Esaïe 34.10
Vulgate

Prophétie sur Édom

¹ accedite gentes et audite et populi adtendite audiat terra et plenitudo eius orbis et omne germen eius
Esaïe 43.9 Deutéronome 32.1 Esaïe 41.1 Esaïe 1.2 Juges 5.3
² quia indignatio Domini super omnes gentes et furor super universam militiam eorum interfecit eos et dedit eos in occisionem
Esaïe 13.5 Joël 3.9-3.14 Zacharie 14.12-14.16 Sophonie 3.8 Esaïe 30.25
³ interfecti eorum proicientur et de cadaveribus eorum ascendet fetor tabescent montes sanguine eorum
Joël 2.20 Esaïe 34.7 Ezéchiel 39.4 Ezéchiel 14.19 Apocalypse 14.20
⁴ et tabescet omnis militia caelorum et conplicabuntur sicut liber caeli et omnis militia eorum defluet sicut defluit folium de vinea et de ficu
Matthieu 24.29 Apocalypse 6.13-6.14 Ezéchiel 32.7-32.8 Joël 3.15 Apocalypse 20.11
⁵ quoniam inebriatus est in caelo gladius meus ecce super Idumeam descendet et super populum interfectionis meae ad iudicium
Malachie 1.4 Amos 1.11-1.12 Esaïe 63.1 Jérémie 46.10 Ezéchiel 21.3-21.5
⁶ gladius Domini repletus est sanguine incrassatus est adipe de sanguine agnorum et hircorum de sanguine medullatorum arietum victima enim Domini in Bosra et interfectio magna in terra Edom
Esaïe 63.1 Jérémie 49.13 Ezéchiel 39.17-39.20 Jérémie 50.27 Deutéronome 32.14
⁷ et descendent unicornes cum eis et tauri cum potentibus inebriabitur terra eorum sanguine et humus eorum adipe pinguium
Psaumes 68.30 Nombres 23.22 Jérémie 50.27 Nombres 24.8 Deutéronome 33.17
⁸ quia dies ultionis Domini annus retributionum iudicii Sion
Esaïe 63.4 Esaïe 61.2 Psaumes 94.1 Esaïe 35.4 Jérémie 46.10
⁹ et convertentur torrentes eius in picem et humus eius in sulphur et erit terra eius in picem ardentem
Deutéronome 29.23 Psaumes 11.6 Genèse 19.28 Job 18.15 Jude 1.7
¹⁰ nocte et die non extinguetur in sempiternum ascendet fumus eius a generatione in generationem desolabitur in saeculum saeculorum non erit transiens per eam
Apocalypse 19.3 Esaïe 13.20 Malachie 1.3-1.4 Esaïe 66.24 Apocalypse 14.10-14.11
¹¹ et possidebunt illam onocrotalus et ericius et ibis et corvus habitabunt in ea et extendetur super eam mensura ut redigatur ad nihilum et perpendiculum in desolationem
Lamentations 2.8 2 Rois 21.13 Sophonie 2.14 Apocalypse 18.2 Esaïe 14.23
¹² nobiles eius non erunt ibi regem potius invocabunt et omnes principes eius erunt in nihilum
Esaïe 3.6-3.8 1 Corinthiens 8.4 Jérémie 39.6 1 Corinthiens 13.2 2 Corinthiens 12.11
¹³ et orientur in domibus eius spinae et urticae et paliurus in munitionibus eius et erit cubile draconum et pascua strutionum
Jérémie 10.22 Jérémie 9.11 Malachie 1.3 Psaumes 44.19 Jérémie 49.33
¹⁴ et occurrent daemonia onocentauris et pilosus clamabit alter ad alterum ibi cubavit lamia et invenit sibi requiem
Esaïe 13.21-13.22
¹⁵ ibi habuit foveam ericius et enutrivit catulos et circumfodit et fovit in umbra eius illuc congregati sunt milvi alter ad alterum
Deutéronome 14.13
¹⁶ requirite diligenter in libro Domini et legite unum ex eis non defuit alter ad alterum non quaesivit quia quod ex ore meo procedit ille mandavit et spiritus eius ipse congregavit ea
Psaumes 33.9 Psaumes 33.6 Josué 1.8 Esaïe 30.8 Amos 3.7
¹⁷ et ipse misit eis sortem et manus eius divisit eam illis in mensuram usque in aeternum possidebunt eam in generatione et generatione habitabunt in ea
Esaïe 34.10 Psaumes 78.55 Josué 18.8 Actes 17.26 Esaïe 13.20-13.22