Ruth 2.6
Vulgate

Rencontre de Ruth et Boaz

¹ erat autem vir Helimelech consanguineus homo potens et magnarum opum nomine Booz
Ruth 4.21 Matthieu 1.5 Ruth 3.2 Ruth 3.12 1 Chroniques 2.10-2.12
² dixitque Ruth Moabitis ad socrum suam si iubes vadam in agrum et colligam spicas quae metentium fugerint manus ubicumque clementis in me patris familias repperero gratiam cui illa respondit vade filia mi
Lévitique 23.22 Lévitique 19.9 Deutéronome 24.19-24.21 Lévitique 19.16 Ruth 2.7
³ abiit itaque et colligebat spicas post terga metentium accidit autem ut ager ille haberet dominum Booz qui erat de cognatione Helimelech
2 Thessaloniciens 3.12 Luc 10.31 Esther 6.1-6.2 2 Rois 8.5 Matthieu 10.29
⁴ et ecce ipse veniebat de Bethleem dixitque messoribus Dominus vobiscum qui responderunt ei benedicat tibi Dominus
2 Thessaloniciens 3.16 Luc 1.28 Psaumes 129.7-129.8 Juges 6.12 2 Timothée 4.22
⁵ dixitque Booz iuveni qui messoribus praeerat cuius est haec puella
1 Chroniques 2.11-2.12 Ruth 4.21
⁶ qui respondit haec est Moabitis quae venit cum Noemi de regione moabitide
Ruth 1.22 Genèse 15.2 Ruth 1.16 Genèse 39.4 Genèse 24.2
⁷ et rogavit ut spicas colligeret remanentes sequens messorum vestigia et de mane usque nunc stat in agro et ne ad momentum quidem domum reversa est
Proverbes 13.4 Proverbes 18.23 Proverbes 15.33 Ephésiens 5.21 Proverbes 22.29
⁸ et ait Booz ad Ruth audi filia ne vadas ad colligendum in alterum agrum nec recedas ab hoc loco sed iungere puellis meis
Matthieu 9.22 Matthieu 10.7-10.11 1 Samuel 3.16 1 Samuel 3.6 2 Rois 5.13
⁹ et ubi messuerint sequere mandavi enim pueris meis ut nemo tibi molestus sit sed etiam si sitieris vade ad sarcinulas et bibe aquas de quibus et pueri bibunt
1 Jean 5.18 Matthieu 10.42 Genèse 24.18-24.20 Psaumes 105.15 Jean 4.7-4.11
¹⁰ quae cadens in faciem suam et adorans super terram dixit ad eum unde mihi hoc ut invenirem gratiam ante oculos tuos et nosse me dignareris peregrinam mulierem
1 Samuel 25.23 2 Samuel 9.8 Romains 12.10 Luc 7.6-7.7 Ruth 2.2
¹¹ cui ille respondit nuntiata sunt mihi omnia quae feceris socrui tuae post mortem viri tui et quod dereliqueris parentes tuos et terram in qua nata es et veneris ad populum quem ante nesciebas
Hébreux 11.24-11.26 Ruth 1.14-1.22 Psaumes 45.10 Hébreux 11.8-11.9 Luc 5.23
¹² reddat tibi Dominus pro opere tuo et plenam mercedem recipias a Domino Deo Israhel ad quem venisti et sub cuius confugisti alas
Psaumes 91.4 Psaumes 36.7 Psaumes 57.1 Psaumes 61.4 Psaumes 63.7
¹³ quae ait inveni gratiam ante oculos tuos domine mi qui consolatus es me et locutus es ad cor ancillae tuae quae non sum similis unius puellarum tuarum
Genèse 33.15 1 Samuel 1.18 Genèse 33.8 Philippiens 2.3 2 Samuel 16.4
¹⁴ dixitque ad eam Booz quando hora vescendi fuerit veni huc et comede panem et intingue buccellam tuam in aceto sedit itaque ad messorum latus et congessit pulentam sibi comeditque et saturata est et tulit reliquias
Ruth 2.18 Luc 14.12-14.14 Matthieu 14.20 2 Rois 4.43-4.44 Deutéronome 8.10
¹⁵ atque inde surrexit ut spicas ex more colligeret praecepit autem Booz pueris suis dicens etiam si vobiscum metere voluerit ne prohibeatis eam
Jacques 1.5
¹⁶ et de vestris quoque manipulis proicite de industria et remanere permittite ut absque rubore colligat et colligentem nemo corripiat
1 Jean 3.17-3.18 Romains 12.13 Proverbes 19.17 Philémon 1.7 Matthieu 25.40
¹⁷ collegit ergo in agro usque ad vesperam et quae collegerat virga caedens et excutiens invenit hordei quasi oephi mensuram id est tres modios
Proverbes 31.27 Ezéchiel 45.11-45.12 Exode 16.36
¹⁸ quos portans reversa est in civitatem et ostendit socrui suae insuper protulit et dedit ei de reliquiis cibi sui quo saturata fuerat
Ruth 2.14 Jean 6.12-6.13 1 Timothée 5.4
¹⁹ dixitque ei socrus ubi hodie collegisti et ubi fecisti opus sit benedictus qui misertus est tui indicavitque ei apud quem esset operata et nomen dixit viri quod Booz vocaretur
Psaumes 41.1 Ruth 2.10 2 Corinthiens 9.13-9.15 1 Rois 7.21
²⁰ cui respondit Noemi benedictus sit a Domino quoniam eandem gratiam quam praebuerat vivis servavit et mortuis rursumque propinquus ait noster est homo
2 Samuel 2.5 Ruth 3.9-3.10 Deutéronome 25.5-25.7 Proverbes 17.17 Lévitique 25.25
²¹ et Ruth hoc quoque inquit praecepit mihi ut tamdiu messoribus eius iungerer donec omnes segetes meterentur
Ruth 2.22 Cantique 1.7-1.8 Ruth 2.7-2.8
²² cui dixit socrus melius est filia mi ut cum puellis eius exeas ad metendum ne in alieno agro quispiam resistat tibi
Proverbes 27.10 Cantique 1.8
²³ iuncta est itaque puellis Booz et tamdiu cum eis messuit donec hordea et triticum in horreis conderentur
1 Corinthiens 15.33 Deutéronome 16.9 Ephésiens 6.1-6.3 Proverbes 6.6-6.8 Proverbes 13.20