Ezéchiel 48
Vulgate

Partage du pays

1 et haec nomina tribuum a finibus aquilonis iuxta viam Aethlon pergentibus Emath atrium Aenon terminus Damasci ad aquilonem iuxta Emath et erit ei plaga orientalis mare Dan una
Ezéchiel 47.15-47.17 Josué 19.40-19.47 Ezéchiel 47.20 Exode 1.1-1.5 Juges 18.26-18.29
2 et ad terminum Dan a plaga orientali usque ad plagam maris Aser una
Josué 19.24-19.31 Genèse 30.12-30.13
3 et super terminum Aser a plaga orientali usque ad plagam maris Nepthalim una
Josué 19.32-19.39 Genèse 30.7-30.8
4 et super terminum Nepthalim a plaga orientali usque ad plagam maris Manasse una
Josué 17.1-17.11 Josué 13.29-13.31 Genèse 48.5 Genèse 30.22-30.24 Genèse 48.14-48.20
5 et super terminum Manasse a plaga orientali usque ad plagam maris Ephraim una
Josué 17.8-17.10 Josué 17.14-17.18 Josué 16.1-16.10
6 et super terminum Ephraim a plaga orientali usque ad plagam maris Ruben una
Josué 13.15-13.21 Genèse 29.32 Genèse 49.3-49.4
7 et super terminum Ruben a plaga orientali usque ad plagam maris Iuda una
Josué 15.1-15.63 Josué 19.9 Genèse 29.35
8 et super terminum Iuda a plaga orientali usque ad plagam maris erunt primitiae quas separabitis viginti quinque milibus latitudinis et longitudinis sicuti singulae partes a plaga orientali usque ad plagam maris et erit sanctuarium in medio eius
Esaïe 33.20-33.22 Esaïe 12.6 Ezéchiel 45.1-45.6 Apocalypse 21.22 2 Corinthiens 6.16
9 primitiae quas separastis Domino longitudo viginti quinque milibus et latitudo decem milibus
10 hae autem erunt primitiae sanctuarii sacerdotum ad aquilonem viginti quinque milia et ad mare latitudinis decem milia sed et ad orientem latitudinis decem milia et ad meridiem longitudinis viginti quinque milia et erit sanctuarium Domini in medio eius
Ezéchiel 45.4 Ezéchiel 44.28 Matthieu 10.10 Josué 21.1-21.45 1 Corinthiens 9.13-9.14
11 sacerdotibus sanctuarium erit de filiis Sadoc qui custodierunt caerimonias meas et non erraverunt cum errarent filii Israhel sicut erraverunt et Levitae
Ezéchiel 44.10 Ezéchiel 40.46 Apocalypse 2.10 1 Pierre 5.4 2 Timothée 4.7-4.8
12 et erunt eis primitiae de primitiis terrae sanctum sanctorum iuxta terminum Levitarum
Lévitique 27.21 Ezéchiel 45.4
13 sed et Levitis similiter iuxta fines sacerdotum viginti quinque milia longitudinis et latitudinis decem milia omnis longitudo viginti et quinque milium et latitudo decem milium
Deutéronome 12.19 Ezéchiel 45.3 Ezéchiel 45.5 Luc 10.7
14 et non venundabunt ex eo neque mutabunt nec transferentur primitiae terrae quia sanctificatae sunt Domino
Lévitique 27.28 Malachie 3.8-3.10 Lévitique 27.32-27.33 Lévitique 27.9-27.10 Exode 22.29
15 quinque milia autem quae supersunt in latitudine per viginti quinque milia profana erunt urbis in habitaculum et in suburbana et erit civitas in medio eius
Ezéchiel 45.6 Ezéchiel 42.20 1 Timothée 3.15 Ezéchiel 44.23 Ezéchiel 22.26
16 et heae mensurae eius ad plagam septentrionalem quingenti et quattuor milia et ad plagam meridianam quingenti et quattuor milia et ad plagam orientalem quingenti et quattuor milia et ad plagam occidentalem quingenti et quattuor milia
Apocalypse 21.16
