Ecclésiaste 7
Biblia Hebraica Stuttgartensia

Conseils de sagesse

Les épreuves et la sagesse

1 טֹ֥וב שֵׁ֖ם מִשֶּׁ֣מֶן טֹ֑וב וְיֹ֣ום הַמָּ֔וֶת מִיֹּ֖ום הִוָּלְדֹֽו׃
Proverbes 22.1 Ecclésiaste 4.2 Philippiens 1.21-1.23 Cantique 1.3 Apocalypse 14.13
2 טֹ֞וב לָלֶ֣כֶת אֶל־בֵּֽית־אֵ֗בֶל מִלֶּ֨כֶת֙ אֶל־בֵּ֣ית מִשְׁתֶּ֔ה בַּאֲשֶׁ֕ר ה֖וּא סֹ֣וף כָּל־הָאָדָ֑ם וְהַחַ֖י יִתֵּ֥ן אֶל־לִבֹּֽו׃
Psaumes 90.12 Romains 6.21-6.22 Philippiens 3.19 Deutéronome 32.46 Malachie 2.2
3 טֹ֥וב כַּ֖עַס מִשְּׂחֹ֑ק כִּֽי־בְרֹ֥עַ פָּנִ֖ים יִ֥יטַב לֵֽב׃
2 Corinthiens 7.9-7.11 Hébreux 12.10-12.11 Jacques 4.8-4.10 Romains 5.3-5.4 Jérémie 50.4-50.5
4 לֵ֤ב חֲכָמִים֙ בְּבֵ֣ית אֵ֔בֶל וְלֵ֥ב כְּסִילִ֖ים בְּבֵ֥ית שִׂמְחָֽה׃
Jérémie 51.57 Marc 6.21-6.29 Matthieu 8.14-8.16 Néhémie 2.2-2.5 Esaïe 21.4
5 טֹ֕וב לִשְׁמֹ֖עַ גַּעֲרַ֣ת חָכָ֑ם מֵאִ֕ישׁ שֹׁמֵ֖עַ שִׁ֥יר כְּסִילִֽים׃
Psaumes 141.5 Proverbes 15.31-15.32 Proverbes 13.18 Proverbes 9.8 Proverbes 13.13
6 כִּ֣י כְקֹ֤ול הַסִּירִים֙ תַּ֣חַת הַסִּ֔יר כֵּ֖ן שְׂחֹ֣ק הַכְּסִ֑יל וְגַם־זֶ֖ה הָֽבֶל׃
Psaumes 58.9 Psaumes 118.12 Ecclésiaste 2.2 Esaïe 65.13-65.15 Luc 16.25
7 כִּ֥י הָעֹ֖שֶׁק יְהֹולֵ֣ל חָכָ֑ם וִֽיאַבֵּ֥ד אֶת־לֵ֖ב מַתָּנָֽה׃
Deutéronome 16.19 Exode 23.8 Proverbes 17.23 Deutéronome 28.33-28.34 Deutéronome 28.65
8 טֹ֛וב אַחֲרִ֥ית דָּבָ֖ר מֵֽרֵאשִׁיתֹ֑ו טֹ֥וב אֶֽרֶךְ־ר֖וּחַ מִגְּבַהּ־רֽוּחַ׃
Proverbes 14.29 Hébreux 10.36 Romains 2.7-2.8 1 Pierre 1.13 Proverbes 28.25
9 אַל־תְּבַהֵ֥ל בְּרֽוּחֲךָ֖ לִכְעֹ֑וס כִּ֣י כַ֔עַס בְּחֵ֥יק כְּסִילִ֖ים יָנֽוּחַ׃
Jacques 1.19 Proverbes 14.17 Proverbes 16.32 Marc 6.24 2 Samuel 13.32
10 אַל־תֹּאמַר֙ מֶ֣ה הָיָ֔ה שֶׁ֤הַיָּמִים֙ הָרִ֣אשֹׁנִ֔ים הָי֥וּ טֹובִ֖ים מֵאֵ֑לֶּה כִּ֛י לֹ֥א מֵחָכְמָ֖ה שָׁאַ֥לְתָּ עַל־זֶֽה׃
Juges 6.13 Romains 3.9-3.19 Romains 1.22-1.32 Esaïe 50.1 Psaumes 14.2-14.3
11 טֹובָ֥ה חָכְמָ֖ה עִֽם־נַחֲלָ֑ה וְיֹתֵ֖ר לְרֹאֵ֥י הַשָּֽׁמֶשׁ׃
Ecclésiaste 11.7 1 Timothée 6.17-6.19 1 Rois 3.6-3.9 Proverbes 8.10-8.11 Ecclésiaste 2.13
