Ezéchiel 36.19
Vulgate

Rétablissement d’Israël

¹ tu autem fili hominis propheta super montes Israhel et dices montes Israhel audite verbum Domini
Ezéchiel 34.14 Ezéchiel 36.4 Jérémie 22.29 Ezéchiel 33.28 Ezéchiel 37.22
² haec dicit Dominus Deus eo quod dixerit inimicus de vobis euge altitudines sempiternae in hereditatem datae sunt nobis
Deutéronome 32.13 Ezéchiel 25.3 Ezéchiel 35.10 Esaïe 58.14 Habakuk 3.19
³ propterea vaticinare et dic haec dicit Dominus Deus pro eo quod desolati estis et conculcati per circuitum et facti in hereditatem reliquis gentibus et ascendistis super labium linguae et obprobrium populi
Psaumes 44.13-44.14 Jérémie 18.16 Lamentations 2.15-2.16 Jérémie 39.1-39.18 Lamentations 2.2
⁴ propterea montes Israhel audite verbum Domini Dei haec dicit Dominus Deus montibus et collibus torrentibus vallibusque et desertis parietinis et urbibus derelictis quae depopulatae sunt et subsannatae a reliquis gentibus per circuitum
Deutéronome 11.11 Ezéchiel 34.28 Ezéchiel 36.1 Ezéchiel 36.6 Psaumes 79.4
⁵ propterea haec dicit Dominus Deus quoniam in igne zeli mei locutus sum de reliquis gentibus et de Idumea universa qui dederunt terram meam sibi in hereditatem cum gaudio et toto corde ex animo et eiecerunt eam ut vastarent
Ezéchiel 36.3 Jérémie 25.9 Deutéronome 4.24 Ezéchiel 38.19 Jérémie 25.15-25.29
⁶ idcirco vaticinare super humum Israhel et dices montibus et collibus iugis et vallibus haec dicit Dominus Deus ecce ego in zelo meo et in furore meo locutus sum eo quod confusionem gentium sustinueritis
Psaumes 123.3-123.4 Ezéchiel 34.29 Psaumes 74.10 Ezéchiel 36.4-36.5 Ezéchiel 36.15
⁷ idcirco haec dicit Dominus Deus ego levavi manum meam ut gentes quae in circuitu vestro sunt ipsae confusionem suam portent
Ezéchiel 20.5 Ezéchiel 20.15 Apocalypse 10.5-10.6 Deutéronome 32.40 Amos 1.1-1.15
⁸ vos autem montes Israhel ramos vestros germinetis et fructum vestrum adferatis populo meo Israhel prope est enim ut veniat
Esaïe 27.6 Esaïe 4.2 Ezéchiel 34.26-34.29 Psaumes 85.12 Amos 9.13-9.15
⁹ quia ecce ego ad vos et convertar ad vos et arabimini et accipietis sementem
Osée 2.21-2.23 Joël 3.18 Aggée 2.19 Ezéchiel 36.34 Malachie 3.10-3.11
¹⁰ et multiplicabo in vobis homines omnemque domum Israhel et habitabuntur civitates et ruinosa instaurabuntur
Ezéchiel 36.33 Jérémie 33.12 Jérémie 30.19 Esaïe 27.6 Jérémie 31.27-31.28
¹¹ et replebo vos hominibus et iumentis et multiplicabuntur et crescent et habitari vos faciam sicut a principio bonisque donabo maioribus quam habuistis ab initio et scietis quia ego Dominus
Michée 7.14 Jérémie 31.27 Jérémie 33.12 Jérémie 30.18 Ezéchiel 16.55
¹² et adducam super vos homines populum meum Israhel et hereditate possidebunt te et eris eis in hereditatem et non addes ultra ut absque eis sis
Jérémie 15.7 Ezéchiel 47.14 Nombres 13.32 Abdias 1.17-1.21 Jérémie 32.15
¹³ haec dicit Dominus Deus pro eo quod dicunt de vobis devoratrix hominum es et suffocans gentem tuam
Nombres 13.32
¹⁴ propterea homines non comedes amplius et gentem tuam non necabis ultra ait Dominus Deus
Amos 9.15 Ezéchiel 37.25-37.28 Esaïe 60.21
¹⁵ nec auditam faciam in te amplius confusionem gentium et obprobrium populorum nequaquam portabis et gentem tuam non amittes amplius ait Dominus Deus
Psaumes 89.50 Ezéchiel 34.29 Esaïe 60.14 Esaïe 54.4 Ezéchiel 36.6
¹⁶ et factum est verbum Domini ad me dicens
¹⁷ fili hominis domus Israhel habitaverunt in humo sua et polluerunt eam in viis suis et in studiis suis iuxta inmunditiam menstruatae facta est via eorum coram me
Jérémie 2.7 Lévitique 15.19-15.33 Nombres 35.33-35.34 Lévitique 18.24-18.28 Jérémie 16.18
¹⁸ et effudi indignationem meam super eos pro sanguine quem fuderunt super terram et in idolis suis polluerunt eam
2 Chroniques 34.21 Ezéchiel 7.8 Lamentations 4.11 Lamentations 2.4 Apocalypse 16.1-16.21
¹⁹ et dispersi eos in gentes et ventilati sunt in terris iuxta vias eorum et adinventiones iudicavi eos
