִבֹּֽו׃Psaumes 90.12 Romains 6.21-6.22 Philippiens 3.19 Deutéronome 32.46 Malachie 2.2
³ טֹ֥וב כַּ֖עַס מִשְּׂחֹ֑ק כִּֽי־בְרֹ֥עַ פָּנִ֖ים יִ֥יטַב לֵֽב׃2 Corinthiens 7.9-7.11 Hébreux 12.10-12.11 Jacques 4.8-4.10 Romains 5.3-5.4 Jérémie 50.4-50.5
⁴ לֵ֤ב חֲכָמִים֙ בְּבֵ֣ית אֵ֔בֶל וְלֵ֥ב כְּסִילִ֖ים בְּבֵ֥ית שִׂמְחָֽה׃Jérémie 51.57 Marc 6.21-6.29 Matthieu 8.14-8.16 Néhémie 2.2-2.5 Esaïe 21.4
⁵ טֹ֕וב לִשְׁמֹ֖עַ גַּעֲרַ֣ת חָכָ֑ם מֵאִ֕ישׁ שֹׁמֵ֖עַ שִׁ֥יר כְּסִילִֽים׃Psaumes 141.5 Proverbes 15.31-15.32 Proverbes 13.18 Proverbes 9.8 Proverbes 13.13
⁶ כִּ֣י כְקֹ֤ול הַסִּירִים֙ תַּ֣חַת הַסִּ֔יר כֵּ֖ן שְׂחֹ֣ק הַכְּסִ֑יל וְגַם־זֶ֖ה הָֽבֶל׃Psaumes 58.9 Psaumes 118.12 Ecclésiaste 2.2 Esaïe 65.13-65.15 Luc 16.25
⁷ כִּ֥י הָעֹ֖שֶׁק יְהֹולֵ֣ל חָכָ֑ם וִֽיאַבֵּ֥ד אֶת־לֵ֖ב מַתָּנָֽה׃Deutéronome 16.19 Exode 23.8 Proverbes 17.23 Deutéronome 28.33-28.34 Deutéronome 28.65
⁸ טֹ֛וב אַחֲרִ֥ית דָּבָ֖ר מֵֽרֵאשִׁיתֹ֑ו טֹ֥וב אֶֽרֶךְ־ר֖וּחַ מִגְּבַהּ־רֽוּחַ׃Proverbes 14.29 Hébreux 10.36 Romains 2.7-2.8 1 Pierre 1.13 Proverbes 28.25
⁹ אַל־תְּבַהֵ֥ל בְּרֽוּחֲךָ֖ לִכְעֹ֑וס כִּ֣י כַ֔עַס בְּחֵ֥יק כְּסִילִ֖ים יָנֽוּחַ׃Jacques 1.19 Proverbes 14.17 Proverbes 16.32 Marc 6.24 2 Samuel 13.32
¹⁰ אַל־תֹּאמַר֙ מֶ֣ה הָיָ֔ה שֶׁ֤הַיָּמִים֙ הָרִ֣אשֹׁנִ֔ים הָי֥וּ טֹובִ֖ים מֵאֵ֑לֶּה כִּ֛י לֹ֥א מֵחָכְמָ֖ה שָׁאַ֥לְתָּ עַל־זֶֽה׃Juges 6.13 Romains 3.9-3.19 Romains 1.22-1.32 Esaïe 50.1 Psaumes 14.2-14.3
¹¹ טֹובָ֥ה חָכְמָ֖ה עִֽם־נַחֲלָ֑ה וְיֹתֵ֖ר לְרֹאֵ֥י הַשָּֽׁמֶשׁ׃Ecclésiaste 11.7 1 Timothée 6.17-6.19 1 Rois 3.6-3.9 Proverbes 8.10-8.11 Ecclésiaste 2.13
