1 Samuel 12.2
Vulgate

Avertissements de Samuel

¹ dixit autem Samuhel ad universum Israhel ecce audivi vocem vestram iuxta omnia quae locuti estis ad me et constitui super vos regem
1 Samuel 10.24 1 Samuel 11.14-11.15 1 Samuel 8.19-8.22 1 Samuel 10.1 1 Samuel 8.5-8.8
² et nunc rex graditur ante vos ego autem senui et incanui porro filii mei vobiscum sunt itaque conversatus coram vobis ab adulescentia mea usque ad diem hanc ecce praesto sum
1 Samuel 8.5 1 Samuel 8.20 1 Samuel 8.1 1 Samuel 8.3 Nombres 27.17
³ loquimini de me coram Domino et coram christo eius utrum bovem cuiusquam tulerim an asinum si quempiam calumniatus sum si oppressi aliquem si de manu cuiusquam munus accepi et contemnam illud hodie restituamque vobis
1 Samuel 10.1 1 Samuel 24.6 Nombres 16.15 Actes 20.33 Deutéronome 16.19
⁴ et dixerunt non es calumniatus nos neque oppressisti neque tulisti de manu alicuius quippiam
3 Jean 1.12 Daniel 6.4 Psaumes 37.5-37.6
⁵ dixitque ad eos testis Dominus adversus vos et testis christus eius in die hac quia non inveneritis in manu mea quippiam et dixerunt testis
Exode 22.4 Actes 23.9 Actes 24.20 Actes 24.16 1 Corinthiens 4.4
⁶ et ait Samuhel ad populum Dominus qui fecit Mosen et Aaron et eduxit patres nostros de terra Aegypti
Michée 6.4 Exode 6.26 Psaumes 77.19-77.20 Psaumes 78.12-78.72 Psaumes 105.41
⁷ nunc ergo state ut iudicio contendam adversum vos coram Domino de omnibus misericordiis Domini quas fecit vobiscum et cum patribus vestris
Esaïe 1.18 Esaïe 5.3-5.4 Actes 17.3 Juges 5.11 Michée 6.1-6.5
⁸ quomodo ingressus est Iacob in Aegyptum et clamaverunt patres vestri ad Dominum et misit Dominus Mosen et Aaron et eduxit patres vestros ex Aegypto et conlocavit eos in loco hoc
Exode 4.14-4.16 Exode 2.23-2.24 Josué 1.6 Psaumes 78.54-78.55 Psaumes 44.1-44.3
⁹ qui obliti sunt Domini Dei sui et tradidit eos in manu Sisarae magistri militiae Asor et in manu Philisthinorum et in manu regis Moab et pugnaverunt adversum eos
Juges 10.7 Juges 4.2 Juges 3.12 Juges 13.1 Deutéronome 32.18
¹⁰ postea autem clamaverunt ad Dominum et dixerunt peccavimus quia dereliquimus Dominum et servivimus Baalim et Astharoth nunc ergo erue nos de manu inimicorum nostrorum et serviemus tibi
Juges 2.13 Juges 10.10 Juges 3.7 Juges 3.9 Juges 10.15-10.16
¹¹ et misit Dominus Hierobaal et Bedan et Ieptha et Samuhel et eruit vos de manu inimicorum vestrorum per circuitum et habitastis confidenter
Juges 6.32 Juges 4.6 Juges 11.1-11.33 Juges 8.29 Juges 6.14
¹² videntes autem quod Naas rex filiorum Ammon venisset adversum vos dixistis mihi nequaquam sed rex imperabit nobis cum Dominus Deus vester regnaret in vobis
Juges 8.23 1 Samuel 8.5-8.7 1 Samuel 10.19 1 Samuel 11.1-11.2 Genèse 17.7
¹³ nunc ergo praesto est rex vester quem elegistis et petistis ecce dedit vobis Dominus regem
1 Samuel 10.24 Osée 13.11 1 Samuel 8.5 1 Samuel 9.20 Psaumes 78.29-78.31
¹⁴ si timueritis Dominum et servieritis ei et audieritis vocem eius et non exasperaveritis os Domini eritis et vos et rex qui imperat vobis sequentes Dominum Deum vestrum
Josué 24.14 Romains 2.7 Esaïe 3.10 Josué 24.20 Deutéronome 28.1-28.14
¹⁵ si autem non audieritis vocem Domini sed exasperaveritis sermonem Domini erit manus Domini super vos et super patres vestros
Josué 24.20 Esaïe 1.20 1 Samuel 12.9 Deutéronome 28.15-28.68 Esaïe 3.11
¹⁶ sed et nunc state et videte rem istam grandem quam facturus est Dominus in conspectu vestro
Exode 14.13 Exode 14.31 1 Samuel 12.7 1 Samuel 15.16
¹⁷ numquid non messis tritici est hodie invocabo Dominum et dabit voces et pluvias et scietis et videbitis quia grande malum feceritis vobis in conspectu Domini petentes super vos regem
Proverbes 26.1 1 Samuel 8.7 1 Samuel 7.9-7.10 Jacques 5.16-5.18 Psaumes 99.6
¹⁸ et clamavit Samuhel ad Dominum et dedit Dominus voces et pluviam in die illa
Exode 14.31 Esdras 10.9 Exode 9.23-9.25 Psaumes 106.12-106.13 Apocalypse 11.5-11.6
¹⁹ et timuit omnis populus nimis Dominum et Samuhelem dixitque universus populus ad Samuhel ora pro servis tuis ad Dominum Deum tuum ut non moriamur addidimus enim universis peccatis nostris malum ut peteremus nobis regem
Exode 9.28 1 Jean 5.16 Exode 10.17 1 Samuel 12.23 Genèse 20.7
²⁰ dixit autem Samuhel ad populum nolite timere vos fecistis universum malum hoc verumtamen nolite recedere a tergo Domini et servite Domino in omni corde vestro
Deutéronome 11.16 1 Pierre 3.16 Deutéronome 31.29 Josué 23.6 Exode 20.19-20.20
²¹ et nolite declinare post vana quae non proderunt vobis neque eruent vos quia vana sunt
Habakuk 2.18 Jérémie 16.19 Jérémie 10.15 Esaïe 45.20 Jérémie 14.22
²² et non derelinquet Dominus populum suum propter nomen suum magnum quia iuravit Dominus facere vos sibi populum
Psaumes 106.8 1 Rois 6.13 Josué 7.9 Deutéronome 7.7-7.8 Jérémie 14.21
²³ absit autem a me hoc peccatum in Domino ut cessem orare pro vobis et docebo vos viam bonam et rectam
Romains 1.9 Colossiens 1.9 2 Timothée 1.3 1 Rois 8.36 Proverbes 4.11
²⁴ igitur timete Dominum et servite ei in veritate et ex toto corde vestro vidistis enim magnifica quae in vobis gesserit
Deutéronome 10.21 Esaïe 5.12 Psaumes 126.2-126.3 Job 28.28 Ecclésiaste 12.13
²⁵ quod si perseveraveritis in malitia et vos et rex vester pariter peribitis
Josué 24.20 1 Samuel 31.1-31.5 Deutéronome 28.36 Osée 10.3 Esaïe 3.11