Deutéronome 33.18
Vulgate

Bénédiction de Moïse

¹ haec est benedictio qua benedixit Moses homo Dei filiis Israhel ante mortem suam
Josué 14.6 1 Rois 13.1 Juges 13.6 Psaumes 90.1 Jean 16.33
² et ait Dominus de Sina venit et de Seir ortus est nobis apparuit de monte Pharan et cum eo sanctorum milia in dextera eius ignea lex
Actes 7.53 Habakuk 3.3 Apocalypse 5.11 Psaumes 68.17 Galates 3.19
³ dilexit populos omnes sancti in manu illius sunt et qui adpropinquant pedibus eius accipient de doctrina illius
Luc 10.39 Actes 22.3 Malachie 1.2 Deutéronome 7.6-7.8 Deutéronome 14.2
⁴ legem praecepit nobis Moses hereditatem multitudinis Iacob
Psaumes 119.111 Jean 1.17 Jean 7.19 Psaumes 119.72 Deutéronome 9.26-9.29
⁵ erit apud rectissimum rex congregatis principibus populi cum tribubus Israhel
Deutéronome 32.15 Exode 18.19 Juges 17.6 Nombres 16.13-16.15 Genèse 36.31
⁶ vivat Ruben et non moriatur et sit parvus in numero
Genèse 49.3-49.4 Genèse 49.8 Nombres 32.31-32.32 Josué 22.1-22.9
⁷ haec est Iudae benedictio audi Domine vocem Iudae et ad populum suum introduc eum manus eius pugnabunt pro eo et adiutor illius contra adversarios eius erit
Genèse 49.8-49.12 2 Samuel 3.1 2 Samuel 5.1 Malachie 3.1 Psaumes 78.70
⁸ Levi quoque ait perfectio tua et doctrina tua viro sancto tuo quem probasti in Temptatione et iudicasti ad aquas Contradictionis
Exode 28.30 Exode 17.7 Nombres 20.13 Psaumes 106.16 Lévitique 8.8
⁹ qui dixit patri suo et matri suae nescio vos et fratribus suis ignoro illos et nescierunt filios suos hii custodierunt eloquium tuum et pactum tuum servaverunt
Galates 1.10 Jérémie 18.18 Matthieu 10.37 Job 37.24 Lévitique 10.6
¹⁰ iudicia tua o Iacob et legem tuam o Israhel ponent thymiama in furore tuo et holocaustum super altare tuum
Lévitique 10.11 Psaumes 51.19 Deutéronome 17.9-17.11 Exode 30.7-30.8 Ezéchiel 43.27
¹¹ benedic Domine fortitudini eius et opera manuum illius suscipe percute dorsa inimicorum eius et qui oderunt eum non consurgant
2 Samuel 24.23 Ezéchiel 43.27 Ezéchiel 20.40-20.41 Luc 10.16 Nombres 35.2-35.8
¹² et Beniamin ait amantissimus Domini habitabit confidenter in eo quasi in thalamo tota die morabitur et inter umeros illius requiescet
Juges 1.21 2 Chroniques 15.2 Josué 18.11-18.28 Psaumes 91.4 Matthieu 23.37
¹³ Ioseph quoque ait de benedictione Domini terra eius de pomis caeli et rore atque abysso subiacente
Genèse 49.22-49.26 Proverbes 3.20 Esaïe 18.4 Genèse 48.5 Osée 14.5
¹⁴ de pomis fructuum solis ac lunae
Lévitique 26.4 Psaumes 84.11 Psaumes 8.3 Actes 14.17 Malachie 4.2
¹⁵ de vertice antiquorum montium de pomis collium aeternorum
Habakuk 3.6 Genèse 49.26 Jacques 5.7
¹⁶ et de frugibus terrae et plenitudine eius benedictio illius qui apparuit in rubo veniat super caput Ioseph et super verticem nazarei inter fratres suos
Psaumes 24.1 Exode 3.2-3.4 Actes 7.35 Luc 2.14 Psaumes 89.11
¹⁷ quasi primogeniti tauri pulchritudo eius cornua rinocerotis cornua illius in ipsis ventilabit gentes usque ad terminos terrae hae sunt multitudines Ephraim et haec milia Manasse
Nombres 23.22 1 Rois 22.11 Psaumes 44.5 1 Chroniques 5.1 Genèse 48.19
¹⁸ et Zabulon ait laetare Zabulon in exitu tuo et Isachar in tabernaculis tuis
Genèse 49.13-49.15 Josué 19.11 Juges 5.14
¹⁹ populos ad montem vocabunt ibi immolabunt victimas iustitiae qui inundationem maris quasi lac sugent et thesauros absconditos harenarum
Psaumes 4.5 Esaïe 2.3 Esaïe 60.5 Exode 15.17 Psaumes 51.16-51.17
²⁰ et Gad ait benedictus in latitudine Gad quasi leo requievit cepitque brachium et verticem
Genèse 49.19 Michée 5.8 Genèse 9.26-9.27 1 Chroniques 4.10 Josué 13.8
²¹ et vidit principatum suum quod in parte sua doctor esset repositus qui fuit cum principibus populi et fecit iustitias Domini et iudicium suum cum Israhel
Josué 1.14 Josué 4.12-4.13 Josué 22.1-22.4 Juges 5.2 Juges 5.11
²² Dan quoque ait Dan catulus leonis fluet largiter de Basan
Juges 18.27 Josué 19.47 Juges 15.15 Juges 14.6 1 Chroniques 12.35
²³ et Nepthalim dixit Nepthalim abundantia perfruetur et plenus erit benedictione Domini mare et meridiem possidebit
Genèse 49.21 Josué 19.32-19.39 Matthieu 11.28 Psaumes 90.14 Matthieu 4.16
²⁴ Aser quoque ait benedictus in filiis Aser sit placens fratribus suis tinguat in oleo pedem suum
Job 29.6 Genèse 49.20 Actes 7.10 Proverbes 3.3-3.4 Psaumes 128.3
²⁵ ferrum et aes calciamentum eius sicut dies iuventutis tuae ita et senectus tua
Psaumes 138.3 Philippiens 4.13 2 Chroniques 16.9 Esaïe 41.10 Ephésiens 6.15
²⁶ non est alius ut Deus rectissimi ascensor caeli auxiliator tuus magnificentia eius discurrunt nubes
Psaumes 104.3 Exode 15.11 Habakuk 3.8 Psaumes 68.33-68.34 Psaumes 86.8
²⁷ habitaculum eius sursum et subter brachia sempiterna eiciet a facie tua inimicum dicetque conterere
Psaumes 18.2 Romains 16.20 Psaumes 91.9 Esaïe 25.4 Psaumes 91.1-91.2
²⁸ habitabit Israhel confidenter et solus oculus Iacob in terra frumenti et vini caelique caligabunt rore
Nombres 23.9 Jérémie 23.6 Genèse 27.28 Esaïe 48.1 Psaumes 68.26
²⁹ beatus tu Israhel quis similis tui popule qui salvaris in Domino scutum auxilii tui et gladius gloriae tuae negabunt te inimici tui et tu eorum colla calcabis
Psaumes 115.9-115.11 Esaïe 45.17 2 Samuel 7.23 Psaumes 66.3 Nombres 23.20-23.24