Exode 2.7
Vulgate

¹ egressus est post haec vir de domo Levi accepta uxore stirpis suaeNombres 26.59 1 Chroniques 6.1-6.3 Exode 6.16-6.20 1 Chroniques 23.12-23.14
² quae concepit et peperit filium et videns eum elegantem abscondit tribus mensibusActes 7.20 Hébreux 11.23 Psaumes 112.5
³ cumque iam celare non posset sumpsit fiscellam scirpeam et linivit eam bitumine ac pice posuitque intus infantulum et exposuit eum in carecto ripae fluminisEsaïe 18.2 Exode 1.22 Matthieu 2.13 Esaïe 19.6 Genèse 11.3
⁴ stante procul sorore eius et considerante eventum reiExode 15.20 Nombres 26.59 Nombres 20.1 Nombres 12.1-12.15 Michée 6.4
⁵ ecce autem descendebat filia Pharaonis ut lavaretur in flumine et puellae eius gradiebantur per crepidinem alvei quae cum vidisset fiscellam in papyrione misit unam e famulis suis et adlatamActes 7.21 Psaumes 9.9 1 Rois 17.6 Psaumes 46.1 Psaumes 12.5
⁶ aperiens cernensque in ea parvulum vagientem miserta eius ait de infantibus Hebraeorum est1 Pierre 3.8 Actes 7.21 Néhémie 1.11 Proverbes 21.1 1 Rois 8.50
⁷ cui soror pueri vis inquit ut vadam et vocem tibi hebraeam mulierem quae nutrire possit infantulumNombres 12.1 Exode 15.20 Nombres 26.59 Exode 2.4
⁸ respondit vade perrexit puella et vocavit matrem eiusExode 6.20 Psaumes 27.10 Esaïe 46.3-46.4 Ezéchiel 16.8
⁹ ad quam locuta filia Pharaonis accipe ait puerum istum et nutri mihi ego tibi dabo mercedem tuam suscepit mulier et nutrivit puerum adultumque tradidit filiae Pharaonis ¹⁰ quem illa adoptavit in locum filii vocavitque nomen eius Mosi dicens quia de aqua tuli eumHébreux 11.24 1 Jean 3.1 Galates 4.5 Genèse 16.11 Matthieu 1.21
¹¹ in diebus illis postquam creverat Moses egressus ad fratres suos vidit adflictionem eorum et virum aegyptium percutientem quendam de Hebraeis fratribus suisHébreux 11.24-11.26 Exode 1.11 Matthieu 11.28 Esaïe 58.6 Exode 5.14
¹² cumque circumspexisset huc atque illuc et nullum adesse vidisset percussum Aegyptium abscondit sabuloActes 7.24-7.26
¹³ et egressus die altero conspexit duos Hebraeos rixantes dixitque ei qui faciebat iniuriam quare percutis proximum tuum1 Corinthiens 6.7-6.8 Actes 7.26-7.28
¹⁴ qui respondit quis constituit te principem et iudicem super nos num occidere me tu dicis sicut occidisti Aegyptium timuit Moses et ait quomodo palam factum est verbum istudLuc 12.14 Genèse 19.9 Matthieu 21.23 Genèse 13.8 Genèse 37.19-37.20
¹⁵ audivitque Pharao sermonem hunc et quaerebat occidere Mosen qui fugiens de conspectu eius moratus est in terra Madian et sedit iuxta puteumActes 7.29 Hébreux 11.27 Genèse 29.2 Genèse 24.11 Genèse 25.2
¹⁶ erant sacerdoti Madian septem filiae quae venerunt ad hauriendas aquas et impletis canalibus adaquare cupiebant greges patris suiExode 3.1 Genèse 24.11 1 Samuel 9.11 Genèse 24.14-24.20 Genèse 41.45
¹⁷ supervenere pastores et eiecerunt eas surrexitque Moses et defensis puellis adaquavit oves earumGenèse 29.10 Genèse 21.25 Exode 2.12 Genèse 26.15-26.22
¹⁸ quae cum revertissent ad Raguhel patrem suum dixit ad eas cur velocius venistis solitoExode 3.1 Nombres 10.29 Exode 4.18 Nombres 19.20 Exode 18.1-18.12
¹⁹ responderunt vir aegyptius liberavit nos de manu pastorum insuper et hausit aquam nobiscum potumque dedit ovibusGenèse 29.10 Genèse 50.11
²⁰ at ille ubi est inquit quare dimisistis hominem vocate eum ut comedat panemGenèse 31.54 Genèse 43.25 Genèse 29.13 Job 42.11 Genèse 24.31-24.33
²¹ iuravit ergo Moses quod habitaret cum eo accepitque Sefforam filiam eiusPhilippiens 4.11-4.12 Exode 4.20-4.25 Genèse 31.38-31.40 1 Timothée 6.6 Jacques 1.10
²² quae peperit filium quem vocavit Gersam dicens advena fui in terra alienaActes 7.29 Hébreux 11.13-11.14 Exode 22.21 Psaumes 119.19 Exode 18.3-18.4
²³ post multum temporis mortuus est rex Aegypti et ingemescentes filii Israhel propter opera vociferati sunt ascenditque clamor eorum ad Deum ab operibusJacques 5.4 Actes 7.30 Genèse 18.20-18.21 Exode 3.7-3.9 Actes 12.23-12.24
²⁴ et audivit gemitum eorum ac recordatus foederis quod pepigerat cum Abraham et Isaac et IacobPsaumes 105.42 Exode 6.5 Genèse 26.3 Psaumes 106.45 Psaumes 102.20
²⁵ respexit filios Israhel et cognovit eosExode 4.31 Luc 1.25 Exode 3.7-3.8 Matthieu 7.23 Psaumes 1.6