Ezéchiel 39.24 Deutéronome 28.64 Ezéchiel 5.12 Ezéchiel 18.30 Amos 9.9
²⁰ et ingressi sunt ad gentes ad quas introierunt et polluerunt nomen sanctum meum cum diceretur de eis populus Domini iste est et de terra eius egressi sunt
Esaïe 52.5 Romains 2.24 Jérémie 33.24 Exode 32.11-32.13 2 Rois 18.30
²¹ et peperci nomini meo sancto quod polluerat domus Israhel in gentibus ad quas ingressi sunt
Esaïe 48.9 Psaumes 74.18 Ezéchiel 20.9 Ezéchiel 20.14 Esaïe 37.35
²² idcirco dices domui Israhel haec dicit Dominus Deus non propter vos ego faciam domus Israhel sed propter nomen sanctum meum quod polluistis in gentibus ad quas intrastis
Ezéchiel 36.32 Deutéronome 7.7-7.8 Psaumes 106.8 Deutéronome 9.5-9.7 Psaumes 115.1-115.2
²³ et sanctificabo nomen meum magnum quod pollutum est inter gentes quod polluistis in medio earum ut sciant gentes quia ego Dominus ait Dominus exercituum cum sanctificatus fuero in vobis coram eis
Ezéchiel 20.41 Esaïe 5.16 Psaumes 126.1-126.3 Psaumes 46.10 Ezéchiel 39.7
²⁴ tollam quippe vos de gentibus et congregabo de universis terris et adducam vos in terram vestram
Ezéchiel 37.21 Ezéchiel 34.13 Ezéchiel 11.17 Esaïe 43.5-43.6 Jérémie 32.37
²⁵ et effundam super vos aquam mundam et mundabimini ab omnibus inquinamentis vestris et ab universis idolis vestris mundabo vos
Tite 3.5-3.6 Hébreux 10.22 Jérémie 33.8 Zacharie 13.1-13.2 Esaïe 4.4
²⁶ et dabo vobis cor novum et spiritum novum ponam in medio vestri et auferam cor lapideum de carne vestra et dabo vobis cor carneum
Ezéchiel 11.19-11.20 Psaumes 51.10 2 Corinthiens 5.17 Deutéronome 30.6 Ephésiens 2.10
²⁷ et spiritum meum ponam in medio vestri et faciam ut in praeceptis meis ambuletis et iudicia mea custodiatis et operemini
Tite 3.3-3.6 Ezéchiel 39.29 Hébreux 13.21 Ezéchiel 37.14 Tite 2.11-2.14
²⁸ et habitabitis in terra quam dedi patribus vestris et eritis mihi in populum et ego ero vobis in Deum
Ezéchiel 37.27 Ezéchiel 11.20 Ezéchiel 37.23 Ezéchiel 14.11 Jérémie 32.38
²⁹ et salvabo vos ex universis inquinamentis vestris et vocabo frumentum et multiplicabo illud et non inponam in vobis famem
Osée 2.21-2.23 Matthieu 1.21 Psaumes 105.6 Zacharie 13.1 Jérémie 33.8
³⁰ et multiplicabo fructum ligni et genimina agri ut non portetis ultra obprobrium famis in gentibus
Ezéchiel 34.27 Deutéronome 29.23-29.28 Lévitique 26.4 Joël 2.17 Joël 2.26
³¹ et recordabimini viarum vestrarum pessimarum studiorumque non bonorum et displicebunt vobis iniquitates vestrae et scelera vestra
Ezéchiel 20.43 Ezéchiel 6.9 Esaïe 6.5 Job 42.6 Néhémie 9.26-9.35
³² non propter vos ego faciam ait Dominus Deus notum sit vobis confundimini et erubescite super viis vestris domus Israhel
Deutéronome 9.5 Ezéchiel 36.22 Romains 6.21 1 Pierre 4.2-4.3 Ezéchiel 16.63
³³ haec dicit Dominus Deus in die qua mundavero vos ex omnibus iniquitatibus vestris et habitari fecero urbes et instauravero ruinosa
Ezéchiel 36.10 Esaïe 58.12 Zacharie 8.7-8.8 Jérémie 50.19-50.20 Jérémie 32.43
³⁴ et terra deserta fuerit exculta quae quondam erat desolata in oculis omnis viatoris
Ezéchiel 6.14 Deutéronome 29.23-29.28 2 Chroniques 36.21 Jérémie 25.9-25.11
³⁵ dicent terra illa inculta facta est ut hortus voluptatis et civitates desertae et destitutae atque suffossae munitae sederunt
Esaïe 51.3 Joël 2.3 Genèse 2.8-2.9 Jérémie 33.9 Genèse 13.10
³⁶ et scient gentes quaecumque derelictae fuerint in circuitu vestro quia ego Dominus aedificavi dissipata plantavique inculta ego Dominus locutus sum et fecerim
Ezéchiel 17.24 Ezéchiel 22.14 Ezéchiel 37.14 Matthieu 24.35 Nombres 23.19
³⁷ haec dicit Dominus Deus adhuc in hoc invenient me domus Israhel ut faciam eis multiplicabo eos sicut gregem hominum
Ezéchiel 14.3 1 Jean 5.14 Philippiens 4.6 Hébreux 4.16 Zacharie 10.6
³⁸ ut gregem sanctum ut gregem Hierusalem in sollemnitatibus eius sic erunt civitates desertae plenaeque gregibus hominum et scient quia ego Dominus
Jean 10.16 2 Chroniques 30.21-30.27 Ezéchiel 36.33-36.35 Actes 2.5-2.11 Ezéchiel 34.31