Josué 1.10
Vulgate

Conquête du pays promis

Josué à la tête d’Israël

¹ et factum est ut post mortem Mosi servi Domini loqueretur Dominus ad Iosue filium Nun ministrum Mosi et diceret ei
Deutéronome 34.5 Deutéronome 34.9 Josué 12.6 Exode 24.13 Deutéronome 1.38
² Moses servus meus mortuus est surge et transi Iordanem istum tu et omnis populus tecum in terram quam ego dabo filiis Israhel
Esaïe 42.1 Deutéronome 31.7 Josué 1.11 Deutéronome 3.28 Hébreux 3.5-3.6
³ omnem locum quem calcaverit vestigium pedis vestri vobis tradam sicut locutus sum Mosi
Deutéronome 11.24 Josué 14.9 Tite 1.2
⁴ a deserto et Libano usque ad fluvium magnum Eufraten omnis terra Hettheorum usque ad mare Magnum contra solis occasum erit terminus vester
Exode 23.31 Deutéronome 1.7 Deutéronome 11.24 Genèse 15.18-15.21 Deutéronome 3.25
⁵ nullus vobis poterit resistere cunctis diebus vitae tuae sicut fui cum Mose ero et tecum non dimittam nec derelinquam te
Deutéronome 31.6-31.8 Josué 1.9 Matthieu 28.20 Esaïe 41.10-41.14 Romains 8.31
⁶ confortare et esto robustus tu enim sorte divides populo huic terram pro qua iuravi patribus suis ut traderem eam illis
Josué 1.9 Josué 1.7 Aggée 2.4 Nombres 34.17-34.29 1 Chroniques 28.10
⁷ confortare igitur et esto robustus valde ut custodias et facias omnem legem quam praecepit tibi Moses servus meus ne declines ab ea ad dextram vel ad sinistram ut intellegas cuncta quae agis
Deutéronome 5.32 1 Chroniques 22.13 Josué 11.15 Deutéronome 28.14 Deutéronome 29.9
⁸ non recedat volumen legis huius de ore tuo sed meditaberis in eo diebus ac noctibus ut custodias et facias omnia quae scripta sunt in eo tunc diriges viam tuam et intelleges eam
Psaumes 119.15 Psaumes 19.14 Colossiens 3.16 Luc 11.28 Jean 14.21
⁹ ecce praecipio tibi confortare et esto robustus noli metuere et noli timere quoniam tecum est Dominus Deus tuus in omnibus ad quaecumque perrexeris
Genèse 28.15 Josué 1.6-1.7 Jérémie 1.7-1.8 Psaumes 46.7 Psaumes 27.1-27.2
¹⁰ praecepitque Iosue principibus populi dicens transite per medium castrorum et imperate populo ac dicite
¹¹ praeparate vobis cibaria quoniam post diem tertium transibitis Iordanem et intrabitis ad possidendam terram quam Dominus Deus vester daturus est vobis
Josué 3.2 Deutéronome 11.31 Deutéronome 9.1 Exode 19.11 Osée 6.2
¹² Rubenitis quoque et Gadditis et dimidiae tribui Manasse ait
Nombres 32.20-32.22
¹³ mementote sermonis quem praecepit vobis Moses famulus Domini dicens Dominus Deus vester dedit vobis requiem et omnem terram
Nombres 32.20-32.28 Deutéronome 3.18-3.20 Josué 22.1-22.4
¹⁴ uxores vestrae et filii ac iumenta manebunt in terra quam tradidit vobis Moses trans Iordanem vos autem transite armati ante fratres vestros omnes fortes manu et pugnate pro eis
Apocalypse 17.4 Exode 13.18 Deutéronome 20.8
¹⁵ donec det requiem Dominus fratribus vestris sicut et vobis dedit et possideant ipsi quoque terram quam Dominus Deus vester daturus est eis et sic revertemini in terram possessionis vestrae et habitabitis in ea quam vobis dedit Moses famulus Domini trans Iordanem contra solis ortum
Nombres 32.17-32.22 Philippiens 2.4 Josué 22.4-22.9 Philippiens 1.21-1.26 1 Corinthiens 12.26
¹⁶ responderuntque ad Iosue atque dixerunt omnia quae praecepisti nobis faciemus et quocumque miseris ibimus
Tite 3.1 Romains 13.1-13.5 1 Pierre 2.13-2.15 Deutéronome 5.27 Nombres 32.25
¹⁷ sicut oboedivimus in cunctis Mosi ita oboediemus et tibi tantum sit Dominus Deus tecum sicut fuit cum Mose
Josué 1.5 Matthieu 21.9 1 Chroniques 28.20 Psaumes 20.4 Psaumes 118.25-118.26
¹⁸ qui contradixerit ori tuo et non oboedierit cunctis sermonibus quos praeceperis ei moriatur tu tantum confortare et viriliter age
Josué 1.6-1.7 Josué 1.9 Hébreux 10.28-10.29 Romains 13.1-13.5 Esdras 10.4