12 כִּ֛י בְּצֵ֥ל הַֽחָכְמָ֖ה בְּצֵ֣ל הַכָּ֑סֶף וְיִתְרֹ֣ון דַּ֔עַת הַֽחָכְמָ֖ה תְּחַיֶּ֥ה בְעָלֶֽיהָ׃
Proverbes 3.18 Proverbes 8.35 Proverbes 14.20 Job 22.21-22.25 Psaumes 57.1
13 רְאֵ֖ה אֶת־מַעֲשֵׂ֣ה הָאֱלֹהִ֑ים כִּ֣י מִ֤י יוּכַל֙ לְתַקֵּ֔ן אֵ֖ת אֲשֶׁ֥ר עִוְּתֹֽו׃
Ecclésiaste 1.15 Job 12.14 Esaïe 14.27 Romains 9.19 Esaïe 46.10-46.11
14 בְּיֹ֤ום טֹובָה֙ הֱיֵ֣ה בְטֹ֔וב וּבְיֹ֥ום רָעָ֖ה רְאֵ֑ה גַּ֣ם אֶת־זֶ֤ה לְעֻמַּת־זֶה֙ עָשָׂ֣ה הָֽאֱלֹהִ֔ים עַל־דִּבְרַ֗ת שֶׁלֹּ֨א יִמְצָ֧א הָֽאָדָ֛ם אַחֲרָ֖יו מְאֽוּמָה׃
Ecclésiaste 3.22 Ecclésiaste 3.4 Deutéronome 28.47 Psaumes 30.11-30.12 1 Rois 8.47
15 אֶת־הַכֹּ֥ל רָאִ֖יתִי בִּימֵ֣י הֶבְלִ֑י יֵ֤שׁ צַדִּיק֙ אֹבֵ֣ד בְּצִדְקֹ֔ו וְיֵ֣שׁ רָשָׁ֔ע מַאֲרִ֖יךְ בְּרָעָתֹֽו׃
Ecclésiaste 8.12-8.14 Ecclésiaste 6.12 Psaumes 73.3-73.13 Esaïe 65.20 Matthieu 23.34-23.35
16 אַל־תְּהִ֤י צַדִּיק֙ הַרְבֵּ֔ה וְאַל־תִּתְחַכַּ֖ם יֹותֵ֑ר לָ֖מָּה תִּשֹּׁומֵֽם׃
Romains 12.3 Philippiens 3.6 Luc 18.12 Proverbes 25.16 Matthieu 9.14
17 אַל־תִּרְשַׁ֥ע הַרְבֵּ֖ה וְאַל־תְּהִ֣י סָכָ֑ל לָ֥מָּה תָמ֖וּת בְּלֹ֥א עִתֶּֽךָ׃
Proverbes 10.27 Psaumes 55.23 Job 22.16 1 Samuel 25.38 Actes 5.5
18 טֹ֚וב אֲשֶׁ֣ר תֶּאֱחֹ֣ז בָּזֶ֔ה וְגַם־מִזֶּ֖ה אַל־תַּנַּ֣ח אֶת־יָדֶ֑ךָ כִּֽי־יְרֵ֥א אֱלֹהִ֖ים יֵצֵ֥א אֶת־כֻּלָּֽם׃
Ecclésiaste 12.13 Ecclésiaste 8.12 Ecclésiaste 11.6 Luc 11.42 Psaumes 145.19-145.20
19 הַֽחָכְמָ֖ה תָּעֹ֣ז לֶחָכָ֑ם מֵֽעֲשָׂרָה֙ שַׁלִּיטִ֔ים אֲשֶׁ֥ר הָי֖וּ בָּעִֽיר׃
Proverbes 24.5 Proverbes 21.22 Colossiens 1.9-1.11 Ecclésiaste 9.13-9.18 2 Samuel 20.16-20.22
20 כִּ֣י אָדָ֔ם אֵ֥ין צַדִּ֖יק בָּאָ֑רֶץ אֲשֶׁ֥ר יַעֲשֶׂה־טֹּ֖וב וְלֹ֥א יֶחֱטָֽא׃
1 Rois 8.46 Romains 3.23 2 Chroniques 6.36 Proverbes 20.9 Esaïe 53.6
21 גַּ֤ם לְכָל־הַדְּבָרִים֙ אֲשֶׁ֣ר יְדַבֵּ֔רוּ אַל־תִּתֵּ֖ן לִבֶּ֑ךָ אֲשֶׁ֥ר לֹֽא־תִשְׁמַ֥ע אֶֽת־עַבְדְּךָ֖ מְקַלְלֶֽךָ׃
Proverbes 30.10 1 Corinthiens 13.5-13.7 Esaïe 29.21 2 Samuel 16.10 2 Samuel 19.19
22 כִּ֛י גַּם־פְּעָמִ֥ים רַבֹּ֖ות יָדַ֣ע לִבֶּ֑ךָ אֲשֶׁ֥ר גַּם־אַתָּ֖ה קִלַּ֥לְתָּ אֲחֵרִֽים׃
Matthieu 15.19 1 Rois 2.44 Jacques 3.9 Matthieu 18.32-18.35 Jean 8.7-8.9