17 erunt autem suburbana civitatis ad aquilonem ducenti quinquaginta et in meridie ducenti quinquaginta et ad orientem ducenti quinquaginta et ad mare ducenti quinquaginta
18 quod autem reliquum fuerit in longitudine secundum primitias sanctuarii decem milia in orientem et decem milia ad occidentem erunt sicut primitiae sanctuarii et erunt fruges eius in panes his qui serviunt civitati
Josué 9.27 Ezéchiel 45.6 Néhémie 7.46-7.62 Esdras 2.43-2.58
19 servientes autem civitati operabuntur ex omnibus tribubus Israhel
1 Rois 4.7-4.23 Ezéchiel 45.6 Néhémie 11.1-11.36
20 omnes primitiae viginti quinque milium per viginti quinque milia in quadrum separabuntur in primitias sanctuarii et possessionem civitatis
Hébreux 12.17 Apocalypse 21.16
21 quod autem reliquum fuerit principis erit ex omni parte primitiarum sanctuarii et possessionis civitatis e regione viginti quinque milium primitiarum usque ad terminum orientalem sed et ad mare e regione viginti quinque milium usque ad terminum maris similiter in partibus principis erit et erunt primitiae sanctuarii et sanctuarium templi in medio eius
Ezéchiel 48.22 Ezéchiel 48.8 Osée 1.11 Ezéchiel 45.7-45.8 Ezéchiel 37.24
22 de possessione autem Levitarum et de possessione civitatis in medio partium principis erit inter terminum Iuda et inter terminum Beniamin et ad principem pertinebit
23 et reliquis tribubus a plaga orientali usque ad plagam occidentalem Beniamin una
Josué 18.21-18.28 Ezéchiel 48.1-48.7 Genèse 35.16-35.19
24 et contra terminum Beniamin a plaga orientali usque ad plagam occidentalem Symeon una
Josué 19.1-19.9 Genèse 29.33 Genèse 49.5-49.7
25 et super terminum Symeonis a plaga orientali usque ad plagam occidentis Isachar una
Josué 19.17-19.23 Genèse 30.14-30.18
26 et super terminum Isachar a plaga orientali usque ad plagam occidentalem Zabulon una
Josué 19.10-19.16 Genèse 30.19-30.20
27 et super terminum Zabulon a plaga orientali usque ad plagam maris Gad una
Josué 13.24-13.28 Genèse 30.10-30.11
28 et super terminum Gad ad plagam austri in meridiem et erit finis de Thamar usque ad aquas Contradictionis Cades hereditas contra mare magnum
2 Chroniques 20.2 Ezéchiel 47.15 Ezéchiel 47.19-47.20 Psaumes 106.32 Ezéchiel 47.10
29 haec est terra quam mittetis in sortem tribubus Israhel et hae partitiones earum ait Dominus Deus
Ezéchiel 47.13-47.22 Josué 13.1-13.21 Nombres 34.2 Nombres 34.13
30 et hii egressus civitatis a plaga septentrionali quingentos et quattuor milia mensurabis
Ezéchiel 48.16 Ezéchiel 48.32-48.35 Apocalypse 21.16
31 et portae civitatis in nominibus tribuum Israhel portae tres a septentrione porta Ruben una porta Iudae una porta Levi una
Apocalypse 21.12-21.13 Esaïe 26.1-26.2 Esaïe 60.11 Esaïe 54.12 Apocalypse 21.21
32 et ad plagam orientalem quingentos et quattuor milia et portae tres porta Ioseph una porta Beniamin una porta Dan una
33 et ad plagam meridianam quingentos et quattuor milia metieris portam Symeonis unam portam Isachar unam portam Zabulon unam
34 et ad plagam occidentalem quingenti et quattuor milia portae eorum tres porta Gad una porta Aser una porta Nepthalim una
35 per circuitum decem et octo milia et nomen civitatis ex illa die Dominus ibidem
Apocalypse 21.3 Jérémie 33.16 Jérémie 3.17 Zacharie 2.10 Joël 3.21