¹² כִּ֛י בְּצֵ֥ל הַֽחָכְמָ֖ה בְּצֵ֣ל הַכָּ֑סֶף וְיִתְרֹ֣ון דַּ֔עַת הַֽחָכְמָ֖ה תְּחַיֶּ֥ה בְעָלֶֽיהָ׃Proverbes 3.18 Proverbes 8.35 Proverbes 14.20 Job 22.21-22.25 Psaumes 57.1
¹³ רְאֵ֖ה אֶת־מַעֲשֵׂ֣ה הָאֱלֹהִ֑ים כִּ֣י מִ֤י יוּכַל֙ לְתַקֵּ֔ן אֵ֖ת אֲשֶׁ֥ר עִוְּתֹֽו׃Ecclésiaste 1.15 Job 12.14 Esaïe 14.27 Romains 9.19 Esaïe 46.10-46.11
¹⁴ בְּיֹ֤ום טֹובָה֙ הֱיֵ֣ה בְטֹ֔וב וּבְיֹ֥ום רָעָ֖ה רְאֵ֑ה גַּ֣ם אֶת־זֶ֤ה לְעֻמַּת־זֶה֙ עָשָׂ֣ה הָֽאֱלֹהִ֔ים עַל־דִּבְרַ֗ת שֶׁלֹּ֨א יִמְצָ֧א הָֽאָדָ֛ם אַחֲרָ֖יו מְאֽוּמָה׃Ecclésiaste 3.22 Ecclésiaste 3.4 Deutéronome 28.47 Psaumes 30.11-30.12 1 Rois 8.47
¹⁵ אֶת־הַכֹּ֥ל רָאִ֖יתִי בִּימֵ֣י הֶבְלִ֑י יֵ֤שׁ צַדִּיק֙ אֹבֵ֣ד בְּצִדְקֹ֔ו וְיֵ֣שׁ רָשָׁ֔ע מַאֲרִ֖יךְ בְּרָעָתֹֽו׃Ecclésiaste 8.12-8.14 Ecclésiaste 6.12 Psaumes 73.3-73.13 Esaïe 65.20 Matthieu 23.34-23.35
¹⁶ אַל־תְּהִ֤י צַדִּיק֙ הַרְבֵּ֔ה וְאַל־תִּתְחַכַּ֖ם יֹותֵ֑ר לָ֖מָּה תִּשֹּׁומֵֽם׃Romains 12.3 Philippiens 3.6 Luc 18.12 Proverbes 25.16 Matthieu 9.14
¹⁷ אַל־תִּרְשַׁ֥ע הַרְבֵּ֖ה וְאַל־תְּהִ֣י סָכָ֑ל לָ֥מָּה תָמ֖וּת בְּלֹ֥א עִתֶּֽךָ׃Proverbes 10.27 Psaumes 55.23 Job 22.16 1 Samuel 25.38 Actes 5.5
¹⁸ טֹ֚וב אֲשֶׁ֣ר תֶּאֱחֹ֣ז בָּזֶ֔ה וְגַם־מִזֶּ֖ה אַל־תַּנַּ֣ח אֶת־יָדֶ֑ךָ כִּֽי־יְרֵ֥א אֱלֹהִ֖ים יֵצֵ֥א אֶת־כֻּלָּֽם׃Ecclésiaste 12.13 Ecclésiaste 8.12 Ecclésiaste 11.6 Luc 11.42 Psaumes 145.19-145.20
¹⁹ הַֽחָכְמָ֖ה תָּעֹ֣ז לֶחָכָ֑ם מֵֽעֲשָׂרָה֙ שַׁלִּיטִ֔ים אֲשֶׁ֥ר הָי֖וּ בָּעִֽיר׃Proverbes 24.5 Proverbes 21.22 Colossiens 1.9-1.11 Ecclésiaste 9.13-9.18 2 Samuel 20.16-20.22
²⁰ כִּ֣י אָדָ֔ם אֵ֥ין צַדִּ֖יק בָּאָ֑רֶץ אֲשֶׁ֥ר יַעֲשֶׂה־טֹּ֖וב וְלֹ֥א יֶחֱטָֽא׃1 Rois 8.46 Romains 3.23 2 Chroniques 6.36 Proverbes 20.9 Esaïe 53.6