La sagesse et les hommes

23 כָּל־זֹ֖ה נִסִּ֣יתִי בַֽחָכְמָ֑ה אָמַ֣רְתִּי אֶחְכָּ֔מָה וְהִ֖יא רְחֹוקָ֥ה מִמֶּֽנִּי׃
Romains 1.22 1 Corinthiens 1.20 Genèse 3.5 1 Rois 11.1-11.8 1 Rois 3.11-3.12
24 רָחֹ֖וק מַה־שֶּׁהָיָ֑ה וְעָמֹ֥ק׀ עָמֹ֖ק מִ֥י יִמְצָאֶֽנּוּ׃
Romains 11.33 1 Timothée 6.16 Job 28.12-28.23 Job 28.28 Psaumes 139.6
25 סַבֹּ֨ותִֽי אֲנִ֤י וְלִבִּי֙ לָדַ֣עַת וְלָת֔וּר וּבַקֵּ֥שׁ חָכְמָ֖ה וְחֶשְׁבֹּ֑ון וְלָדַ֨עַת֙ רֶ֣שַׁע כֶּ֔סֶל וְהַסִּכְל֖וּת הֹולֵלֹֽות׃
Ecclésiaste 10.13 2 Pierre 3.3-3.9 2 Samuel 13.12 Ecclésiaste 2.15 Ecclésiaste 7.27
26 וּמֹוצֶ֨א אֲנִ֜י מַ֣ר מִמָּ֗וֶת אֶת־הָֽאִשָּׁה֙ אֲשֶׁר־הִ֨יא מְצֹודִ֧ים וַחֲרָמִ֛ים לִבָּ֖הּ אֲסוּרִ֣ים יָדֶ֑יהָ טֹ֞וב לִפְנֵ֤י הָאֱלֹהִים֙ יִמָּלֵ֣ט מִמֶּ֔נָּה וְחֹוטֵ֖א יִלָּ֥כֶד בָּֽהּ׃
Proverbes 22.14 Proverbes 5.3-5.5 Proverbes 2.16 Proverbes 2.18-2.19 Ecclésiaste 2.26
27 רְאֵה֙ זֶ֣ה מָצָ֔אתִי אָמְרָ֖ה קֹהֶ֑לֶת אַחַ֥ת לְאַחַ֖ת לִמְצֹ֥א חֶשְׁבֹּֽון׃
Ecclésiaste 12.8-12.10 Ecclésiaste 1.1-1.2
28 אֲשֶׁ֛ר עֹוד־בִּקְשָׁ֥ה נַפְשִׁ֖י וְלֹ֣א מָצָ֑אתִי אָדָ֞ם אֶחָ֤ד מֵאֶ֨לֶף֙ מָצָ֔אתִי וְאִשָּׁ֥ה בְכָל־אֵ֖לֶּה לֹ֥א מָצָֽאתִי׃
Job 33.23 Psaumes 12.1 Esaïe 26.9 1 Rois 11.1-11.3 Ecclésiaste 7.23-7.24
29 לְבַד֙ רְאֵה־זֶ֣ה מָצָ֔אתִי אֲשֶׁ֨ר עָשָׂ֧ה הָאֱלֹהִ֛ים אֶת־הָאָדָ֖ם יָשָׁ֑ר וְהֵ֥מָּה בִקְשׁ֖וּ חִשְּׁבֹנֹ֥ות רַבִּֽים׃
Genèse 3.6-3.7 Genèse 1.26-1.27 Jérémie 4.22 Psaumes 106.29 Genèse 5.1