Sophonie 3.10
Vulgate

Causes du jugement de Jérusalem

¹ vae provocatrix et redempta civitas columba
Jérémie 6.6 Ezéchiel 23.30 Amos 4.1 Zacharie 7.10 Esaïe 59.13
² non audivit vocem et non suscepit disciplinam in Domino non est confisa ad Deum suum non adpropiavit
Jérémie 5.3 Jérémie 22.21 Psaumes 78.22 Jérémie 2.30 Jérémie 7.23-7.28
³ principes eius in medio eius quasi leones rugientes iudices eius lupi vespere non relinquebant in mane
Habakuk 1.8 Jérémie 5.6 Ezéchiel 22.25-22.27 Job 4.8-4.11 Proverbes 28.15
⁴ prophetae eius vesani viri infideles sacerdotes eius polluerunt sanctum iniuste egerunt contra legem
Ezéchiel 22.26 Malachie 2.8 Osée 9.7 1 Samuel 2.12-2.17 Ezéchiel 13.3-13.16
⁵ Dominus iustus in medio eius non faciet iniquitatem mane mane iudicium suum dabit in luce et non abscondetur nescivit autem iniquus confusionem
Deutéronome 32.4 Sophonie 3.15 Psaumes 145.17 Ecclésiaste 3.16-3.17 Psaumes 99.3-99.4
⁶ disperdi gentes et dissipati sunt anguli earum desertas feci vias eorum dum non est qui transeat desolatae sunt civitates eorum non remanente viro nec ullo habitatore
Zacharie 7.14 1 Corinthiens 10.6 Esaïe 15.1-15.9 Jérémie 25.9-25.11 Esaïe 37.36
⁷ dixi attamen timebis me suscipies disciplinam et non peribit habitaculum eius propter omnia in quibus visitavi eam verumtamen diluculo surgentes corruperunt omnes cogitationes suas
Osée 9.9 Jérémie 7.7 Jérémie 36.3 Sophonie 3.2 2 Chroniques 28.6-28.8
⁸ quapropter expecta me dicit Dominus in die resurrectionis meae in futurum quia iudicium meum ut congregem gentes et colligam regna ut effundam super eas indignationem meam omnem iram furoris mei in igne enim zeli mei devorabitur omnis terra
Joël 3.2 Sophonie 1.18 2 Pierre 3.10 Psaumes 27.14 Psaumes 130.5-130.6

Bénédictions en perspective

⁹ quia tunc reddam populis labium electum ut vocent omnes in nomine Domini et serviant ei umero uno
Esaïe 19.18 Psaumes 22.27 Apocalypse 11.15 Romains 15.6-15.11 Habakuk 2.14
¹⁰ ultra flumina Aethiopiae inde supplices mei filii dispersorum meorum deferent munus mihi
Psaumes 68.31 Esaïe 11.11 Esaïe 18.1 1 Pierre 1.1 Romains 15.16
¹¹ in die illa non confunderis super cunctis adinventionibus tuis quibus praevaricata es in me quia tunc auferam de medio tui magniloquos superbiae tuae et non adicies exaltari amplius in monte sancto meo
Esaïe 54.4 Esaïe 11.9 Joël 2.26-2.27 Matthieu 3.9 Jérémie 7.4
¹² et derelinquam in medio tui populum pauperem et egenum et sperabunt in nomine Domini
Esaïe 14.32 Zacharie 13.8-13.9 Nahum 1.7 Matthieu 5.3 Esaïe 50.10
¹³ reliquiae Israhel non facient iniquitatem nec loquentur mendacium et non invenietur in ore eorum lingua dolosa quoniam ipsi pascentur et accubabunt et non erit qui exterreat
Apocalypse 14.5 Sophonie 2.7 Michée 4.7 Jérémie 31.33 Esaïe 60.21
¹⁴ lauda filia Sion iubilate Israhel laetare et exulta in omni corde filia Hierusalem
Esaïe 12.6 Esaïe 54.1 Luc 2.10-2.14 Psaumes 95.1-95.2 Zacharie 9.9-9.10
¹⁵ abstulit Dominus iudicium tuum avertit inimicos tuos rex Israhel Dominus in medio tui non timebis malum ultra
Esaïe 51.22 Jean 1.49 Zacharie 10.6-10.7 Sophonie 3.5 Apocalypse 7.15
¹⁶ in die illa dicetur Hierusalem noli timere Sion non dissolvantur manus tuae
Hébreux 12.12 Esaïe 35.3-35.4 Apocalypse 2.3 Job 4.3 Esaïe 43.1-43.2
¹⁷ Dominus Deus tuus in medio tui Fortis ipse salvabit gaudebit super te in laetitia silebit in dilectione tua exultabit super te in laude
Hébreux 7.25 Psaumes 149.4 Sophonie 3.15 Esaïe 62.4-62.5 Jérémie 32.41
¹⁸ nugas qui a lege recesserant congregabo quia ex te erant ut non ultra habeas super eis obprobrium
Psaumes 42.2-42.4 Lamentations 1.4 Jérémie 23.3 Psaumes 137.3-137.6 Osée 9.5
¹⁹ ecce ego interficiam omnes qui adflixerunt te in tempore illo et salvabo claudicantem et eam quae eiecta fuerat congregabo et ponam eos in laudem et in nomen in omni terra confusionis eorum
Michée 4.6-4.7 Esaïe 60.14 Jérémie 33.9 Ezéchiel 34.16 Zacharie 2.8-2.9
²⁰ in tempore illo quo adducam vos et in tempore quo congregabo vos dabo enim vos in nomen et in laudem omnibus populis terrae cum convertero captivitatem vestram coram oculis vestris dicit Dominus
Jérémie 29.14 Joël 3.1 Esaïe 56.5 Sophonie 3.19 Ezéchiel 37.21