²¹ גַּ֤ם לְכָל־הַדְּבָרִים֙ אֲשֶׁ֣ר יְדַבֵּ֔רוּ אַל־תִּתֵּ֖ן לִבֶּ֑ךָ אֲשֶׁ֥ר לֹֽא־תִשְׁמַ֥ע אֶֽת־עַבְדְּךָ֖ מְקַלְלֶֽךָ׃Proverbes 30.10 1 Corinthiens 13.5-13.7 Esaïe 29.21 2 Samuel 16.10 2 Samuel 19.19
²² כִּ֛י גַּם־פְּעָמִ֥ים רַבֹּ֖ות יָדַ֣ע לִבֶּ֑ךָ אֲשֶׁ֥ר גַּם־אַתָּ֖ה קִלַּ֥לְתָּ אֲחֵרִֽים׃Matthieu 15.19 1 Rois 2.44 Jacques 3.9 Matthieu 18.32-18.35 Jean 8.7-8.9
²³ כָּל־זֹ֖ה נִסִּ֣יתִי בַֽחָכְמָ֑ה אָמַ֣רְתִּי אֶחְכָּ֔מָה וְהִ֖יא רְחֹוקָ֥ה מִמֶּֽנִּי׃Romains 1.22 1 Corinthiens 1.20 Genèse 3.5 1 Rois 11.1-11.8 1 Rois 3.11-3.12
²⁴ רָחֹ֖וק מַה־שֶּׁהָיָ֑ה וְעָמֹ֥ק׀ עָמֹ֖ק מִ֥י יִמְצָאֶֽנּוּ׃Romains 11.33 1 Timothée 6.16 Job 28.12-28.23 Job 28.28 Psaumes 139.6
²⁵ סַבֹּ֨ותִֽי אֲנִ֤י וְלִבִּי֙ לָדַ֣עַת וְלָת֔וּר וּבַקֵּ֥שׁ חָכְמָ֖ה וְחֶשְׁבֹּ֑ון וְלָדַ֨עַת֙ רֶ֣שַׁע כֶּ֔סֶל וְהַסִּכְל֖וּת הֹולֵלֹֽות׃Ecclésiaste 10.13 2 Pierre 3.3-3.9 2 Samuel 13.12 Ecclésiaste 2.15 Ecclésiaste 7.27
²⁶ וּמֹוצֶ֨א אֲנִ֜י מַ֣ר מִמָּ֗וֶת אֶת־הָֽאִשָּׁה֙ אֲשֶׁר־הִ֨יא מְצֹודִ֧ים וַחֲרָמִ֛ים לִבָּ֖הּ אֲסוּרִ֣ים יָדֶ֑יהָ טֹ֞וב לִפְנֵ֤י הָאֱלֹהִים֙ יִמָּלֵ֣ט מִמֶּ֔נָּה וְחֹוטֵ֖א יִלָּ֥כֶד בָּֽהּ׃Proverbes 22.14 Proverbes 5.3-5.5 Proverbes 2.16 Proverbes 2.18-2.19 Ecclésiaste 2.26
²⁷ רְאֵה֙ זֶ֣ה מָצָ֔אתִי אָמְרָ֖ה קֹהֶ֑לֶת אַחַ֥ת לְאַחַ֖ת לִמְצֹ֥א חֶשְׁבֹּֽון׃Ecclésiaste 12.8-12.10 Ecclésiaste 1.1-1.2
²⁸ אֲשֶׁ֛ר עֹוד־בִּקְשָׁ֥ה נַפְשִׁ֖י וְלֹ֣א מָצָ֑אתִי אָדָ֞ם אֶחָ֤ד מֵאֶ֨לֶף֙ מָצָ֔אתִי וְאִשָּׁ֥ה בְכָל־אֵ֖לֶּה לֹ֥א מָצָֽאתִי׃Job 33.23 Psaumes 12.1 Esaïe 26.9 1 Rois 11.1-11.3 Ecclésiaste 7.23-7.24
²⁹ לְבַד֙ רְאֵה־זֶ֣ה מָצָ֔אתִי אֲשֶׁ֨ר עָשָׂ֧ה הָאֱלֹהִ֛ים אֶת־הָאָדָ֖ם יָשָׁ֑ר וְהֵ֥מָּה בִקְשׁ֖וּ חִשְּׁבֹנֹ֥ות רַבִּֽים׃Genèse 3.6-3.7 Genèse 1.26-1.27 Jérémie 4.22 Psaumes 106.29 Genèse 5.1